سودارس : محمد حمدان (حميدتي): بشرى الصادق المهدي درّب قوات الدعم السريع

السفير السعودي لدى السودان يعلن خطة المملكة لإعادة إعمار ستة مستشفيات في السودان مليشيا الدعم السريع تكرر هجومها صباح اليوم على مدينة النهود منتخب الشباب يختتم تحضيراته وبعثته تغادر فجرا الى عسلاية اشراقة بطلاً لكاس السوبر بالقضارف المريخ يواصل تحضيراته للقاء انتر نواكشوط شاهد بالفيديو.. رئيس مجلس السيادة: (بعض الوزراء الواحد فيهم بفتكر الوزارة حقته جاب خاله وإبن أخته وحبوبته ومنحهم وظائف) الحسم يتأجل.. 6 أهداف ترسم قمة مجنونة بين برشلونة وإنتر شاهد بالفيديو.. رئيس مجلس السيادة: (بعض الوزراء الواحد فيهم بفتكر الوزارة حقته جاب خاله وإبن أخته وحبوبته ومنحهم وظائف) شاهد بالصور والفيديو.. على أنغام الفنانة توتة عذاب.. عروس الوسط الفني المطربة آسيا بنة تخطف الأضواء في "جرتق" زواجها المجد لثورة ديسمبر الخالدة وللساتك بالصورة.. ممثلة سودانية حسناء تدعم "البرهان" وثير غضب "القحاتة": (المجد للبندقية تاني لا لساتك لا تتريس لا كلام فاضي) المجد للثورة لا للبندقية: حين يفضح البرهان نفسه ويتعرّى المشروع الدموي استئناف العمل بمحطة مياه سوبا وتحسين إمدادات المياه في الخرطوم الناطق الرسمي للقوات المسلحة : الإمارات تحاول الآن ذر الرماد في العيون وتختلق التُّهم الباطلة هيئة مياه الخرطوم تعلن عن خطوة مهمة قرار بتعيين وزراء في السودان د.ابراهيم الصديق على يكتب: *القبض على قوش بالامارات: حيلة قصيرة… هل أصبح أنشيلوتي قريباً من الهلال السعودي؟ باكستان تعلن إسقاط مسيَّرة هنديَّة خلال ليلة خامسة من المناوشات جديد الإيجارات في مصر.. خبراء يكشفون مصير المستأجرين ترامب: بوتين تخلى عن حلمه ويريد السلام باريس سان جيرمان يُسقط آرسنال بهدف في لندن إيقاف مدافع ريال مدريد روديغر 6 مباريات تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا صلاح.. أعظم هداف أجنبي في تاريخ الدوري الإنجليزي تعاون بين الجزيرة والفاو لإصلاح القطاع الزراعي وإعادة الإعمار قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية ترامب: يجب السماح للسفن الأمريكية بالمرور مجاناً عبر قناتي السويس وبنما كهرباء السودان توضح بشأن قطوعات التيار في ولايتين تبادل جديد لإطلاق النار بين الهند وباكستان علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة خبير الزلازل الهولندي يعلّق على زلزال تركيا في حضرة الجراح: إستعادة التوازن الممكن التحقيقات تكشف تفاصيل صادمة في قضية الإعلامية سارة خليفة المريخ يخلد ذكري الراحل الاسطورة حامد بربمة ألا تبا، لوجهي الغريب؟! الجيش يشن غارات جوية على «بارا» وسقوط عشرات الضحايا حملة لمكافحة الجريمة وإزالة الظواهر السالبة في مدينة بورتسودان وزير المالية يرأس وفد السودان المشارك في إجتماعات الربيع بواشنطن شندي تحتاج لعمل كبير… بطلوا ثرثرة فوق النيل!!!!! ارتفاع التضخم في السودان بلاش معجون ولا ثلج.. تعملي إيه لو جلدك اتعرض لحروق الزيت فى المطبخ انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام بيان مجمع الفقه الإسلامي حول القدر الواجب إخراجه في زكاة الفطر

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

محمد حمدان (حميدتي): بشرى الصادق المهدي درّب قوات الدعم السريع

أميرة الجعلي نشر في سودان سفاري يوم 21 - 05 - 2014

فى مكتب بقلب الخرطوم.. يجلس الأربعيني فى حالة هدوء لا تعقبه عاصفة، عواصف غابت حتى عن ردود الرجل الذي بدا مرتباً للحد البعيد وهو يرد على أسئلة (اليوم التالي) التى وضعتها فى طاولته، بل أبدى استعداه للرد على المزيد من الاسئلة..
