سودارس : سيف قطع (الحدود)

وزارة الشباب والرياضة تواصل انفتاحها على الولايات قرار مثير لرئيس وزراء السودان ارتفاع في اسعار محصول الذرة واستقرار سعر السمسم بالقضارف أمس عثمان ميرغني يكتب: إثيوبيا والسودان: تشابكات الحرب والأمن الإقليمي مجلس السلم والأمن بالاتحاد الإفريقي يجري مشاورات غير رسمية بشأن ملف السودان وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل إضافة علامة تبويب الإعدادات بواجهة "واتساب" إلغاء رحلة قطار إلى الخرطوم..إليكم تفاصيل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار المريخ يواصل تدريباته بقوة بكيجالي والدامر انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم ماساة قحت جنا النديهة أحمد طه يواجه الأستاذ خالد عمر بأسئلة صعبة تطور حاسم بقضية "الاعتداء الجنسي" في منزل لامين يامال كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة ولاية الخرطوم: توجيهات بإعداد وتنفيذ برنامج خاص لشهر رمضان وتكثيف المجهودات لاستقرار الخدمات الرئيسية الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر شاهد.. الفنانة مروة الدولية تغني لشيخ الأمين في حفل خاص: (الشيخ حلو لي والنظرة منك لي شفاء وبفهم مشاعرك بعرفها) هيئة مياه الخرطوم: تحصيل فاتورة المياه لا يشمل القطاع السكني حتى الآن شاهد بالفيديو.. الفنان "الشبح" يرد على زميله "ريحان": (رددت الأغنية في حضورك وأنصحك بعدم البحث عن "الترند" بهذه الطريقة) شاهد بالصورة والفيديو.. سيدة الأعمال ونجمة السوشيال ميديا الحسناء "ثريا عبد القادر" تستعرض جمالها بثوب "التوتل" الأنيق مناوي .. استمرار الدعم السريع في ارتكاب جرائم ممنهجة بدعم خارجي يهدد وحدة السودان واستقراره ارتفاع طفيف لأرباح زين السعودية إلى 604 ملايين في 2025 هدى الإتربي تكشف كواليس مسلسل "مناعة": تجربة مختلفة بتفاصيل إنسانية مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى عاطف حسن يكتب: بنك الخرطوم.. اعتذارك ماااااا بفيدك .. !! بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!! الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

سيف قطع (الحدود)

