صلاح الدين حميدة .. رفض شعبي واسع واستنكار لحديث عبدالرحيم دقلو ووصفه بالمغرور العنصرى #فى الوقت الذى تعيش فيه البلاد اجواء والمحبة وفى ظل التعايش السلمى بين ابناء الوطن الواحد .و بعد صراعات وخلافات وحروب اهلية كانت ذات طابع عنصري جهوى. كانت النتجية والمحصلة اتفاقية السلام الشامل مابين والحكومة وحركات الكفاح المسلح بعد مرور 17 عاما من الحرب الاهلية فى اقليم دارفور . وبعد هذا احد مكاسب ثورة ديسمبر المجيدة التى دعت الى الحرية والسلام والعدالة والتمنية مما ساعد ذلك فى توقف هذه الحرب اللعينة .. #الشى المحزن والمؤسف جدا هى تصريحات بعض المسؤلين فى الدولة اى كان موقعة او منصبه السياسى وعلى سبيل المثال فى ذلك تصريحات السيد الفريق عبد الرحيم دقلو قائد ثانى قوات الدعم السريع وعضو مجلس شركاء الفترة الانتقالية المعروف جدا فى تصريحاته الشهيرة قبل ايام معدودة تلكم التصريحات التى . #لاقت استنكاراورفضا شعبيا واسعاً، واتهم بتأجيج الصراع العنصري و إثارة الفتنه والكراهية بين أهل الشمال. لعمرى ان هذا لشى مؤسف جدا لمسؤل فى الدولة يعتبر واجة فى المجتمع وهو فى نفس الوقت مسؤل امام الله فى حق هذا الشعب المغلوب على امره ورفع شعارات السلام من اجل الثورة. #قائد ثانى قوات الدعم السريع دقلو و في احتفالية قبيلة المحاميد بمناسبة إطلاق سراح زعيمها الشيخ موسي هلال . دقلو قال بالحرف الواحد وامام حشد من انصار هلال (الخرطوم دى حقت ابو منو ) واضاف لو علي انا نمشي مروي، فيها مطار ومستشفي محل التنمية).في اشارة له لشمال السودان وتعزيز فكرة الهامش والمركز وما يروج عن ظلم أهل الشمال لباقي مناطق السودان . #وهو ما وجد استنكارا واسعا ورفض تماما في الوسائط لعدت اسباب منها أولا رفض وجود الحركات المسلحة والقوات النظامية الاخرى في الخرطوم العاصمة مما يمثل مهدد أمني خطير للمواطنيين وخصوصا من تصرفات من بعض عناصرهذه القوات النظامية مثال لذلك حادثة اغتيال الشهيد . بهاء نوري، من قبل افراد من الدعم السريع . #قلبها كانت تظاهرات عناصر سرية العمليات هذه القوة التى تتبع لجهاز الامن والمخابرات الوطنى عندماتظاهرو بالذخيرة الحية فى مقر ثكناتهم العسكرية داخل الاحياء فى الخرطوم وبعض الولايات الاخرى مطالبين بحقوقهم و ذلك بعد ان تمت الغاء هذه القوة العسكرية وهيلكة جهاز الامن وفقا لما جاء فى الوثيقية الدستورية حينها صدر قرار من الفريق اول عبدالفتاح البرهان رئيس #مجلس السيادة والقائد العام للقوات المسلحة . بمنع وتواجد اى قوة عسكرية داخل الاحياء والمدن على ان تكون هذه القوات متواجدة فى الاطراف خارج المدن . ولكن استمر الحال بعد ذلك وتاتى قوات تابع لحركة جيش تحرير السودان جناح اركو مناوى وتقوم باحتلال الحديقة الدولية ومن ثم تتمددت هذه القوة العسكرية لتقوم بعد ذلك بالتوقل للداخل #لحتل مقر اللجنة الاولمبية السودانية من قبل قوات تابعة لمناوي، لذلك يتخوف المواطن من حدوث بعض الحوادث مثل تفجيرات مواقع عسكرية او اشتباكات لقدر الله والذين يرفضون ذلك هم أهل الخرطوم من كل انحاء السودان ولكن دقلو حاول ان يروج إلى ان الذين يرفضون ذلك هم أهل الشمال . #كتب الصحفي محمد حامد جمعة (كل أبناء دارفور ؛ ممن لهم وعي عليهم الوقوف بقوة لصالح خطاب يحفظ مقامات كل الجهات . ظلم تاريخي