بسم الله الرحمن الرحيم *طبعا افريقيا سنلعب مستأجرين *وكما هو معلوم *مستأجرين مفروش *يعني العقار والعفش وموية الصحة واي شي *مفروض المفروش ده يكون بي جماهيرو *يعني لو في كورتنا الافريقية مالقينا محمد عبدالماجد وخالد عزالدين وروشا شايلين اعلام المريخ وقاعدين مدرجات شعبية وبشجعوا في المريخ *يكون الهلال خرق عقد الايجار ولم يمكننا من الانتفاع بالعين المؤجرة انتفاعا كاملا *الامر الذي يمكننا من المطالبة بالتعويض اذا اردنا *وبعدين مفروش دي يعني بي تلاجتو وبوتاجازو ومكيفاتو ولمباتو *يعني لو لعبونا بالليل لعدم صلاحية اللمبات *ده يبقي خرق تاني للعقد *في مفروش مضلم؟؟؟؟ *مفروش شنو؟ *ورود! *ودرجت المحاكم علي اعتبار الاحتيال علي وصف مفروش *ايجار عادي يخضع لقانون ايجار المباني *يعني فيهو سبعة سنين ايجارة حكمية *والمؤجر البصر علي مفروش ويخت ليهو كنبة مكسرة وكرسي حديد وسرير روبابيكا *يجني علي نفسو لان الكرور ده لا يعطي الايجارة لفظ مفروش *ودايرين نلعب بالليل *وأه يا ليل *وانكشحت *خسرت كوبر بالتعادل امام الهلال بالتلاتة *والرابع ركلة جزاء غير محتسبة ارتكبها الفارس فارس *اربعة كتيرة *كفاية بتاعت اهلي مدني *بالله في اتنين وسبعين ساعة خمسة نقاط انكشحت فووووو *وتسعة اجانب *ومشروع الراجحي حيرنا *المهم *والاهم *حقوا المريخاب كلهم *اهل المريخ واولاد عم المريخ ونسابة المريخ *حقو ماينسوا انو نقاط مجموعات السنة دي هي مدخلنا الوحيد للبطولة الافريقية الجديدة *اي شنكبة عنكبة *بنلقي روحنا في الوسيط *لذا *ولذلك *ولكل ذلك *يجب ان نبعد الفريق عن اي صراعات *ويجب ان نقدم للفريق كل مانملك *ويجب ان نلتف حول الفريق بقوة *فنهواهوا في كل الظروف *هي وحدها التي جعلتنا نحتاج لهذه المجموعات كي نتأهل لتلك البطولة *اصلو عذر مافي *نعمل بجد وفي صمت لاجل هدف خطف نقاط من مجموعتنا تضيف لنقاطنا عند التصنيف *ايها الناس *في البلد دي البكرهوا كوبر فئتين بس *الكيزان ومنو؟؟؟؟ *واتكبري *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *كوبر عملتها فينا *كوبرتيست يا والينا *مرق الروح الفينا سلك كهربا ننساك كيف والكلب قال الانكشاحة دي بتودي الوسيط والي لقاء سلك