محمد حمدان (حميدتي)، القائد الميداني لقوات الدعم السريع يجيد اللعب فى ميادين أخرى، يجيد اعادة تركيب الكلمات والدفع بها مختلطة باللهجة المحببة لمواطني دارفور. منضدة بلون بني وجهاز كمبيوتر كان مغلفاً لحظة دخولنا الى المكتب، وظل كذلك مثل التلفون الجلاكسي، بلونه الاحمر، وتلفون آخر ظلا صامتين طوال زمن الحوار.
الشاب كث الشارب صاحب اللحية المستديرة يرتدي بدلة (رمادية) وإن كانت خطوط القميص الازرق كافية للعبور في قضايا متعددة .. الرجل يبدو مختلفاً تماماً عن الصورة المرسومة له فى مخيلة الكثيرين فى واقع اليوم..
* بداية نريد أن نتعرّف من هو العميد محمد حمدان (حمديتي)؟
- أولاً مرحب بكم؛ أولاً أنا محمد حمدان دقلو، ساكن نيالا فى جنوب دارافور، حي المطار.
* النشأة؟
- أنا من مواليد كتم شمال دارفور عام 1974.
* فى ما يتعلق بمراحل التدريب وهل تخرجت فى الكلية الحربية؟
-أول مرة دخلت القوات المسلحة سنة 2003 فى استخبارات الحدود واستمريت فيها 11 سنة بعدها انتقلت منها لجهاز الأمن 2013.
* حميدتي نسخة جديدة من موسى هلال؟
- موسى هلال من الادارة الاهلية وأنا زول ضابط فى جهاز الأمن ليس لدي علاقة به.
* ما هي أسباب وخلفيات تكوين قوات الدعم السريع ومن أي المناطق تم تجنيد أفرادها ولماذ؟
- أولاً قوات الدعم السريع تم تجميعها من قوات حرس الحدود والجيش والوحدات وجهاز الامن. وتكونت قوة وجاء متطوعون من أبناء دارفور والشمالية وجنوب كردفان وغرب كردفان والغالبية طبعاً من دارفور.
* متى تم تكوينها؟
- في 2003
يعني هي من كل السودان وليست محصورة فقط في مجموعات إثنية محددة كما يتحدث البعض؟
-أبداً، الناس بتتكلم ساكت.. حتى فى دارفور كل القبائل موجودة. فيها التنجر، والتامة وغيرها، وكثير من أبناء المناطق الاخرى.
* إذن ما هي أسباب تكوينها فى ظل وجود القوات المسلحة؟
- هي قوة داعمة مثل أي قوة داعمة للقوات المسلحة ومثلها مثل القوات المسلحة وجهاز الامن، كل سنة يجند ضباط وعساكر والآن لدينا ناس فى التدريب.
* تريد أن تقول إنها ليست خصماً على القوات المسلحة؟
- لو لاحظتي فى احتفال الفاشر عساكرنا رفعوا الوزير فوق ولو فعلاً لدينا كلاش مع الجيش ما كان رفعنا الوزير.
