دعم إفريقي واسع للهلال السوداني..سيكافا والرواندي في المقدمة واتحادات موريتانيا والسنغال والكاميرون تلوح في الأفق    وزارة الداخلية توضّح بشأن دوي انفجار هزّ منطقة شرق الخرطوم    الصفا الأبيض يهز شباك الرفاق... وانطلاقة قوية في الدورة الثانية    تطوّرات في ملف شكوى الهلال ونهضة بركان    بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم    شاهد بالفيديو.. الممثل ذاكر سعيد في فاصل كوميدي : (لا أشجع فريق برشلونة ولا ريال مدريد أشجع الفريق البرهان "ضقل" بالمليشيا كورة مرقهم في الخلا)    شاهد بالصورة والفيديو.. ضحكات ومزاح بين الفنانة إيمان الشريف و "البرنس" في لقاء داخل سيارة الأخير    بالصورة والفيديو.. شاهد لحظة القبض على أخطر شبكة تقوم بسرقة العربات و"اسبيراتها" بالخرطوم بعد كمين محكم    شاهد بالفيديو.. الفريق أول ياسر العطا يحظي باستقبال تاريخي من جنود الجيش والمستفرين بعد ساعات من تعيينه رئيساً لهيئة الأركان    شاهد بالفيديو.. الفنانة إنصاف مدني تفاجئ الجميع وتقتحم بث مباشر لزميلتها ميادة قمر الدين: (أنا مفلسة أعملوا لي مبادرة)    صمود يحذر من كارثة إنسانية مع استمرار العمليات العسكرية في النيل الأزرق    "تأسيس" و"صمود" يدينان استهداف أسامة حسن في غارة مسيّرة على نيالا    تطور جديد في جلسة محاكمة منيب عبد العزيز شمال السودان    يوم اليتيم.. نصائح لدعم اليتيم نفسيا في يومه السنوي    ماجد المصرى: شخصية راغب الراعى مرهقة بسبب تعدد علاقته داخل الأحداث    محمد مهران يكشف أصعب مشهد فى كواليس مسلسل درش    ماذا يحدث لجسمك عند التوقف عن تناول منتجات الدقيق الأبيض لمدة أسبوعين؟    "العاصفة الحمراء" التي ضربت دولا عربية.. هل هي خطيرة؟    ما حقيقة زيارة وفد إيراني إلى السودان سرًا؟    الرابطة السليم تكتسح بركيه بخماسية اعداديا    "يديعوت أحرونوت": واشنطن بدأت عملية إجلاء طارئة ل60 ألف أمريكي من مصر    الدولار يتراجع مع تصاعد توقعات التهدئة في الشرق الأوسط    بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها"    شاهد بالفيديو.. "ماما كوكي" تتحدث عن قضية الساعة.. مطربة شهيرة تقيم علاقة عاطفية مع "البرنس" بعد طلاقها من زوجها وردة فعل أهلها جاءت صادمة لها    المغرب يثبت نفسه بين الكبار ويواصل الهيمنة عربيا في تصنيف فيفا    أدوية منسية في المنزل قد تهدد صحة العائلة.. تخلص منها فورا    نوع نادر من السرطان.. ما هو التليف النخاعى؟    سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟)    اللجنة الإقتصادية العليا تصدر عدداً من القرارات المهمة لتحقيق استقرار سعر الصرف    الفريق أول الركن ياسر عبدالرحمن حسن العطا رئيساً لهيئة أركان القوات المسلحة    السودان.. وفاة لاعب كرة قدم    وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين    السودان.. وزير يشرع في تكوين قوّة عسكرية ضاربة..ماذا هناك؟    ارتفاع وارد واسعار الذرة والسمسم بسوق القضارف    قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر    عثمان ميرغني يكتب: فساد.. الفساد..    شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي    السيسي للرئيس ترامب: لا أحد يمكنه وقف الحرب في المنطقة إلا أنت    مصر.. الدولار يقترب من 54 جنيها لأول مرة    وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد    رئيس الوزراء يصدر قرارًا بشأن الرسوم الجديدة في المعابر    محمد عبد الباسط يكتب: لهذا تحركت باكستان الآن للوساطة بين أمريكا وإيران    الخليج الضحية الكبرى: إيران وجهت 83% من هجماتها إليه… و17% فقط إلى إسرائيل    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    ترامب يصدر أوامره ويكشف تطورات مثيرة مع إيران    الأمن يداهم مخزن يبيع الوقود المهرب لعصابات التنقيب عن الذهب    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    الشيخ بن زومة.. إلى جنة الخلد    قيم الهلال المتوارثة يجب أن تبقى أبد الدهر    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



المريخ عاوز ليه اتفاقية زي اتفاقية (سلام جوبا) عشان يشيل الدوري
صابنها نشر في كورة سودانية يوم 20 - 07 - 2022


محمد عبد الماجد
المريخ عاوز ليه اتفاقية زي اتفاقية (سلام جوبا) عشان يشيل الدوري

عملوا المريخاب أي شيء من اجل ان يفوزوا ببطولة الدوري الممتاز هذا العام.
ما خلوا حاجة.
جاكومي.
وكابو.
وشانتير.
والسمؤال.
ولم ينجح احد.
نلعب عصر.
نلعب مساء.
في الجبل.
في الخرطوم.
ولم ينجح احد.
حرّضوا الخرطوم الوطني لشكوى الهلال لمن الخرطوم الوطني (هبطت).
البعادي الهلال بنزل.
اسألوا جزيرة الفيل.
والنيل الحصاحيصا.
والنيل شندي .. جاء هزم الهلال وهبط.
ومريخ الفاشر – صاحب التواطؤ الشهير من اجل ان يفوز المريخ ببطولة الدوري الممتاز.
وحرشوا حي الوادي نيالا.
قالوا الهلال منع حي الوادي يلعب في استاده.
انتوا يا ناس المريخ مشكلتكم شنو مع (ملعب الهلال).
والله تتابعوا (ملاعب) الهلال دي تنزلوا التالتة.
الهلال عمل ليه ملعب رديف .. بي حقو .. وليس عن طريق (الدعم السريع).
الهلال وقت يتدرب في ملعبه الرديف .. ما عارف ناس المريخ ح يقولوا شنو؟
يا ربي عندكم اعتراضات برضو في (التمرين).
ح تقولوا برضو ما في تكافؤ فرص.
أي حاجة عملوها ناس المريخ عشان يشيلوا الدوري.
وبرضو دوري مافي.
إلّا بالتواطؤ.
دوري عديل كدا تشموا (قدحة).
يا سلك إلّا تشموه في (المطار).
ما عندكم أي طريقة.
اتعادلوا مع الهلال في الابيض... قالوا خلاص الدوري حقنا.
فازوا على الهلال في الخرطوم... قالوا الموضوع منتهى.
وبرضو فشلوا يشيلوا الدوري.
يعملوا ليكم شنو بعد كدا؟
لجان الاتحاد في خدمتكم.
ولجنة البرمجة.
واللجنة القانونية.
كل اللجان (حمراء).
وبرضو دوري ما في.
عاوزين حي الوادي يبقى ليهم (برشلونة) ويعرقل ليهم الهلال.
ناس المريخ بعد (لجان الاتحاد) التى يسيطر عليها المريخ في الاتحاد ...لقب هداف الدوري ما قدروا يحققوه.
فريق في كشفو (48) لاعبا ... وبعد دا كلو عاوزين يشتكوا الهلال عشان كشفه فيه (5) محترفين زي فريق المريخ تماما .. وحسب قرار اللائحة.
وين لائحة المنافسة عندما لعب المريخ ب (48) لاعبا؟
المريخ ضرب باللائحة عرض الحائط وواجه هلال الساحل بتشكيلة فيها (4) محترفين في الملعب في وقت واحد.
