كواليس صادمة... كيف تعطلت صفقة تسليح الجيش السوداني في اللحظات الأخيرة؟    بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ)    الباشا طبيق : السيطرة على الكرمك تعيد تشكيل الخريطة العسكرية في السودان    تعديل وزاري مرتقب في السودان يشمل ست حقائب وزارية    11 دقيقة إضافية من النوم ليلا تساعد فى الوقاية من النوبات القلبية    13 حزمة لغوية جديدة لترجمة محادثات "واتساب"    سناب شات" يحوّل الصور إلى فيديو بالذكاء الاصطناعي    هل يكون محمد صلاح الصفقة الكبرى القادمة بالدوري الأمريكي بعد جريزمان؟    جلسة مع محمد صبحى في الزمالك.. اعرف السبب    استمرار محاولات الأهلي لإنهاء أزمة الشرط الجزائي مع توروب    يارا السكري تكشف لليوم السابع تفاصيل دورها فى فيلم صقر وكناريا    شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا)    باسم سمرة: الناس بقت تناديلى ب«زكى».. ونجاح عين سحرية توفيق من ربنا    ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون    نصائح لوقاية مرضى حساسية الصدر من التقلبات الجوية والرياح    مشروبات تساعد على حرق الدهون بعد كحك العيد    اكتشاف مرض وراثي جديد يسبب الشيخوخة المبكرة والقصور الإدراكى    شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار    بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة    شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة"    الهلال يواجه ضغط المباريات في رواندا    ((نار فلوران ولاجنة ريجيكامب؟؟))    جبريل يلتقي المبعوث الشخصي للأمين العام للأمم المتحدة إلى السودان    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    كيف تفاعل النجوم مع خبر رحيل صلاح عن ليفربول؟    ضبط 2800 قندول بنقو بالجزيرة في عملية نوعية لمكافحة التهريب    تعطيل الدراسة في الخرطوم    المريخ يكثف درجات إعداده ويتدرب بالصالة    النخبة بالخرطوم.. كيف؟    "تمبور" يكشف عن توجيهات صادرة جديدة    ترامب يصدر أوامره ويكشف تطورات مثيرة مع إيران    طهران ترد على تهديدات ترمب    هل مخالفة ترامب خلل في الكون؟!    هل تستطيع أمريكا احتلال جزيرة خارك الإيرانية؟    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    شركة كهرباء السودان تحديث حول سير أعمال الصيانة الطارئة للشبكة القومية    توقّعات بارتفاع غير مسبوق في أسعار النفط    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    بنك السودان المركزي يصدر توجيهًا للمصارف    إبراهيم شقلاوي يكتب: الزراعة ما بعد اقتصاد الحرب    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



كنت زعيماً شيوعياً محترماً وعمري عشرين سنة..!
الاستاذ محمد الحسن أحمد .. إطلالة عبر نافذة الموت:
الرأي العام نشر في الرأي العام يوم 26 - 09 - 2008


الراحل المقيم الذي وفته المنية أمس الأول بالعاصمة البريطانية لندن الاستاذ محمد الحسن أحمد يعرفه القاريء ككاتب مقال ومحلل سياسي معروف عبر مقالاته بصحيفة «الرأي العام» و«الشرق الأوسط» اللندنية.. نقلب صفحات «كتاب حياته» وتجربته منذ الطفولة الباكرة بين نوري بالشمالية الى قلب الوطن بالجزيرة وكوستي.. مارس الراحل العمل اليدوي مبكراً.. من لقيط القطن.. وصبي ميكانيكي بالسكة الحديد.. استوعبه العمل النقابي الحزبي كادراً نشطاً في صفوف الحزب الشيوعي