* ثمة اتهامات تنتاشكم بإرتكاب تجاوزات وانتهاكات بالحرق والنهب تمت فى دارفور وجنوب كردفان؟
- هذا كلام باطل ولا أساس له من الصحة وهذه القوات قوات منضبطة ونحن على قيادتها، طبعاً الناس ما ملائكة، ممكن يحدث خطأ مرة ومرتين لكن كلها بنعالجها وهي عادية مثلما بتحصل لأي قوات اخرى. لا توجد أيّ انتهاكات. وجنوب كردفان لم نجد فيها مواطنين؛ والموجودين هم التمرد فقط وإذا قالوا قتلنا التمرد نكون ما قصرنا معاهم.
* وبالنسبة لإتهامات الصادق المهدي لقوات الدعم السريع بانها ارتكبت انتهاكات فى دارفور وجنوب كردفان؟
- أول شي خلِّي الصادق المهدي يمشي يسأل أبناءه، نحن علاقتنا بهم كويسة.. الشِي التاني إبنو درَّب القوات دي هو.
* إبنه من؟
- بشرى هو من درّب هذه القوات.. للاسف الشديد نحن تفاجأنا بكلامه، وفى النهاية القانون يأخذ مجراه.. نحن مع القانون.
* هنالك حديث عن أن قوات الدعم السريع وراء اعتقاله وتقدمتم بشكوى ضده للحكومة لأنه شكك في عملكم؟
- الصادق المهدي تحدث فى قوات تابعة لجهاز الامن وجهاز الامن لديه مستشار قانوني وله الحق ان يشتكي ونحن ما كنا عارفين. أنا كنت فى نيالا والبلاغات لما تمت مافي زول ورّانا وما كنا عارفين.
* يعني انت تنفي تقديمكم لشكوى ضد الصادق المهدي؟
- نحن لا نقدم شكوى، لدينا أجهزتنا والجهات المخول لها تقديم الشكوى باعتبارها الجبهة القانونية.
* هل هناك مشكلة شخصية مع الصادق المهدي؟ لأن هناك أحزاباً كثيرة انتقدت قوات الدعم السريع وقال إنها ارتبكت انتهاكات، فلماذا تستهدفون الامام؟
- والله لو هو عندو حاجات شخصية نحن ما عندنا حاجات شخصية.
* إذن لماذا الصادق المهدي؟
- لأنو مافي زول صرّح مثل تصريحه.
* كما قلت لك كثير من الاحزاب.....؟
- بتذكّر هناك جريدة سبق لها وأن تحدثت عن قوات الدعم السريع وطالبناها بالاعتذار، مافي زول اتجرأ وقال زى كلام الصادق ده.
* بالعكس .. محمد بن شمباس وكذلك المجتمع الدولي وهناك ضغوط من بعض الدول داخل مجلس الامن تعمل على ان يصدر المجلس بياناً يدين فيه هذه القوات؟
- والهن أقول ليك كلام؛ شمباس ده، برضو ما قال نفس الكلام القالو الصادق، وشمباس كل ما قاله إن هناك (مزاعم) بوجود انتهاكات من قبل قوات الدعم السريع لكن الصادق أكد ان القوات انتهكت وعملت وعملت.. كمان الأخطر قالو إنو هذه القوات فيها ناس أجانب.. ودا الكلام الحار.. كيف يكون فينا أجانب؟
* قوات التمرد تتهمكهم بأنكم مليشيات الجنجويد؟
- وهم شنو؟ قوات التمرد فقدت المنطق بعدما إنهزموا، والحمد لله، لذلك لازم يقولوا أي كلام ويتهمونا بأيّ اتهامات ونحن لو عايزين نرجع للوراء نحن بنتعارف كويس وهم ذاتهم منو؟، والحركات دي أول شِي شغالين عنصرية بحتة والقوات الموجودة الآن فى قوات خليل القيادات من جهة معينة نحن فينا كشكول من كل الناس وجبال النوبة لدينا فيها قادة، عندنا اللواء والعميد وضباط وفي افراد، والعنصرية والإثنية الواحدة هي فى الحركات.. إنتو تعالوا أرض الواقع عشان نوديكم المناطق الكانوا قاعدين فيها والله الشئ العملوه لا يرضي الله.. مثلاً تجدوهم سايقين (65) بنت عمر (16و14) سنة هم موجودين في هذه المنطقة في شرق الجبل.. والله العملية العملوها ما في زول عملها أخلاقياً أخلاق دينية وإسلامية ما أتعدينا علي زول أو شلنا حق زول لكن التمرد ما خلا حاجة وحتي الآن.