بتاع الساعة كم ؛ دارفور من فجر الاستقلال لليوم حضورها في كل الحقب التاريخية معقول، كون ان ابناء الإقليم قصروا في تنمية مناطقهم وتجسير الهوة بين المجتمعات المحلية واي زول إستخدم اهله درقة ورافعة دي ما مشكلة باقي السودان . #وأضاف نوار : ما تمسحو الدهن في الصوف بالله، القروش العند اثرياء دارفور ممكن تحول اي مدينة لجنة وارفه وديات القتلي كان ممكن ان تحول جنوب دارفور او شمالها حضر وريف في نطاقات الزول من مزرعة ومراح بياكل للحول الا لو اشترى سكر وشاي. #وزاد فى قوله قائلا : والله انا زرت نوري القريبة دي شفت جالوص متهالك _ في طريقي لسد مروي _ احترت الناس دي بتكتب شعر لشنو وكيف . صي وقفر . والبلقى مال او سلطة ببني ليه مستشفى ومقر خدمة . في دارفور في والي جاب مولد في صليعة ولا ياسن ما عارف جات جماعة مسلحة كسرتو بقذيفة اربجي . تقول البشير بتعالج فيه . وما معمول لاهلهم . ياخ ما تقرفونا) واضاف (فاتو مروي بهناك وماف زول سال زول ماف زول ضد الحركات المسلحة، لكن كمان من حق الناس تبدي قلقها من وصول حشود قواتها بسلاحها كامل عتاد حربي والعسكرى داخل الاحياء والمدن جد هو لامر مقلق ومثير للقلق . #وتابع فى قوله : اي زول مدني خليك من عسكري بفهم انه في مواقيت الاتفاقيات اي فصيل مسلح عنده نقاط تجميع وحصر أسلحة وبيكون في تمثيل رمزي اغلبه خاص بالحمايات الشخصية، ولاحظ ان الحركات دي ما خضعت لبرنامج تنفيس او تطوير من ناحية التعامل النفسى مع المواطن والمجتمع #دخلت الخرطوم بذهنية انها مهمشة وان العمران والمال الفي الخرطوم دا حقهم لان الناس دي حرامية واكلت حق اخوانها، دا ما فيه تمييز بين غني بجهده ولا زول سلفقة ( طبعا من المفاهيم السائدة الموجودة لبعض حركات الكفاح المسلح وطبعا هو خطا وغير صحيح ) . طيب لو بكره في جماعة او صنفو و وعدوهم بضباط وعلامات عسكرية وما تم الكلام دا والمجموعة دي زعلت وتمردت وتحت يدها سلاح ممكن يدك عمارة او مدرسة ! ساي زعلة كدا الناس تقول يا منو ؟.. #القصص دي ما فيها حسن نوايا ومطيابات ويفترض الجهة الرتبت الاتفاق دا تكون واضحة اذا مكون مدني ولا عسكري .( الاوله شرط اخر نور ) ولغاية دا ما يحصل اي زووول من حقه يتخوف ويقلق . وقصة يمشو اي محل في السودان اي سوداني يمش . دي ما حاجة عاوزة تنويه . مما الله خلقنا في دارفور لاقينا كل أجناس الارض . نيالا البحير الدناقلة الفيها في حفير مشو مافي . والدارفوريين ديل انا شفتهم عمودية مع الناظر ترك وساكنين في اقصى الفشقة خلفهم اثيوبيا وفيهم الوصل قندر ووصلوا الشمال لحدود حلفا خلي مروي. يوم واااحد في زول سال زول ؟! لان الناس عايشة ومتعايشة بربطهم عرف وبجمع خلق سودانيين ما عاوز كشاف زاتو). #وكتبت الصحفية رشان أوشي (ماذا يقصد دقلو بمروي والإشارة إليها.. حديث عنصري تافه جدا..) ويدور حديث في الصوالين الخاصة ان عبدالرحيم دقلو يقود خط عنصري لتوحيد الحركات الدارفورية ضد الشمال ويقول ذلك لخاصته ويعضد ذلك تصريحاته الأخيرة في احتفالية موسى هلال. ختاماااااااا سودانا سودانا ارض الجدود والاب فيه وجدت منزلى فيه وجدت ماكلى فيه وجدت مشربى سماؤه من فضة وارضه من ذهب ونيله مبارك يجرى بماء طيب هكذا وصف الشعر والشاعر السودانى السودان الجدود خالى من العنصرية والقبيلة السودان وطن يسع الجميع ….