ناس الخرطوم الوطني كانوا وين وقتها؟
بطولة الدوري الممتاز بطولة محببة لنا – ربما لو كان الفارق ( نقاط كما كان في قبل فترة لما شعرنا بحلاوة اللقب.
هسع وقت اصبح الفارق (3) نقاط شعرنا ليك بحلاوة الدوري.
عشمنا ليكم المريخاب.
خلوا شغلتهم وبقوا يتابعوا في الهلال.
الهلال دا بجيب ليكم الضغط.
والسكري.
والقلب.
عشان تقوموا تشوفوا شغلتكم.
باقى جولتين.
برضو عشمانين.
ركزوا مع ود نوباوي.
فكوا حي الوادي.
بعد ود نوباوي برحلوا توتي.
نعشمهم كدا.
لمن نجيب خبرهم.
مباراة الهلال امس امام حي الوادي كانت اصعب محطات الهلال نحو اللقب.
هذا لا يعني سهولة مباراة ود نوباوي وتوتي.
اتعودنا من الهلال ان يلدغ من المباريات التى يعتقد انها ساهلة.
ما في مباراة ساهلة.
أي مباراة بقت مباراة بالدوري كله.
مباراة اللقب.
مباراة ود نوباوي يوم الجمعة القادمة .. مباراة مهمة .. يجب ان تحذروا المفاجآت.
التحكيم ما مضمون.
والطقس.
والمطر.
رتبوا اوضاعكم لكل الاحتمالات.
خليكم جاهزين لكل الظروف.
المباراة سوف تكون في ملعب الهلال مساء .. وهذا يعني ان الانصار سوف يشكلوا حضورا كبيرا في هذه المباراة.
فريق ود نوباوي يمتلك عناصر شابة ..ويقوده فنيا المدرب ابوعبيدة سليمان.
ننتصر ان شاءلله على ود نوباوي يوم الجمعة ونبقى على المباراة الاخيرة في جبل اولياء امام توتي يوم الثلاثاء 26 يوليو.
توتي الذي يقوده فنيا المدرب كفاح.
وكفاح اتعادل مع الهلال في الدورة الاولى.
يعني الهلال عنده (حسابات) تانية مع توتي .. او مع كفاح تحديدا.
نتمنى ان يتوج الهلال في المباراة القادمة امام فريق ود نوباوي وهو يلعب في استاده.
عاوزين مباراة توتي تكون (ودية).
لكن في كل الاحوال .. الهلال ما عندو حاجة اسمها (ودية).
نغلب بس.
بعد التتويج باللقب ان شاءالله .. سوف يتجه الهلال الى مدينة الجنينة لمواجهة المريخ في قمة السلام يوم 30 يوليو.
يعني ايامنا القادمة كلها عاوزنها تكون افراح.
التتويج بلقب الممتاز سوف يمنح الهلال دفعة قوية لمباراة القمة في الجنينة.
الهلال برضو عندو حسابات عاوز يصفيها مع المريخ.
هذه فرصة قد ساقها (السلام) اليكم.
اجمل من ذلك ان لجنة المسابقات اقرت برمجة مباريات كاس السودان.
الهلال يمكن ان يلعب مباريات كاس السودان بالعناصر المحترفة التى سوف تنضم للهلال في هذه التسجيلات.
هذه افضل فرصة لتقديم المحترفين ليدخلوا وينصهروا في المجموعة.
بعد 26 يوليو .. وبعد التتويج ان شاءالله باللقب .. يجب ان يعلن الهلال عن عناصره المحترفة الجديدة المنضمة للهلال.
كذلك يجب الاعلان عن المدرب الجديد للهلال – الذي يمكن ان يعرف مقدرات فريقه وامكانيات اللاعبين قبل بداية الموسم الجديد.
مباراة القمة القادمة في الجنينة فرصة ممتازة للمدرب الجديد.
