سودارس : الظاهر (سيف تيري) عاوز يقطع الزلط ب (الكوبري)

عملية جراحية لنجم المريخ أواب عنتر جرنوس يؤكد دعمه المتواصل واهتمامه بتطوير وتعزيز الحركة الرياضية بولاية كسلا دبروسة تكتسح التوفيقية بثلاثية في افتتاح كأس السودان بحلفا فى الطّريق إلى "الضّعين"، ف "أم دافوق": كيف يفكّرُ الجيش فى القضاء على "التمرّد"؟ "الميرغني" يرحب بتدخل ترامب لإنهاء الحرب أمريكا تفتح بوابة الرقاقات المتقدّمة أمام G42 دستة إلا ربع.. انها نتيجة مباراة وليس سلة بيض!! عثمان ميرغني يكتب: تصريحات ترامب المفاجئة .. "كاف" يخطر الهلال السوداني بقراره النهائي حول شكوى مفاجئة يصرح ترامب وكل يفسر على هواه..ما كان قبل الفاشر لن يكون كما سيأتي بعده أشهر ناشط في مجال العمل الطوعي بالسودان يعلن إعتزاله العمل الإنساني بعد أن أرهقته "الشائعات" شاهد بالفيديو.. "البرهان" يطلق إصدار جديدة من حركة "الزردية" الشهيرة ويلوح بها أمام حشد غفير من المواطنين والجمهور: (شكلو كدة في فتك ومتك جديد جاي) شاهد بالصورة والفيديو.. وزير الإعلام السوداني "الإعيسر" يشارك مطرب الحفل الغناء (في الفؤاد ترعاه العناية بين ضلوعي الوطن العزيز) شاهد.. صور ولي العهد السعودي سمو الأمير محمد بن سلمان مع علم السودان تتصدر "الترند" على مواقع التواصل والتعليقات تنفجر بالشكر والثناء مع هاشتاق (السودان بقلب بن سلمان) شاهد بالفيديو.. فتاة مصرية محجبة تعلن خطوبتها من شاب سوداني: (أنا فخورة بخطيبي وأهله ومبسوطة جداً إن الأولاد بطلوا يتابعوني وكل متابعيني أصبحوا بنات وأهل السودان على رأسي من فوق) شاهد.. الفنانة ندى القلعة تمدح السعودية: (يا خادم الحرمين سلام وولي عهدك السعى للسلام) والقايداية بالحرية والتغيير حنان حسن تسخر: (أجي يا أخواني.. يا مثبت العقل والدين) (المنطقة باسيادها) تسيد السعودية للإقليم خلال العقد القادم ساهرون يكسب التحرير الكريبة بدوري مدني من هم دعاة الحرب؟ بوساطة من موسى هلال..الجيش يطلق سراح 43 من عناصر الميليشيا حديث ترامب الذي قال انه سيفعل شيئاً بخصوص الأزمة في السودان البحر يبتلع عشرات السودانيين الهاربين من جحيم بلادهم استئناف حركة المرور في معبر الرقيبات بين دارفور وجنوب السودان الطيب صالح ناهض استعلاء السلطة عبر "الكتابة السوداء" إنهم يكذبون على انفسهم فقط دونالد ترامب يفجّرها حول حرب السودان جعبوب يحرز برونزية الوثب العالي بدورة التضامن الإسلامي قرار لسكان الخرطوم بشأن فاتورة المياه حقق حلمه وكان دائماً ما يردد: "لسه يا قلبى العنيد لا شقيت لابقيت سعيد".. شاهد ماذا قالت مفوضية اللاجئين عن ظهور الشاب السوداني "مهدي" وهو يغني مع الفنان الشهير تامر حسني داخل أحد المصانع بالقاهرة السودان يعلن وصول شحنة من هولندا فريق ميداني متخصص من إدارة مباحث ولاية كسلا يسدد بلاغ خاص بسرقة عربة بوكس الذكاء الاصطناعى وإرضاء الزبون! قناة الجزيرة ... من يختار الضيوف ولماذا … ؟ بالصورة.. صحيفة "الغارديان" البريطانية تهاجم القيادي بمليشيا الدعم السريع "الربيع عبد المنعم" وتؤكد حذف حساباته على منصات التواصل الاجتماعي إسرائيل تكشف رسميا عن خطتها على حدود مصر شبح شفاف.. مفترق بين الترقب والتأمل روسيا.. سجن إماراتي 6 سنوات بتهمة محاولة تهريب صقور مهددة بالانقراض الطاهر ساتي يكتب: مناخ الجرائم ..!! إظلام جديد في السودان تحذير من استخدام الآلات في حفر آبار السايفون ومزوالة نشاط كمائن الطوب والي الخرطوم يعلن عن تمديد فترة تخفيض رسوم ترخيص المركبات ورخص القيادة بنسبة 50٪ لمدة أسبوع كامل بالمجمع اتحاد أصحاب العمل يقترح إنشاء صندوق لتحريك عجلة الاقتصاد الطاهر ساتي يكتب: أو للتواطؤ ..!! "كرتي والكلاب".. ومأساة شعب! شرطة ولاية الخرطوم : الشرطة ستضرب أوكار الجريمة بيد من حديد ما الحكم الشرعى فى زوجة قالت لزوجها: "من اليوم أنا حرام عليك"؟ مخبأة في باطن الأرض..حادثة غريبة في الخرطوم حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! وزير الصحة يوجه بتفعيل غرفة طوارئ دارفور بصورة عاجلة تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الظاهر (سيف تيري) عاوز يقطع الزلط ب (الكوبري)

صابنها نشر في كورة سودانية يوم 07 - 09 - 2021

محمد عبد الماجد
الظاهر (سيف تيري) عاوز يقطع الزلط ب (الكوبري)
قبل انتقال اللاعب سيف تيري للمريخ – كنت على تواصل (هاتفي) مستمر مع اللاعب سيف تيري – يعلم بذلك الزميل مصطفى عيدروس ..اللاعب كان عنده رغبة حقيقية في اللعب للهلال – وقد كانت مفاوضات الهلال معه في البدء جادة وقد سبق الهلال المريخ في التفاوض مع اللاعب – تحدث مع سيف تيري رئيس نادي الهلال وقتها اشرف الكاردينال.. ودخل سيف تيري بيت عضو مجلس الهلال السابق ابوكلابيش الذي احتجزه في داره من اجل تسجيله فى الهلال.
الهلال شرع بصورة رسمية في ضم اللاعب...الاستاذ الرشيد علي عمر ايضا اجتهد في هذا الملف ونشهد له بذلك.
لكن الهلال لم يحسم الامور – قد يرجع ذلك لإدارة نادي الخرطوم الوطني التى كانت دائما ما تضع العراقيل وترفع السقف عندما يطلب الهلال لاعبا من الخرطوم الوطني ، مع ذلك يبقى اللوم اولا وأخيرا على ادارة نادي الهلال التى لم تحسم امر انتقال التش واحمد ادم بيبو للهلال بعد ان كانا على بعد خطوة من الانتقال للهلال وفعلت نفس الشيء والاهمال مع سيف تيري وحمزة داؤود.
الهلال فرّط في هؤلاء النجوم – ولم يمنح ملف انتقالهم للهلال الاهمية التى يستحقها، لذلك دفع الثمن غاليا.
سيف تيري دخل في مفاوضات مع الهلال عندما كان لاعبا في الخرطوم الوطني وقد كنت قريبا من هذا الملف – اخر اتصال وصلنا من سيف تيري اخبرني فيه انه تلقى اتصالا هاتفيا من جهاز الامن والمخابرات يطلب منه ان يذهب الى نادي الخرطوم الوطني وان يوقع في كشوفات نادي المريخ مع زميله حمزة داؤود.
سيف تيري وهو في هذا الموقف وقد وصلته اموار رسمية من جهاز الامن ومن نادي الخرطوم الوطني قال لي ماذا افعل؟ اشهد له بهذا الموقف القوي.
جهاز الامن اصدر الامر الى نادي الخرطوم الوطني الذي كان يرعاه الجهاز والى اللاعب مع التكفل بقيمة الصفقة التى دخلت في سدادها حكومة ولاية الخرطوم وتم تحويلها عن طريق بنوك حكومية.
هذا الامر اكتبه الآن واسأل عنه ..ادارة الخرطوم الوطني موجودة وسيف تيري وحمزة داؤود موجودين.
وجهاز الامن نفسه لا يستطيع ان ينكر ذلك.
سيف تيري عندما هاتفني وقتها قال لي ان ناس الهلال ما جادين ..وقد لمست ذلك من ادارة نادي الهلال ووجدت العذر لسيف تيري الذي انتقل للمريخ وباركت له ذلك وتمنيت له التوفيق وانقطعت علاقتي به بعد ذلك احتراما لتعاقده مع المريخ.
