محمد عثمان بلل في زول قال ليكم تابعوا مباريات الهلال ..!! حاجة عجيبة والله. وبعدين مع ناس الوصيف ديل. إنتو مالكم ومال سيدالبلد. خليتو اي حاجة وبقيتوا كمان محللين لمباريات الهلال. شوفوا قالوا شنو ؟ قالوا الهلال نجا من هزيمة. هزيمة ب(الخاء). مفروض الاشانتي يهزم الهلال في الجوهرة. والهلال ما بمشي قدام. وبرضو ح يجي طيش المجموعة. ومفروض الحكم يطرد البرازيلي. ومجموعة الهلال ضعيفة. وتاني قالوا الهلال محظوظ. عشان لعب اول مباراة على ارضه. ووووووووووووووو ………… !! معقولة يا وصيفاب. يا بتاعين التمهيدي. وبعدين معاكم. انتوا مالكم ومال سيدالبلد. طبعا نحن ما عايزين منكم تساندوا الهلال. لكن مفروض تقيفوا خلف الازرق. بإعتباره ممثل البلد الوحيد في البطولة الافريقية. ودايماً رافع راية السودان. بينما البقية بتودعع من بدري. ومن أمام فرق مغمورة كمان. أول مرة نسمع بيها. سيبوا الهلال في حاله. أنسوه شويه. أتفرجوا بس.
(صمت اخير) .. عذبني وزيد عذابك يمكن قلبي يقسى وزي مانساني قلبك يمكن قلبي ينسى