كذلك سوف تكون مبارات كاس السودان اجمل فرصة للمدرب والمحترفين الذين يمكن ان ينضموا للهلال في الفترة المقبلة.
بل العناصر الوطنية نفسها يمكن ان تقدم من خلال مباريات كاس السودان.
بطولة الاندية الافريقية للابطال سوف تنطلق في 12 سبتمبر.
يعني تبقى لانطلاقة البطولة الافريقية حوالي 7 اسابيع.
ومباريات كاس السودان سوف تكون فرصة ممتازة للمحترفين والمدرب الاجنبي الجديد.
المريخ في الدوري الممتاز يلعب الآن للوصافة.
الوصافة يجب ان لا تفارق المريخ في الجنينة وفي بطولة كاس السودان.
الجماعة ديل قدرهم ان يكونوا (الوصيف) للهلال.
أي بطولة يتواجد فيها الهلال – يجب ان لا يعشم المريخ فيها باكثر من (الوصافة).
ان شاءالله تكونوا اقتنعتوا بذلك في الدوري الممتاز.
نلعب عصر.
نلعب مساء.
نلعب في الجبل.
نلعب في الخرطوم.
المريخ برضو (الوصيف).
تستعينوا بالدعم السريع لصيانة الاستاد ..برضو لا تفارقوا الوصافة.
لو عاوزين بطولة الدوري اعملوا ليكم اتفاقية زي اتفاقية سلام جوبا .. الجابت لينا مناوي وعقار والتوم هجو للقصر.
ما عندكم طريقة غير اتفاقية زي اتفاقية سلام جوبا .. تشقلب ليكم أي حاجة عشان تفوزوا بالدوري.
غير كدا ما تحلموا.
ولا تفكروا في الدوري.
الدوري راح.
والجنينة لا فيها حي الوادي ولا فيها الخرطوم الوطني.
راجيكم ان شاءالله نفس المصير.
..............
متاريس
الرسوم التى دفعتها ادارة الخرطوم الوطني لو جابوا بيها (موز) لمعسكر الفريق كان يمكن يقعدوا في الدوري.
نهاية مؤسفة للخرطوم الوطني في الممتاز.
الفريق الذي كان كبيرا يهبط من الدوري الممتاز.
نهاية طبيعية للمشى وراء المريخ.
اكتر فريق متضرر من هبوط الخرطوم الوطني هو فريق المريخ.
معقولة تاني تشكيلة المريخ تكون من نادي بيلعب في الدرجة الاولى.
الخرطوم الوطني كانت بتقدم اللاعب جاهز للمريخ.
الكلام دا في الدرجة الاولى ما في.
يوم 21 يوليو الهلال سوف يصل الى مجلسه المنتخب ان شاءالله.
يوم 26 يوليو سوف يتم تتويج الهلال ان شاءالله بطولة الدوري.
نسأل الله ذلك.
يوم 30 يوليو قمة الهلال والمريخ في الجنينة.
بعد نهاية الدوري في 26 يوليو .. يجب ان يعلن الهلال عن العناصر المحترفة الجديدة التى سوف تنضم للهلال.
كذلك يجب الاعلان عن المدرب الجديد.
خلاص ادخلوا في الجد.
دوري.
ومجلس منتخب.
ان شاءالله.
باقى تجيبوا لينا محترفين في قامة الهلال.
وعاوزين مدرب كبير.
الايام القادمة ان شاءالله كلها سعيدة على الهلال.
ايامكم.
لا تنظروا الى مباريات المريخ.
تهمنا فقط مباريات الهلال.
الحسم عندكم.
الكرة القادمة في ملعبكم.
وبالتوفيق للهلال ان شاءالله.
.....
ترس اخير : ابقوا كتار يوم الخميس في الجمعية العمومية ويوم الجمعة في مباراة الهلال امام ود نوباوي.

انقر هنا لقراءة الخبر من مصدره.