صابنها نشر في كورة سودانية يوم 04 - 09 - 2021

محمد عبد الماجد
سيف قطع (الحدود)
. جماعتننا ديل حارسين (الزلط).
. قاعدين من النباه الاول.
. يتلفتوا متل (فرخ القطا الاماتو ركن وفرن).
. ما في زول يمرق.
. ما في زول يفوت.
. ارفع ايدك فوق.
. التفتيش بالدور.
. يا زول ماشي وين؟
. حارسين (الزلط).
. يفتشوا في الطالع والنازل.
. ما خلوا ليهم (ركشة).
. امجاد تجنب.
. هايس تقيف.
. ما في زول يمشي من العرضة جنوب (شمال).
. ممنوع الاقتراب والتصوير.
. خايفين ..عشان سيف تيري قال ممكن يقطع الزلط ويمشي الهلال..والزلط المقصود هنا هو الزلط الذي يفصل بين نادي الهلال ونادي المريخ.
. يا ريت لو وقفت على زلط العرضة.
. الموضوع اكبر من كدا.
. الموضوع جاب ليه (اجواء دولية).
. اصحابنا حارسين الزلط ..خايفين سيف تيري يقطع (الزلط) ...تيري طلع ليهم بي حتة تانية.
. سيف تيري قطع (الحدود).
. سيف تيري.
. سيف (طيري).
. سيف طار.
. خلاص شوفوا ليكم (سيف) تاني.
. جيبوا سيف الدمازين...ما عندكم خيار غيرو.
. البركة في سيف الدمازين.
. ادفعوا ليه قروشو.
. حلوا ليه مشكلتو.
. اعملوا ليه تأهيل.
. قولوا ليه انت اخطر مهاجم في البلد.
. اشحنوا ليه رصيد.
. كبروا ليه رأسو.
. سيف الدمازين يا هو ...هو الباقي ليكم.
. بالله من سيف تيري لي سيف الدمازين.
. الدنيا دي غريبة.
. دنيا.
. الموضوع دا زي وقت تمشي لي زول تقول ليه سلفني (10) مليون جنيه.
. يقول ليك والله ما عندي.
. تقول ليه خلاص اديني تلفونك ..اعمل بيه مكالمة وارجعو ليك.
. او زي وقت تمشي الدكان عشان تجيب ليك (طحنية)...تلقى الدكان ما فيه (طنحية)..تجيب ليك (مرقة) وترجع.
. في علاقة بين الطحنية والمرقة.
. دي زي العلاقة بين سيف تيري وسيف الدمازين.
. سيف الدمازين ..ماشي كويس...قالوا سيف الدمازين بعد هروب سيف تيري جاب ليه قون في حي الوادي امس.
. سيف تيري طلع مفتح ..قال ليهم بقطع الزلط ..وقعوا معاه عقد (خرافي)..استلم منهم قروش تقيلة.
. بالعملة الصعبة.
. بس عشان جاب سيرة (الزلط).
. هسع يا نوح الجزولي ...نحن مركزين معاك.
. من هسع الناس ديل ركز ليهم على (الزلط).
. اقع (الزلط).
. تتخيلوا بعد القروش دي وبعد الزلط دا كلو سيف تيري عمل ثغرة في العقد.
. الولد مفتح.
. في زول بخلي ليه ثغرة زي دي لي سيف تيري.
. الزول دا لقى ليه (ثغرة) في دفاع الهلال ..جاب ليه هدفين في ابوعشرين.
. مسكهم (الزلط).
. ويا ريت لو وقف على (الزلط).
. الولد شغلهم بالركشات ...وهرب بالطائرة.
. مرق عن طريق (مطار الخرطوم).
. ناس المريخ سفّروا سيف تيري من اجل العلاج في مصر ..سيف تيري مشى اتفاوض مع فاركو المصري.
. سيف تيري اتفق مع فاركو ..وجاء راجع السودان عشان يشيل حاجاتو ...مشى واصل تمارينه مع المريخ ...عشان يحافظ على لياقتو ويمشي على فاركو جاهز.
. المريخ سوف يواجه فريق الاكسبريس اليوغندي بعد اقل من (10) ايام في البطولة الافريقية وسيف تيري بعمل في الكشف الطبي مع فريق فاركو الصاعد حديثا للدوري الممتاز في مصر.
. عملية سيف تيري ما كريمة...حتى لو كانت هناك ثغرة في عقده.
. عملية سيف تيري لا في (الركبة) ولا في (الانكل).
. عملية سيف تيري في المريخ.
. وبدون بنج.
. تمسكوا (الزلط) وتفكوا (المطار)؟
. انتوا ما عندكم رأس؟
. تحرسوا (الزلط)..وتخلوا (الجواز) في يد الولد.
. الغريبة الاخبار في الفترة السابقة كانت بتتحدث عن مفاوضات فاركو مع سيف تيري.
. جابوا ليهم صورة من طلب التأشيرة للدخول لمصر.
. مع ذلك سيف (هرب).
. سيف تيري.
. سيف (طيري).
. فريق عندو مجلسين.
. وعندو رئيسين.
. وعندو جمعيتين عموميتين.
. وعندو عضويتين.
. وعندو مدربين.
. وعندو اعلاميين.
. واحد مع سوداكال.
. وواحد لغاية الآن مع جمال الوالي.
. يجي سيف تيري بعد (الوفرة) دي ..بعد (البزار) دا يعمل فيكم كدا.
. نحن اطهر الطاهر عقدو انتهى مع الهلال ..لغاية الآن ما راضيين من لعبو في سموحة.
. سيف تيري وقّع مع المريخ عقد حتى 2024 وشال من المريخ قروش الجن .يعمل فيكم كدا.
. يفوت بي ثغرة.
. وين ابوالقوانين؟