لم اذكر هذه التفاصيل وقتها بهذه الصورة ليس خوفا من جهاز الامن وإنما احتراما للاعب سيف تيري الذي انتقل للمريخ وقد كتبت ذلك وقتها وأشرت اليها دون الدخول في تفاصيل وقلت ان حكومة ولاية الخرطوم وجهاز الامن والمخابرات بالاسم هما السبب في انتقال سيف تيري وحمزة داؤود الى المريخ – وقد كان ذلك قبل سقوط حكومة الانقاذ – والأرشيف موجود – لا ندعي ذلك الآن جزافا بعد سقوط حكومة البشير. من يريد ان يرجع الى (الارشيف) سوف نمده بهذه المادة التى جاء فيها ذكر هذه الوقائع.
اقول ذلك للتأكيد ان سيف تيري كانت عنده رغبة حقيقية للعب في الهلال حتى وهو في الخرطوم الوطني حيث تمت محاورة سيف تيري في قناة النيل الازرق وقال ان المهاجم المفضل بالنسبة له هو مدثر كاريكا ..وقد كان يحمل رقم كاريكا عندما كان يلعب في كريمة.
سيف تيري لاعب (محترف) – قدم للمريخ الكثير واخلص له . سجل تيري في شباك الهلال هدفين مازالت مرارتهما في الحلق ..كما احدث سيف تيري بصمة واضحة مع المنتخب الوطني مع زميله في المنتخب محمد عبدالرحمن كما اشار لذلك الطاهر يونس!!
واللبيب بالإشارة يفهم.
كنت قد تحاملت على سيف تيري في عمود سابق بعد هروبه من المريخ – لكن بعد ان وجدت ان عقده يسمح له بذلك وان (السيستم) لم تدخل فيه بيانات اللاعب بسبب حرمان المريخ من التسجيلات في الفترة الماضية وجدت له العذر وهو في النهاية لاعب محترف.
صحيفة (ريمونتادا) امس انفردت بتفاصيل وخبر مهم حينما جاء فيها : (تدخل الاتحاد الدولي لكرة القدم (فيفا) في ازمة تعاقد مهاجم المريخ السوداني سيف تيري مع نادي فاركو المصري وطلب من اتحاد الكرة السوداني القيام بالتأكيد الاولى لإرسال شهادة النقل الدويلة الخاصة باللاعب وقد استجاب الاتحاد السوداني لذلك وعمل على تأكيد ارسال بطاقة النقل وأفادت تقارير ان النادي المصري اعتمد على ان اللاعب عندما وقع عقدا مع المريخ في شهر يونيو الماضي لم يستطع اضافته في نظام الانتقالات الدولي بسبب ان النادي كان محروما من التسجيلات في التوقيت ذاته الشيء الذي دفع النادي المصري لتنفيذ خطوة توقيع العقد مع سيف تيري ويجيء عدم اعتماد العقد الاخير لتيري في نظام انتقالات فيفا ليضيع على المريخ قيمة الشرط الجزائي ال 500 الف دولار التى يتضمنها العقد الخارجي بين النادي واللاعب).
شفتوا حق الهلال.
يعني خطوة تعاقد الهلال مع الثلاثي رمضان عجب ومحمد الرشيد وبخيت خميس لم تحرم المريخ من هذا الثلاثي لمدة 6 اشهر فقط ..بل حرمتهم من سيف تيري..بسبب العقوبة التى فرضتها لجنة الانضباط على المريخ بالحرمان من التسجيلات لفترة واحدة.
جماعتكم حارسين رمضان عجب ومحمد الرشيد وبخيت خميس ...قام سيف تيري طار.
سيف طيري.
شفتوا حق الهلال.
حقنا ما بروح.
ولسه المحكمة الرياضية سوف تنظر الى قضية هذا الثلاثي يوم 17 سبتمبر ..يعني بعد ايام ...وما معروف البحصل على المريخ شنو؟
شيلوا شيلتكم.
ولو عندكم (دولار) احسن اتخلصوا منو من بدري.
الموضوع يمكن يكون فيه نزول للدرجة الثانية.
خلوه الكلام دا – هسع ما وقتو.
خشمي وعندي.
تذكروا كبري (القيروان).
بالمناسبة كبري (القيروان) العملو الكاردينال انجاز يحسب له اكتر من (الجوهرة الزرقاء).
