خالد سليمان الزلزال ما زالت تداعيات هزيمة المدعوم تفعل افاعيلها فى عوالم الازرق وان تظاهر القوم بغير ذلك …. تجلت وتبدت تلك التداعيات والمظاهر فى تلك ( الهضربه ) وهذه ( الجرسة ) وذلك ( الإسفاف ) الذى انتظم الصحف والأعمدة الزرقاء …. فرأينا كبارا صاروا صغارا … وعاز الكثيرون بعض وقار …. وذهب من جلهم جميل صبر ووقار …. لذلك قرأنا عن الغثيان و ( الاستفراغ ) وعن زغللة العيون … ورجفة الأقدام ……. قرأنا لمتعلمين وأصحاب أعمدة رأى يقرأها الناس يبيعون الناس جهلا وغباء بعد ان باعوهم الوهم ردحا ….. انا اكثر الناس يقينا واقتناعا بتلك ( الأعراض ) التى تبارت فى عرضها صحف ( سيد الوهم ) مع تغيير طفيف سأذكره لاحقا …. لا احديستطيع ان ينكر إصابة ( طيب ) عبدالرازق ( بالرجفة ) الشديدة تواضعا وقلة حيلة … وكلنا رأى طاعنى السن والمرشحين للمغادرة ( نزار ) و ( الشغيل ) وأثار التعب والأعياء قد هدت منهم الحيل …. بذمتكم نزار والشغيل ديل عاوزين ليهم شيخ ؟؟؟ فى شيوخ عاوزين شيخ ؟؟؟؟ انتو ( سيدا ) الأولانى ما قال ليكم كل ( بلاوى ) و ( مصائب ) الهلال سببها ( الشغيل ) ؟؟؟ طبعا زغللة العيون وارتعاش الايادى دى كانت الأعراض التى اصابت ولدنا ( ابو اتنين ) الذى لولا رأفة ( تيرى ) به لاصبح اسما على مسمى ( ابوعشرين ) والله ماكانت بعيدة …. اكثر الأعراض ( صدقا ) كانت هى تلك التى ظهرت على ولدنا ( الغربال ) سابقا … و ( القرفان ) حاليا … فحالة الطمام والقرف التى حدت به الى ( إهانة ) شعار نادى ( التربية ) كان سببها انه وجد نفسه يلعب فى ( جوقة حسب الله ) حيث الكل يلعب كيفما اتفق … وهو الذى كان الى وقت قريب ينعم بمجاورة ( ملك المتعة ) … بربكم ماذا كنتم تتوقعون من لاعب ظل واقفا ينتظر تمريرة من ( دراويش ) خط (الفشل ) ؟؟؟؟ هل يعقل ان نتوقع ان تلك ( التمريرة ) ستأتى من لاعبين اكل وشرب منهم الدهر …. ماذا كان ( الآهلة ) يتوقعون وهم أتوا لمباراة القمة بقائمة تتضمن ستة لاعبين سيغادرون كشف الفريق بسبب ( الشيخوخة ) ؟؟؟ زعم أهل ( الجرسة ) ان سوداكال هو سبب هزيمتهم … ونحن اسعد الناس بان ( ادم ) اخيرا اصبح ( مفيدا) للمريخ …. انتو شيخ ( فوزى ) تاب ولا اعتزل ؟؟؟؟ ولا شيوخ ( مايرنو ) بقوا مريخاب ؟؟؟ ولا انتو حتى فى ( المجال دا ) بتجوا بعدنا ؟؟؟ طيب ( ما ودعبدالرازق ) … طيب مالكم زعلانين ؟؟ مكانكم الطبيعي والمعتاد …. يعنى عرفتو الدنيا كلها سخرتوها لخدمة ( مصالحكم ) بس غلبكم تلقوا ليكم ( شيخ ) ؟؟؟ ان شاء الله شيخ ( الامين ) …. اما اكبر اثار الدمار الذى خلفته عملة ( تيرى ) هو ما لحق بولدنا الناكرنا الى حين ( السوباط ) فقد تحول القوم من أقصى اليمين الى أقصى الشمال فأصبح من تغزلوا فيه ( أمسا ) و نظموا له القصيد لا يقل عن ( ادم ) نصبا ودجلا …. اضحى السوباط من بئر للبترول الى مجرد مراوغ … و ( مفلس ) وشيكاتو ( مضروبة ) … انت يا ( هشام ) قايل ( كردنه ) شتت ليه ؟؟؟؟ ياخى دا ( جوهرتو ) قلبوها ( الزريبة ) تانى … عاوزهم يعملوك ( ممتاز خان ) يعنى ؟؟؟ اما شيخ تركى فكان نصيبه من التقريح والتجريح ان حصلت يقولوا ليهو ( ادفع ب سكات ) … طالبنو انتو ؟؟؟ اما اخر ضحايا ( تيرى ) فكان ( الطاهر قمصان ) أصفار البلد زعلانين على ( عبدالمهيمن ) التقول ( سيد عبدالحفيظ ) … وهو بالله لو ما ( خيار وفقوس ) الطاهر دا ما رجع ليكم ( الغلبان ) مش احسن من عبدالمهيمن الورطكم فى ( كرور شندى ) ؟؟ غايتو الما بتريدو ( تحدرو ليهو ) فى كاروهاتو …. مش عيب تاخدو ( قمصان ) وترموهو ( عراقى ) ……. يا ناس ( الطاهر صورنى ) ما لحق يتصور مع ( تيرى ) … ولا يهمك يا صور خليها المرة الجاية يمكن تتصور مع ( التش ) زاتو … اخر الحدق : البلد دى عدمت ( الشيوخ ) ولا عدمت ( الحمير ) ان كان ( دجل ) ادم بنرش بيهو الاصفار يبقى ( ادم ) زولى ….. الطيب ( طرش ) بين الشوطين يعنى يامزمل بعد ما ( تيرى ) فسحو … يا ناس الطيب نفسو ( قطع ) ساااااكت …. وييييين شيخ الببسى ) ؟؟؟؟؟
