هاشم الطيب ممتاز فاقد الإمتياز !! # و… الساقيه دورت .. # ساقيه يعني شنو يابا ؟ يا هيثومي الساقيه مضخة للمياه من البحر للبحر يحركها ثوران في حركة دائريه .. أفهمت يا بني ؟ # ولماذ ابيك يحدثك بالعربية الفصحى؟ لأنني أدرس في المدرسة الخاصة والتعليم فيها بلغة سيبويه .. # وماذا تقصد بابا بهذه العبارة ( الساقيه دورت)؟ الساقيه لما تدور وأحمد ورا التيران يخب هي ذات ساقية دورينا الممتاز عك في عك !! # في أول يوم وثاني يوم لعبت ثماني مباريات أي ستة عشر فريقا والحصيلة كما يلي.. # أهداف 14 إنذارات 14 طرد واحد ركلة حزاء واحده تبديلات خرجوا 14 ودخلوا 14 تصبح الحكايه من بعضيها !! # و… الغريب أحمد وحاج أحمد أقصد الهلال والمريخ أو بالعكس بينهما توأمة مستدامة.. أقول ليكم كيييف ؟ # أول لاعب يتم طرده في أول مباراة يلعبها مع فريقه الجديد المريخ هو لاعب مريخ جاء من الأمل !! # و.. أول ركلة جزاء أرتكبت صنعها حارس الهلال المشارك مع فريقه الجديد وعبرها تمكن السوكرتا إدراك التعادل في الوقت القاتل !! # أها شوفتوا كيف أنا يوم كضبت عليكم ؟ # نرجع لتحكيمنا أمس قلت ليكم التحكيم لا غبار عليه وكلمت الخبير عامر قلت ليه قرط على كدا لكن أظن عامر ما وجد مفتاح إنقليزي عشان كدا الصاموله الكبيره إتحلجت.. أتحلجت كيف ؟ # ياخونا لو رقتو بوريكم الشفتو .. # حارس الهلال عمل بلنتي عدييييل لا فيه شق ولا طق ولا شك والدولي أبو لينه في نفس المكان وبدون إعتراضات كالتي تحدث عادة وخاصة أن الحكم مدد الزمن للتنفيذ وفور ماتم أعلن نهاية المباراة .. تمام يا اب شنب عشره من عشره بس عندي سؤال لو جاوبته أو جاوبو المقيم طوالي امنحك الدرجه ميه في الميه .. أها قصرت معاك.؟ # الحارس أبو عشرين أرتكب المخالفه عدييييل مسك الزول من كراعه ورماه الأرض نعم ركلة جزاء صحيحه السؤال ياصديق ألا يستحق مرتكب المخالفة البطاقة الصفراء على أسوأ الفروض ولو كان الحكم محمد عبد الماجد الصابيها ذاتو لما تردد في الحمراء بالرغم أنو ما بيحب اللون الأحمر لأنه بيكره مصارعة التيران !!! # لو جاوبت السؤال ده تكون إستحقيت النمره الكامله ومسموح ليك بمشاورة صديق حتى لو كان الخبير عامر عثمان زاتو .. أها قصرت معاك.! في المليان :: ؛؛؛؛؛؛؛؛؛؛؛؛؛؛؛؛؛؛؛؛ هذه الأيام المباركة كل زول سوداني ليه قيمه بيكون فرحان فرح شديد بعيد الإستقبال المجيد لو زول صغير ما بيعرف شي يسأل عشان يحكوا ليه كان يا ماكان واحد اسمه دبكه قال عاوزين نحكم نفسنا غادروا الله لا عادكم ولو زول حضر رفع العلم يقعد يجتر الماضي ويتذكر ويقول لأحفاده عيد الإستقبال مبروك عليكم ويا أبناء جدودنا زمان وصرنا على الوطن الغالي وعليكم العض عليه بالنواجز والأظافر وتسلم يا جيشنا الهمام…