. وين مزمل؟
. وين اللوائح والمواد؟
. وين مدثر خيري؟
. امشوا (كاس).
. يا ربي بقولوا السبب شداد برضو؟
. الاندية المصرية والوكلاء المصريين اصبحوا بستغلوا الاندية السودانية.
. الهلال والمريخ لا يمكن ان تتم مقارنتهم بفريق سموحة او فاركو.
. اطهر الطاهر الذي نشأ في الهلال انتقل الى سموحة بعد ان انتهاء عقده مع الهلال.
. وقد يفعل ابوعاقلة نفس الشيء وينتقل ويلعب في مصر بعد انتهاء عقده.
. وربما تبحث العين المصرية عن ثغرة في عقد محمد عبدالرحمن الغربال من اجل ان ينتقل ليلعب في احد اندية الدوري المصري.
. عشان كدا ناس الهلال يفتحوا عينهم.
. ما يعطوا فرصة للأندية المصرية.
. يا ناس الهلال.
. يا الطاهر يونس.
. يا الفاضل التوم.
. يا نزار مالك.
. يا العليقي.
. فتحوا عينكم.
. اوعكم تفكوا الغربال عشان 500 الف دولار او عشان مليون دولار.
. اوعكم.
. ما تخلوا ثغرة في العقود.
. اقعدوا مع الغربال ..شيلوا أي فكرة ..امسحوا أي ثغرة.
. الموضوع لو قروش ...ما في نادي عندو اكتر من قروش الهلال.
. فاركو بتاع شنو كمان؟
. سموحة بتلعب وين؟
. الهلال والمريخ اندية معروفة على المستوى الافريقي ...بل العالمي ..اندية عالمية من البرازيل ومن اوروبا لعبت وديا مع الهلال والمريخ.
. منو البعرف سموحة؟
. منو العرف فاركو؟
. تاريخ فاركو شنو؟ عشان سيف تيري يترك المريخ الذي جعله (نجما) وقدمه للمنتخب الوطني بهذا المستوى.
. هذه الملايين التى نسمع بها ..هل يمكن ان يصل لها لاعب كرة قدم بدون الهلال والمريخ؟
. ناس سيف تيري بقوا يتكلموا عن ارقام خرافية ..500 الف دولار يمكن ان ينالها سيف تيري ..وقبله نال اطهر الطاهر 350 الف دولار ..والفضل الاول والأخير يرجع للقمة السودانية.
. للهلال والمريخ.
. عشان كدا مفروض مجالس الهلال والمريخ تاني ما يخلي ثغرة في العقودات التى تبرم مع اللاعبين.
. المصريون بقوا بنتظروا الدوري السوداني.
. وعشان الاندية ما تستفيد ..بنتظروا اللاعب لمن يصبح (حر طليق) ..بعد ان ينتهي تعاقده ..حتى لا تستفيد الاندية السودانية شيئا.
. او يمكن ان يبحثوا عن (ثغرة) في العقد.
. المريخ الآن في خواتيم موسمه الداخلي ..يلعب على الدوري وعلى الكاس.
. المريخ مقبل بعد اقل من 10 ايام على مواجهة مهمة امام فريق شرس هو فريق الاكسبريس اليوغندي في البطولة الافريقية.
. سيف تيري ترك المريخ وهو في هذه الظروف.
. سيف (طيري).
. ترك المريخ الذي بعثه للعلاج في مصر.
. مشى اتعالج وأتفاوض مع فاركو.
. دا كلام يا عالم.
. ويا ريت لو كان فريق (فاركو) فريق معروف.
. فريق لأول مرة يصعد للدوري الممتاز في تاريخه.
. هل مثل هذا الفريق يستحق سيف تيري ان يبيع ليه المريخ؟
. مع رفضنا لهذا لسلوك.
. ومع تشددنا وتحذيرنا لمجلس ادارة نادي الهلال من الوقوع في مثل هذا الخطأ..نسخر من المريخ الذي فقد لاعب في قيمة سيف تيري.
. عندكم مجلسين.
. ورئيسين.
. وعضويتين.
. قاعدين حارسين شنو؟؟
. حارسين الزلط؟
. موضوع زي دا ما بنخليه يفوت ساكت.
. رغم ادانتنا لتصرف سيف تيري ورغم رفصنا لهذا التعامل مع نادي كبير في حجم المريخ.
. نتمنى ان يعرف بعد كل هذا ان يحافظ المريخ على حقوقه.
. ما تعطوا المصريين فرصة زي دي.
. ما يستغفلوكم.
. حقك ما يشيلوا منك زول.
. .........
متاريس
. اكتب قبل مباراة المنتخب.
. اعصاب للكتابة بعد المباراة ما عندنا.
. مباراة ما مضمونة.
. والكهربة ما مضمونة.
. وموضوع سيف تيري دا ما بمر ساكت.
. نتمنى ونسأل الله ان يتمكن المنتخب السوداني من الخروج بنتيجة جيدة امام المنتخب المغربي.
. ان شاءالله.
. وفي كل الاحوال ..ما ح نقيف في النتيجة كتير.
. ح نمشى.
. ونعدي.
. ونفتح مباراة المنتخب القادمة يوم 7 سبتمبر.
. الرحمة والمغفرة للاعب الهلال السابق عبدالله موسى (المر) – نسأل الله ان يتقبله قبولا حسنا وان يجعل الجنة مثواه الاخير.
. كذلك فقدنا امس الفنان ابوعبيدة حسن رحمة الله عليه ..سوف نعود ان شاءالله لاحقا للكتابة عن هذا الفنان الكبير.
. .......
. ترس اخير : خير ان شاءالله.

انقر هنا لقراءة الخبر من مصدره.