* كيف تحاسبون من ارتكب تجاوزات من قواتكم؟
- لدينا محكمة ميدان والسجون تشهد لنا من الدلنج والأبيض وكل المناطق التي ذهبنا إليها تشهد بذلك وأي زول غلط بنحاسبو حتي لو سكر بنحاسبو، وكونوا يسكر في الأمن والجيش مافي كلام زى دا لكن أي زول يسكر طوالي بنجردو من صلاحية وبنرفدوا.
* سبق وأن طاردتم قوات التمرد إلي حدود جنوب السودان، وهناك تقارير تشير إلي أن قوات العدل والمساواة تقاتل بجانب سلفاكير هل تعتقدون أن حكومة الجنوب لازالت تدعم التمرد؟
- بالتأكيد وهم قاعدين يقاتلوا معاهم أكيد يقدمون لهم الدعم.
* هل تشاركون في عمليات موحدة مع القوات المسلحة أم أن جبهاتكم مختلفة؟
- في الجيش نعم نقاتل في عمليات موحدة في العمليات البرية.
* كونكم تقاتلون سويا مع القوات المسلحة هلي يعني هذا أنها ليست لديها القدرة الكافية علي حماية كل السودان؟
- والله نحن الواجب بفرض علينا إننا لازم نشارك الجيش والأمن والشرطة.
* لكن أنتم تم تكوين قواتكم حديثاً والقوات المسلحة موجودة من زمان؟
- نعم جديدين بس بنشارك معاهم ونحن ما خصما عليهم، وأقول ليك حاجة نحن في هذه القوات نختلف عن بقية القوات ونحن عندنا في هذه القوات نختلف عن بقية القوات ونحن عندنا عمل إنساني بنقدمو وكذلك تنمية، وأنا أشكر المدير العام، والشئ الذي قدمناه للمواطن ما في قوات قبل كدا قدمته، حتي المثال النساء؛ عملنا لهم عمليات في الولادة وعملنا عمل إنساني كبير وبنشارك في الحاجات الاجتماعية في الفاشر، في آخر منطقة مرقنا منها عملنا لهم مستوصف والأسري عالجانهم وما في قوات بتعالج لها أسري، كيف أمشي أقتل لي زول برئ إذا العدو نحن بنعالجوا رغم أنو قتل ناسي وفرغ فيهم ذخيرة؟ لذلك هناك تناقض وفعلاً نحن عالجناهم وسلمناهم للسلطات، فالاتهام مبني علي ضلال وأكاذيب.
* ماذا عن القرار الذي أًدره محمد عطا مدير جهاز الأمن والمخابرات بنشر (3) ألوية في الخرطوم من الدعم السريع؟ ما هو الغرض منها؟
- الغرض منها تأمين البلد وأنتو تكونوا مرتاحين نايمين.
*لماذا الآن؟ هل تم رصد تخطيط للهجوم علي العاصمة مثلاً؟
- والله التأمين مهم.. لازم نأمن البلد.
* لكن من زمان لم تكن موجودة وكل الناي بتسأل عن سبب نشرها؟
- والله الشئ ده بعرفوه ناس الخرطوم أنا ما عارف حاجة كنت في نيالا وجئت أول أمس لكن أنا بقول التأمين مهم وقبل حدوث أي شئ الزول يكون متحوط وبقولوا الوقاية خير من العلاج وهي بادرة سمحة.
* هل نستطيع أن نعتبرها ردة فعل علي حديث الصادق المهدي وتريدون أن تثبتوا له بالفعل أنكم موجودون؟
- القوات دي أصلاً موجودة من بدري في الخرطوم.
