] الجمل يستطيع العيش في الصحراء دون عناء. ] الجمل يقطع آلاف الأميال سيراً على الأقدام دون أن يهتز له سنام. ] الجمل حيوان لطيف. ] الجمل حيوان صبور جداً. ] الجمل إحتار في الهلال. ] صبر تسعين سنة فاق صبر الجمل ذاتو. ] حيرتوا الجمل وحيرتوا الصبر ذاتو. ] أيها الناس ] ولد الهلال سنة ألف وتسعمية وتلتين. ] والآن نحن في عشرين عشرين. ] ولازال الهلال يبحث عن مخرج من صفره الدولي. ] تسعين سنة بالتمام والكمال. ] والنتيجة صفر. ] تسعين صفر بالتمام والكمال والنتيجة هلال. ] تسعين سنة يا أنا ومانديلا عندنا. ] ولكن خروج أبو الهل كان خيراً له. ] هناك في صن داونز والبعبع الترجي ستات وأم بعلو مازيمبي ووداد الماكضابة. ] كان أبو الهل بقى وسطهم زي الأرنب وسط كلاب الصيد. ] أخير ليهم لحدي هنا برغم مازمبية الأهلي التي ضاعت بأوامر عليا خوفاً من بورسعيد سودانية بحسب قول كهربا. ] يجب أن ننظر لنصف الكوز المليان. ] رغم أنو الكوز الزمن ده شوفتو تقرف. ] لكن النصف المليان من خلاله نري جمالاً. ] الكلاب الشرطية كانت حضوراً أنيقاً من عصراً بدري. ] وولف أصلي جيرمان شيبرد. ] وحتى حضور الشرطة بهذه الكثافة كان أنيقاً. ] بالذات بعد دخل طفل الحجارة الأول و ناس أبو طيرة جوا وختوا الهلال في فتيل. ] كان منظرهم رائع بتلك الأزياء وهم يشكلون حلقة بدت للعيان لوحة. ] كأنهم عيدان الأقاشي مقزوزة في الرمال ووسطهم أحمر الأهلي جمر القضية. ] قلت ليكم كان في حاجات جميلة برغم طيران الزنطور. ] منظر جمال سالم خارج طمنطاشر وكهربا في خط كان مشهد خرافي. ] لأنو الكورة الماشة على المرمى الخاوي على عروشه. ] براها لفت. ] خلي بالك ياروشا دي النفاثات في العقد ذاااته. ] والحبيب محمد عبدالماجد كتب. ] ح نتأهل. ] وحاحا أكد. ] والبخور إنطلق. ] والله لايصلح عمل المفسدين. ] هكذا يقول رب العرش العظيم ] قلت لي ح يا م ح م د؟. ] أيها الناس. ] يظل مانديلا رمزاً إفريقياً للنضال. ] وتظل مانديلا البطولة القارية الوحيدة للأندية السودانية. ] ويظل المريخ بمانديلا الزعيم وسيد البلد بي حقو والكبير والوحيد والمتفرد والبشبهو منو. ] والأوحد المتواجد بلوح الشرف الإفريقي الذي يضم الفرق الفائزة ببطولات الكاف. ] ويظل الصفر صفراً ساكناً في محلو. ] فطومة أختي. ] لسة جماعتك عندهم أمل في الأميرة السمراء؟. ] عارفة يافطومة حبوبة مولانا مجذوب رئيس رابطة قطر عندها مقولة شهيييرة. ] بتقول ] لما تخت ليها شيء وماتلقاهو. ] الشيء ده أسي ختيتو هنا بي يدي دي . ] طار وين؟. ] أريتو بي طيران فااااااطنة. ] لأول مرة مولانا مجذوب عرف فاطنة البتقولها حبوبتو. ] أسي طيران أمس ده ماياهو طيران فااااطنة؟. ] أيها الناس. ] من أجمل تعليقات الشفوت علي طيران أمس. ] قالوا واحد اتصل على قناة الهلال قال ليهم عيدوا لينا مباراة الهلال والأهلي. ] ناس القناة قالوا ليهو الجزء المدني ولا العسكري؟. ] أيها الناس. ] يظل مانديلا رقماً. ] ويظل الصفر صفراً. ] أيها الناس. ] إن تنصروا الله ينصركم. ] أها ] نجي لي شمارات والي الخرتوم. ] كان شفت يا والينا. ] صفرنا مبارينا. سلك كهربا ننساك كيف والكلب قال أسي دي كورة يجيبونا ليها من الضهر؟
