بسم الله الرحمن الرحيم *اذا سألنا المجلس *خبر تجديد طيفور شنو؟؟؟ *بجاوبنا ولا إلا نسأل حازم؟؟؟ *واذا سألناهم *شروط عقد التونسي شنو؟؟ *بجاوبونا ولا إلا نسأل حازم؟؟؟؟ *واذا سألناهم اديلي مسافر قابض ولا مسافر ساااي وبكرة ينط لينا في الفيفا؟؟؟ *بجاوبونا ولا إلا نسأل حازم؟؟؟؟ *واذا سألناهم معسكرنا متين ووين وليه؟؟؟ *بجاوبونا ولا إلا نسأل حازم؟؟؟؟ *واذا سألناهم موقف ابراهومة وموقعو شنو مع التونسي؟؟؟؟ *بورونا ولا إلا نسأل حازم؟؟؟؟ *واذا سألناهم ابو جريشة وين وبجي متين؟؟؟ *عارفين ولا إلا نسأل حازم؟؟؟؟ *ولا حازم ذاتو دي ماعارفها؟؟؟؟ *واذا سألناهم عن قصة بيتر اتحلت ولا الحاصل شنو؟؟؟؟؟ *بورونا ولا إلا نسأل حازم؟؟؟؟ *واذا سألناهم عن موقع بدر البدور بعد قبول استقالته وتعيين بديل وتكليف غيره بالمنصب شنو؟؟؟؟ *عارفين ولا إلا نسأل حازم؟؟؟؟؟ *واذا سألناهم عن اصابة كرشوم ومشوا ليهو ولا لأ؟؟؟؟ *مشوا ولا إلا يمشي حازم؟؟؟؟ *واذا سألنا عن راتب ومخصصات التونسي؟ *ناقشين ولا إلا يدفع حازم؟؟؟؟؟ *واذا سألناهم عن خططهم وتخطيطهم لمسيرة الزعيم؟؟؟ *خططوا ولا إلا يقرر حازم؟؟؟؟؟ *واذا سألناهم عن مناشط المريخ الاخري عارفنها؟؟؟ *ولا ماكلمهم حازم؟؟؟؟ *واذا سألنا عن التسجيلات الاخيرة كانت بخيار منو؟؟؟ *ناقشين ولا ماكلمهم حازم؟؟؟؟ *ايها الناس *سنظل نخرج سنويا من التنافس الافريقي *لان حازم لم يأتي باسلوب اداري مغاير لاساليب الادارة التي تؤدي للخروج الافريقي المبكر وفقدان الممتاز *الآحادية دي بتودينا لي كدة *ناقشين؟ *ولا يطرشكم ماكلمكم حازم؟؟؟؟؟ *ايها الناس *طولوا بالكم *ايها الناس *شفت المريخ الشايقي يحتاج للدعاء *فلا تبخلوا علي شاب لم يبخل علي المريخ بماله وجهده ووقته *ايها الناس *ان تنصروا الله ينصركم *اها *نجي لي شمارات والي الخرتوم *كان شفت ياوالينا *موظفو وعمال المحاكم مضربينا *يطالبون بحقوقهم وينشدون عدالة هم جزء منها يا والينا سلك كهربا ننساك كيف والكلب قال الجماعة ديل قالوا دفع الحقوق قبل رفع الاضراب…يعني الدفع اول والي لقاء سلك