* لماذا ظهر وجودها في هذا التوقيت تحديداً؟
-أكون صادق معاكي الحتة دي أنا ما سألت منها وما عندي عنها معلومة أنا ... التأمين مهم واعتبرها فرصة سمحة كونك تأمن وتعلن وقاية وليست لها علاقة بالصادق المهدي.
* هل كان هناك ضغط من قبلكم علي الحكومة لاعتقال الصادق المهدي؟
- اعتقاله برضينا، لكن نحن ما عارفين اعتقلوا كيف ومتين، لكن عارفين أنو الأحزاب ستنتقدنا ولو ما ناجحين ما كانوا انتقدونا.
* إذن ما هو تعليقكم علي الصدى والحملة الإعلامية من قبل المعارضة السياسية علي قواتكن وعملها؟
- عايز أقول ليك كلام...طبعا أي ناجح محسود وهسع لو كانت قواتنا خاملة ساكت ودقوها وشتتوها ما كان قالوا الكلام دا لكن طالما هي نجحت لازم ينتقدوها وأكيد عندها حساد النجاح، والكلام دا ما بيأثر فينا ونحن شغالين بالبلد ما شغالين بروحنا ولا بيهم.
* ولا حتي بالضغوط الدولية ما شغالين بها؟
- ولا حتي الضغوط الدولية.
* هناك بعض الاتهامات لقوات الدعم السريع بأنها رافضة الحوار الوطني ولذلك تريد أن تعكر الأجواء خاصة في هذا التوقيت؟
- قوات الدعم السريع تؤمن الحوار.
*كيف؟
- الحوار دا لو حصل فيهو أي حاجة وانشقت الخرطوم دي هل سيكون هناك حوار؟ إذا هي تؤمن الحوار وكيف تكون ضد الحوار؟ بل هي مع الحوار.
* هل أنت مع التفاوض مع الحركة الشعبية قطاع الشمال أم مع العمل العسكري فقط وتريد أن تحسم التمرد عسكرياً؟
- أولاً نحن لسنا مع الحرب، وهذه الحرب نحن متضررين منها وفقدنا أغلي ما عندنا فيها فكيف نكون مع الحرب؟ نحن عايزين السلام يتم الليلة قبل بكرة ونحن عايزين السلام، وهو رحمه الله.. كيف نرفض رحمة الله؟ وأن شاء الله ربما يتم السلام، وإذا ما في سلام نحن قاعدين.
* هل قابلت الرئيس البشير؟
- نعم قابلت الرئيس البشير كفرت ليهو في المستشفي.
* هناك حديث منسوب لحميدتي في بعض مواقع التواصل الاجتماعي وأنت في الميدان بأنك أنت تملك هذه البلد..و...؟
- والله ما حصل قلت حديث مثل هذا نهائي وتفاجأت بهذا الحديث يوم أمس وهذا كلام فارغ وما قلتو وما حصل قلتو قبل كدا وما عندي بيهو علاقة والبلد دي بلد الكل.
* ما هو طموح محمد حمدان حميدتي؟
- والله طموحاتي البلد يتأمن فقط وما عندي طموح تاني وما عايز أجي في منصب وما بحب السياسة وأنا صادق في هذا الكلام.
* في حالة جاءت حكومة أخري هل ستكون قوات الدعم السريع موجودة مثل الجيش أم ستزول بزوال النظام؟
- حتكون دائمة لأن أي زول بجي بكون محتاج للتأمين، بعض الناس فاكرنها زى الدفاع الشعبي نحن ناس لدينا ملفاتنا ورواتبنا ورتبنا ومرتباتنا ثابتة بتجي من وزارة المالية لكن الدفاع الشعبي خلافنا ما عندو مرتب ثابت ونحن قوات رسمية وقانونية.
نقلا عن صحيفة اليوم التالي 21/5/2014م

انقر هنا لقراءة الخبر من مصدره.