اها يا جماعة ..الظاهر نحن على موعد من (كبري) جديد.
في كبري جديد اسموا كبري (فاركو) – دا اخطر من كبري (القيروان).
كبري (القيروان) نقل شيبوب تونس.
وكبري (فاركو) نقل سيف تيري مصر.
والاثنين في النهاية بنتقلوا لمكان واحد.
في زول هسع جاب سيرة الهلال.
وانا مالي ومال كدا.
خشمي وعندي.
ما قلت أي حاجة.
دا (تحليل) ساكت.
بتكلم ساي.
مالكم انتوا؟
سيف تيري دا اصلا مكتول في حوش الهلال.
الزول دا المريخ ما وقع ليه.
سيف تيري قال ما بقرأ لمزمل ابوالقاسم وما بعرف هيثم كابو.
تاني يقول ليكم اكتر من كدا شنو؟
في زول في المريخ ما بعرف هذه (الاعلام).
كابو بقى عضو مجلس منتخب ..ومزمل في بطاقة أي مريخابي – بختوا صورتو قبل صورتهم.
سيف تيري قال ما بعرف الجماعة ديل.
يعني شنو؟
يعني عاوز امشي الهلال.
في زول في المريخ بزعّل مزمل؟
في زول ما بعرف هيثم كابو؟
الزول دا قال ليكم عاوز اقطع الزلط.
وبرضو انتوا ما فهمتوه.
غايتو سيف تيري زي الزول السألوه من اضانو ...خلى الاضان القريبة ومشى مسك الاضان البعيدة.
سيف تيرى عمل نفس الشيء.
الزول دا كان واضح معاكم.
وكان صريح.
قال ليكم عاوز اقطع الزلط.
وانتوا ما بتسمعوا الكلام.
اها سيف تيري هسع قطع الزلط.
قطع الزلط بي (كبري) فاركو.
وخشمي وعندي.
ما بقول ليكم اكتر من كدا.
الكلام دا (تحليل) ساكت.
ما تشتغلوا بالموضوع دا.
بس الحاجة العاوز اقولها ليكم ...والله هسع في لاعب في المريخ – ما فيه كلمة ...احسن لاعب في المريخ الآن ..الزول دا عاوز يجي الهلال.
بفتش ليه في (كبري) قريب.
احرسوا (الزلط) كويس.
نوم مافي.
جيبوا ليكم شركة حراسة – عشان يحرسوا ليكم كبري ود البشير.
في كباري طائرة ح تكون في شارع الزلط بتاع العرضة.
اعملوا حسابكم.
واحرسوا (اضنينكم)...ناس الهلال ديل بقوا صعبين.
سيف تيري ظهر في تمرين فريق فاركو لابس الرقم (7).
عارفين ليه؟
عشان الرقم دا بقى فاضي في الهلال.
والكلام دا برضو (تحليل).
ما تخافوا.
ما في حاجة حصلت.
انا بتكلم ساكت.
دا مجرد (تحليل).
مجرد تمويه.
خشمي وعندي.
انا بكتب عن سيف تيري ..وبفكر في خوجلي الشيخ.
خوجلي الشيخ يا هلالاب.
خوجلي يا عالم.
.........
متاريس
التسجيلات باقى لها 24 يوما.
ونحن عاوزين تسجيلات صاح.
أي زول شاهد فريق فاسيل الاثيوبي حذر الهلال منو.
الهلال مواجه بمهمة صعبة.
يوم 12 سبتمبر ..مباراة صعبة على الهلال.
اللعب في اثيوبيا صعب مع قلة الاوكسجين.
فاسيل طالب ب 20 الف مشجع.
والجمهور الاثيوبي صعب ..خاصة بعد سد النهضة.
عشان كدا مباراة الهلال امام فاسيل مباراة صعبة ..تجاوزها يعني الوصول لمرحلة المجموعات ان شاءالله.
يعني الهلال ما بقيف تاني.
هذه المباراة عاوزة تركيز مضاعف.
عاوزة جهد واستعداد اكبر.
عاوزة روح قتالية.
مباراة صعبة .. صعبة.
الله معانا.
...................
ترس اخير : انتوا براكم بتجيبوا الكلام لي روحكم ..براكم قلتوا عن سيف تيري اخطر (تسعة طويلة) في البلد بعد ما سجل في الهلال هدفين ....هسع التسعة الطويلة هربت!!

انقر هنا لقراءة الخبر من مصدره.