بابكر سلك *كلما قاربنا من انجاز *كلما تفتقت جروح الخلاف في جسد المريخ *فكلنا سمع بالقاء القبض علي الحبيب حسن بشير ضامن بكري المدينة في بلاغ صديق علي صالح *شوفوا الحتة دي *الشاكي صديق علي صالح *صحيفة الزعيم متهم(فاضلابي) *الحبيب ناصر بابكر متهم *بكري المدينة متهم *حسن بشير ضامن المتهم التالت *في هذه الاوقات هل يحتاج المريخ لبكري *ام يحتاج صديق لاثبات براءته مما نسبه اليه بكري؟ *وهل المصلحة المقدمة عند صديق هي مصلحته الشخصية *ام ترجح عليها مصلحة الكيان العليا؟؟؟ *ام ماذا؟ *المحمكة جميع اطرافها من المريخ *مريخاب او نفترض انهم كذلك *والمريخاب خشوم بيوت *شأنهم شأن اي امة *تميز بينهم المواقف *تلك التي يسجلها التاريخ علي صفحاته وعلي صحائفهم *وان ننكأ جرحا *يعني أن تتفتق جراح اخري مخرجة ما تحويه من صديد *وليخرج كل ما بالجسد من صديد في سبيل العلاج *ولا علاج الا بعد فحوصات دقيقة تقود لتشخيص مثالي يقود بدوره لروشتة علاج ناجع بعد استصحاب تاريخ المرض وجميع اعراضه القديمة *فمثلما للرجال مواقف *للامراض ايضا مواقف *واوقات تشتد فيها لتنهش في الجسد الذي تصيبه *فالقارديا مثلا تنشط وكت الشبع *ولكنها تبيت وقت الجوع والعدم *البيات عندها كي لاتموت *برغم انها قبل بياتها تنخر الاحشاء وجعا *حتي اضحي المريخ في اوقات نحيييييف *ولنا عودة مختبرية تشخيصية دقيييقة جدا نستصحب فيها التاريخ المرضي وجميع اعراضه *ايها الناس *ماهو دور لجنة اطباء المريخ من علاج الاولاد القاعدين في تونس الآن؟؟؟ *هل لهم علم وموافقة بما يحدث؟ *ام ان وجودهم زي عدمو؟؟؟ *وهل نثق في توانسة يجهزون اسلحتنا لنقتلهم بها يا مجلسنا؟؟؟ *وهل نري ان لقاء النجم بعيد لذا نتمهل في الاعداد؟ *الموضوع ده كبير *ويجب اعطاءه حقه كاملا *فبعد لبنت حرام نديها الطير *اتلحلحوا *وسومانا الحصل شنو في موضوعو يا قرشلي؟؟؟ *المهم *بتاع بحر قالوا ليهو لوشي مشت قناة الهلال *قال ليهم بعد الصفار ده؟؟ *ولكن الاهلة يتفاءلون بلوشي شديد *واحد قال لي لوشي من جاتنا الكورة ماشة الاوت تدخل قون في الخصم *جمال سالم يجليها تطلع ضربة مرمي لصالح الهلال *قلت ليهو *قصدك شنو؟ * فطومة ؟؟؟ * فطومة اختي برضك فال خير *فطومة لو مافال خير *التش يحاور الهلال كلو *لما يصل القون يقع! *بعدين الناس طبايع *السمر ديل بعمرو شديد وبحافظوا علي رونقهم *لكن الناس الصفر ديل *معظمهم اتنين وتلتين سنة ببقوا تبخ ساااي *وفطومة لو جبتوا الاحسن من ساماتا *برضك اختي *ولوشي زاتها اختي *ماشايفين الشبه ده *اسي عاين لي لوشي بالجمبه *وعاين لي بالجمبه *علي الحلف الفار مايفرزنا *شبه شديد *ولا موش كده يافطومة!!! *ايها الناس *ان تنصروا الله ينصركم *اها *نجي لي شمارات والي الخرتوم *كان شفت ياوالينا *ولا هامينا *طالما بكبر في حشانا املنا الفينا سلك كهربا ننساك كيف والكلب قال المحامين فرحانين بالبطاقة الجديده عشان بتصرف في البنك وناسيين انو بطاقة الصراف مابتصرف والي لقاء سلك