محمد الطيب الأمين الموريتاني ساق طيفور ومحمود الخطيب ساق حازم..!! * تشهد الخرطوم هذه الأيام سخانة شديدة. * سخانة لو طلعت بالقميص مكرفس بترجع بيهو مكوي. * يا الله مطرة. * لم يخفف علينا سخونة هذا الجو إلا الأخ حازم رئيس المريخ. * حازم الأيام دي شغال (ردم تقيل). * لم يسلم منه لاعب ولا إداري ولا مشجع. * كلهم اداهم على رأسهم. * وكلهم قبلانين وساكتين وصابرين. * سُكات مخجل من كل أعضاء مجلس الإدارة. * يهدد فيهم وهم ساكتين. * يشتم اللاعبين وهم ساكتين. * يهدد بإيقاف الدعم وهم ساكتين. * تهديد حازم ما بكتلو بكتلو ساکت المجلس. * حتى صحافة المريخ لم تسلم من حزومي. * الزول ده لو ما حذفتو منو الواتساب بعد شوية ح يجيب خارجيات. * والله صحي. * قال عمار طيفور (قليل أدب). * ومتعالي. * وقال أسرة طيفور ناس هايفين. * (هايف) خدودك تنجرح من نظرتي. * (هايف) هو قال مني وأنا حالتي في ايدو. * (هايف) عليك منك يا الما بتعرف الخوف. * قال طيفور داير يشتري بيت في واشنطون. * بحقو. * إن شاء الله يشتري بيت في سوق العتبة. * هو حر. * اظرف حاجة حازم قالها إنو اللاعب الموريتاني ساق طيفور دخل بيهو جوة. * طيب يا حازم أنت برضو محمود الخطيب ساقك عديل. * ولا ما ساقك؟ * ساقك وباعك. * بيعة سوق العتبة الشهيرة والتي نصت على أربعة بنود واضحة وصريحة. * البند الأول: الأكل والشراب على حساب الأهلي. * البند الثاني. * يدوهم لاعبين إعارة. * البند التالت يغلبوا ليهم الهلال رايح جاي وكذلك صن داونز. * البند الرابع يدوهم تلاتة نقاط. * في سواقة أكتر من كده!؟ * دي أصعب من سواقة الموريتاني * ولا ما أصعب؟ * قلتها مرة واتنين عبر قناة (دقايق) إنو مشكلة المريخ كلها في الواتساب. * لو بطلوا ينشطوا نت مشاكلهم بتتحل. * الواتساب سبب البلاوي. * المريخاب ما عارفين يلقوها من الجاكومي ولا من حزومي؟ * الله يكون عونكم. * لكن حالتكم صعبة. * المهم. * التش داير 700 ألف دولار. * دولار ينطح دولار. * يلا ورونا شطارتكم. * حاجة تكسف. * وتبكو بس .. عين قطرة وعين مس. * و.. و.. * و(هايف) تنسي الريد.