بابكر سلك نادي القدس الرياضي السياسي *تسييس الاندية بدعة لم تؤت اكلها برغم الاغداق على الاندية *ببساطة لان تلك الاندية ليست بهيمة انعام تقتات من كل ما يرمى لها عشباً *ولانها اندية قامت على الوطنية ومقاومة المستعمر في المقام الاول *لذا كلنا يفتخر بان ناديه هو نادي الحركة الوطنية *ونحن نزيد افتخاراً حيث كنا نقول ان الديمقراطية ستخرج من نادي المريخ للشارع *الوكت داك عمك البشير قااااااعد ورئيس كمان *وخرجت فعلاً الديمقراطية من نادي المريخ *وقدمت الشهيد عبدالعظيم ثم اخوته *وكان المريخ حضوراً انيقاً بارض الاعتصام ممثلاً ومتمثلاً في شخوص شباب نذروا ارواحهم للوطن المريخ وللمريخ الوطن *فكانت الحصة وطن مزينة بشعار المريخ على ارض الاعتصام *هذا هو تاريخنا القريب *فما بالك من التاريخ القديم ومقاومة الاستعمار *لذا *ولكل ذلك لن يجدي عشب الراعي نفعاً اذا كانت البطون الطامة مليانة صبر والعين مليانة بمواقفها وكرامتها وصونها لتاريخ الرجال *ايها الناس *تاريخياً قالوا في جزيرة العرب *لما يمر زمان طويل تهمل فيه الخيل *فان الاصيلة منها تختلط بالخبوب *وعندما يريد اصحابها فرز الخيول الاصيلة من الخبوب *فانهم يجوعون الخيول جوعاً شديداً *ثم يضربونها ضرباً شديداً *ضرب غرائب الابل *ثم يقدمون لها بعد ذلك الضرب العشب من يد العشاب الذي قام بضربها *الخيول الاصيلة لا تقرب الكلأ لانها لا تأكل من يد من يهينها *اما الخبوب فتتسابق لتحظى بالعشب بعد الضرب وبنفس فاتحة كمان *ايها الناس *ماذا نقول للشهداء؟؟؟ *انقول لهم اننا طلعنا خيول خبوب وحصين كارو ساي *ام ننشد لهم مع ترباس *وداعاً روضتي الغناء وداعاً معبدي القدسي *وداعاً قلعتي الحمرا وداعاً معبدي (القدس) *وداعاً وداعاً *هييي *وداعاً وداعاً *المهم *عدنا لاستاد جبل اولياء بعد الفاصل *اظن ان امل عطبرة قد استفاد من المعسكر الاعدادي الخارجي الطويل *معسكرنا نحنا ما معسكرو هو *استفاد من معسكرنا الطويل الذي جعلنا نمل ملامسة الكرة *لدرجة اننا لم نمرر تمريرتين صحيحتين على بعضهما *العندو الكورة يحاول يهرب منها زي كانو الكورة جريو بخربش فيهو *ويتخلص من ذلك بتمرير الجريو الى قدم الخصم *قدم العدو *وما عارف نحنا في المريخ الحببنا في الخصم والعدو مؤخراً شنو *جننا عدو *نتلصق لصيق في العدو *الله لا جاب عقابنا نحنا ياخ *ايها الناس *اذا كانت الجمعية العمومية هي صاحبة القرار *حقو ما تتعامل مع القرار تعامل اللاعبين مع الكورة على طريقة الجريو *لانو القصة دي ممكن تصنفنا امريكياً *ايها الناس *ان تنصروا الله ينصركم *اها *نجي لي شمارات والي الخرتوم *والينا المكلف علينا *ما داير تنجل الشوارع لينا *ولا بتبرد لينا وفي الطلعة بتبرد رجليننا؟؟؟؟ سلك كهربا ننساك كيف والكلب قال شوفوا عدوكم وين وما تدخلوا الجريو في انكساراتكم... بخربشكم والى لقاء