في بداية الخمسينيات إبان تصاعد الحركة الوطنية التحررية. مارس العمل الصحفي عبر جريدة «الصراحة» سنة 1956م إبان رئاسة الاستاذ عبدالله رجب والاستاذ محجوب عبدالرحمن.. وعمل أيضاً في مجلة الطليعة - احدى إصدارات الحزب الشيوعي آنذاك.. نعيد نشر هذا الحوار الذي أجرى معه بصحيفة «الرأي العام» قبل عامين.. ------------ * بداية: -ولدت في نوري، شايقي أصلي وانتقلت الى الجزيرة وأنا عمري ست سنوات مع الوالد الذي كان تاجراً هناك. * وين في الجزيرة؟ - في الحاج عبدالله حيث قريت الخلوة هناك مع الفكي عبدالله سيد الريدة من الكتياب.. وناس الكتياب ديل ناس علم وقرآن. = ويواصل: - قريت القرآن وحفظته أو كدت وبعد ذلك وقفت من التعليم المنظم. * كنت بتفكر تكون شنو؟ - كنت بفكرأكون تاجر مكان أبوي، لكن التجارة ما مشت معاي فحاولت شوية اشتغل وفعلاً اشتغلت في الزراعة لقيط قطن. * يعني لقطت قطن يا أستاذ؟!! - أيوه. * القفة كانت بكم؟ - ستة قروش.. «للقفة الكبيرة». - مشيت بورتسودان وكنت بتمنى اشتغل تمرجي لأنو عندي أخوالي اتنين مساعدين حكماء لكن ناس المستشفى هناك قالوا ما عندهم وظيفة بتاعة تمرجية لكن في وظيفة فراش ودي ممكن تدرجك، لكن أبيت اشتغل فراش لأنها متواضعة شديد. وكنت عاوز اشتغل عامل صحة بعد ما عملت الاجراءات وكده وقالوا لي دايرنك تشتغل قباض فيران، كان في فيران كتار الوقت داك في بورتسودان قالوا لي نحن ممكن نديك على كل فار تقبضو حي تعريفة زيادة على المرتب قلت ليهم أنا غريب في البلد دي وحكاية الفيران دي أعفوني منها ودي برضوا ما اشتغلتها.. * اشتغلت شنو؟ - اشتغلت في السكة الحديد مساعد عداد بضاعة واتدرجت الى عداد بضاعة واتطورت قريت إنجليزي في الفترة ديك واشتغلت في الميناء حاجة اسمها «تلي مان» ديل ناس بعدو البضاعة من البابورات البتجي الميناء ودي شغلة ظريفة بالمناسبة وفيها قروش كثيرة. * كانوا بدوكم كم؟؟ - في الساعة تلاتة قروش بالنهار وستة قروش بالليل. * اهتماماتك بدأت بالسياسة متين؟ - بعد ما بديت اتطور وأقرأ انجليزي كان عندي هواية إطلاع بالكتب وكان عندي طموح بأن أدخل الجامعة بعد الحاجات التانية دي فاتتني «تمرجي- ضابط صحة» وبدأت بالعمل النقابي وبقيت زعيم وأنا صغير.. * عمرك كان كم؟ - عشرين سنة ودخلت السجن وأنا عمري واحد وعشرين سنة. * سجنوك في شنو؟ - سجنوني في حاجة ليها صلة بالشيوعيين.. لكن الغريبة برضوا ليها صلة بالجرايد. * عملت شنو يعني؟ - كنت كتبت كلام لي واحد عبارة عن خطبة لكن ما جاء شالها مني.. وجو فتشوا بيتنا سألوني دا شنو قلت ليهم والله دا مقال كتبتو كنت داير أرسلو لجريدة الصراحة وغيرت رايي ما رسلتو واعتبرت الحكاية انتهت.. * الحصل شنو بعد داك؟! - مفتش المركز عشان عارفني شيوعي نشط قام عمل لي قضية وقال لي يعني المسألة لو انتشرت كان حتعمل إثارة للأمن العام في البلد وقام لصق لي ستة شهور سجن تحت المادة «501-721أ» من العقوبات وطردني من مركز كوستي للأبد بالمادة «38 د» ودي بحاكموا بيها المجرمين الكبار. * نفذوا فيك الحكم دا؟ - طوالي وكمان قالوا ما أبيت في كوستي الليلة ونقلوني في نفس اليوم داك لمدني. * الكلام دا سنة كم؟ - بالضبط في 5/3/3591م.. يوم الخميس. * وفي مدني حصل شنو؟ - نقلوني يوم الجمعة الصباح معاي العسكري من السجن الكبير الى سجن آخر للمجرمين الأقل إجراماً، في السكة قلت ليهو نقيف في دكان اليماني دا نشتري لينا حاجات قال لي جداً وقفنا في دكان اليماني اسمع ليك في الأخبار من إذاعة لندن قال أمس توفى المارشال «جوزيف ستالين» حصل لي احباط شديد لأنو كان «حرر الشعوب» في الوقت داك. * عاملوك كيف في السجن وانت زعيم كبير عمرك واحد وعشرين سنة؟ - في الأول شغلوني طلبة في مباني للبوليس واشتغلت طلبة كويس قربت أبقى بناء، كان البنايين مبسوطين مني.. لكن قاموا اخوانا ناس بدري الشيخ عملوا لي طريقة بقيت فراش في المستشفى «يضحك» رجعنا تاني.. ودي كانت كويسة حكاية فراش في مستشفى سجن مدني.. * ليه؟ - لأنو كل يوم كنا بنطلع نشيل طاولة كبيرة ونمشي نجيب الأدوية من الصيدليات الكبيرة ونجيب الأكل «شوف الدنيا دي زمان كانت بخيرها» المساجين العندهم مرض (T.B) كانوا مرتبين ليهم بيض وكبدة وكلاوي ورغيف أبيض سمح كده وسجلنا أسماءنا معاهم. * يا أستاذ إنت بديت الترحال من نوري، الحاج عبدالله، بورتسودان، كوستي، مدني الخرطوم جيتها سنة كم؟. - الخرطوم جيتها مرتين الأولى جيت زيارة مع أهلي، والمرة التانية وأنا ماشي بورتسودان ومرة تالتة جيت حضرت أول مؤتمر للحركة الوطنية للتحرر الوطني. * بداية علاقتك بالحزب الشيوعي؟ - بدت من بدري وزي ما قلت ليك أنا بقيت زعيم وعمري عشرين سنة. * الاستقطبك منو؟ - واحد! ولحدي هسع موجود، بالمناسبة «بقوا فقراء كلهم» يضحك يمكن نقول اسمو يزعل اسع قرب يبقى شيخ طريقة!. * استقطبك كيف؟ - شاف انو عندي شعبية وأنا كنت نشيط جداً بمشي النادي بعمل جريدة حائطية وبلعب بمبو وبكتب خطب، جاء قال لي في حاجة كويسة كدا لو ما عندك مانع نجيبها ليك قام جاب لي جريدة «اللواء الأحمر» ودي كانت حقت الشيوعيين فقريتها لقيت فيها دفاع عن العمال. بعدين أي واحد في عمري ده «زمان» كان بحب الحاجات السرية والمدسوسة والحاجات البتكون ضد الاستعمار وبقيت شيوعي محترم جداً في كوستي. * كوستي الوقت داك كان فيها شيوعيين كتار؟ - أيوه.. كنا مجموعة محترمة الطاهر عبدالباسط، وشاكر مرسال، وحسن سلامة، أناكنت المسؤول التنظيمي. * الحزب الشيوعي الوقت داك كان قومي ولا كلو شوايقة؟! - يضحك - يا أخي ده حاجة أممية، يعني عشان عبدالخالق شايقي وأنا من نوري تعملهم كلهم شوايقة.. يضحك. * يعني الزول الجندك ما شايقي؟! - لا والله.. الجندني شايقي. * جيت الخرطوم استقريت فيها متين؟ - تعرف القصة بتاعت الخطبة السجنوني فيها اتحولت لحقيقة بعد السجن جيت الخرطوم طوالي مسكوني في جبهة الطليعة بتاعة العمال.. * كان فيها منو؟ - اخونا الطاهر عبدالباسط «طردوهو بعدي من كوستي» كان لقيتوا مهيأ عشان يسافر لبعثة خارجية عشان يعمل دكتوراة في الاقتصاد، استلمت منو الطليعة طوالي مدير تحرير ورئيس إدارة وموزعاتي وكل حاجة. * كانوا بدوكم كم؟ - كان الحزب الشيوعي حزب صوفي بالمناسبة، وأنا لسع بعتقد أنو الشيوعيين كانوا متصوفة!! كانوا بدوني ثمانية جنيهات والقياس قائم على أنها الحد الأدنى لماهية عمال اليومية «الطُلبة». * مشيت الصراحة سنة كم؟ - سنة 6591م. * كان فيها منو؟ - عبدالله رجب وهو رئيس تحريرها، ومحجوب عبدالرحمن. * كان خطها شيوعي؟ - لا.. الصراحة جريدة بتساعد الشيوعيين لنشر الأفكار اليسارية باعتبار أنها ضد الاستعمار واكثر جرأة من كل الصحف الموجودة الوقت داك.. لكنها ماكانت شيوعية لكنها كانت منبر شيوعي مؤثر. * يعني بداية عملك في الصراحة كانت نهاية حياتك الشيوعية؟ - مشيت الصراحة بأزمة مع عبدالخالق، كنت عملت مذكرة في ذلك الوقت وقلت الطليعة دي كدا ما بتمشي، وأصريت أحولها لجريدة فيها سينما وكورة وسياسة عشان العمال يقروها عشان ما نحصر العمال في جانب واحد. العمال ديل فيهم الفنانين وفيهم لاعب الكورة فكنت مصر على تحويل الجريدة من إضرابات وبيانات الى جريدة شاملة. * وعبدالخالق كان رايو شنو؟ - عبدالخالق قال جيبوا المجلة بتاعت اتحاد العمال العالمي، جبناها وكانت كلها اضرابات وبيانات.. قال لي إنت دائر تطلع من الطبقة بتاعتك الى الإطار البرجوازي؟ - ومن هنا جاء اختلافي مع الشيوعيين وقلت ليهم مع السلامة. * في الصراحة البداية كانت بشنو؟ - بالسياسة وبقيت صحفي كويس جداً وكان عندنا عدد شهري في الصراحة وهو ثقافي، مرة كتبت فيهو مقال بعنوان: في قلب كل إنسان حب.. وحبنا المختبيء - بتكلم فيه عن ليه الشيوعيين واليساريين بختشوا من حكاية الحب والكلام عن الحب ونحنا عندنا شعراء عظيمين عندهم أشعار جميلة عن الحب ما بقولوها وبقولوا أشعار الاضرابات والمعاهدات والاستعمار.. فالحب حاجة إنسانية ملحة.. المقال ده عمل دوشة كبيرة وانقسام في جامعة الخرطوم. في ناس أيدوا الفكرة وناس اعتبروها حاجات انصرافية.. وفي النهاية عملت باب باسم «وجدانيات صرفة» ولقى رواج كبير وكتب فيهو علي المك وصلاح أحمد إبراهيم وغيرهم. * اعتقلوك في الصراحة؟ - أول اعتقال كان في الطليعة ما في الصراحة، في جواب كتبو واحد زميلنا اسمو سيد أحمد عبدالله للسيد يحيي الفضلي كان وزيرا للشؤون الاجتماعية.. بيقول ليهو الحمد لله بالوقت اخدنا فرع النقابة ونادي العمال دايرنكم تساعدونا اكثر عشان ناخذ من الشيوعيين كل الحاجات الباقية وكده - الجواب دا حصلنا عليه بطريقة ما نشرتو أنا في الطليعة ولخصتو لجريدة الصراحة، قام يحىى الفضلي رفع قضية بأنو دا كذب وتشويه لسمعته ولسمعة الحزب الوطني الاتحادي لأنو حزب الجماهير وكان لسع في القضاء القاضي «مطران» وأظنه كان كبير القضاة في بريطانيا.. في المحكمة لقوا ما في طريقة يحكموا علي بالسجن إلا إذا جاء الولد اعترف قال رسل الجواب وفي الحالة دي احاكم بأني سارق، تتصور انو الولد دا مع انو زعيم كبير إلا أنه اعترف وجاء قال نعم أنا رسلت الجواب دا بدل ما ينكروا عشان يجيبوا خبري مرة واحدة. * ما كان عندك محامي؟ - كان عندي محامي ذكي وعلى ما أذكر الاستاذ الرشيد نايل وجاء المحكمة وقال للقاضي انو الزول دا صحفي والجواب دا كلو زي عشرة سطور وهو كصحفي جائز يكون دخل في مكتب وزير الشؤون الاجتماعية والجواب دا كان مفروش قداموا قراهو قام حفظه وما شال الورقة. القاضي اكتفى بخمستاشر جنيه غرامة وستة شهور حسن سير وسلوك وكانت قضية تحت مادة المال المسروق. * طيب يا أستاذ ننطلق الى لندن ونتطرق الى علاقتك مع الروائى الطيب صالح بدت متين؟ - قديمة جداً ومن بدري خالص اتوطدت خلال ال «51» سنة القعدتهم في لندن دي.. الطيب رجل موسوعي ولكن بدون تكلف تنساب منه المعلومات ببساطة شديدة. * الحاجات الما بعرفوها عن شخصية الطيب صالح؟ - التدين الشديد لدرجة يمكن تطلق عليه وصف الصوفي.. وعنده بناتو آمنة وزينب عبقريات شديد وشاطرات.. طبعاً هو متزوج انجليزية وعندو تلات بنات. * ما يزعج الطيب صالح شنو؟ - النميمة والقطيعة لا يحبها أبداً واذا استمرت في مجلسه يحول مجرى الحديث دون إحراج للقطاعين، ولما تركب معاهو تاكسي في لندن يقعد طرف دائماً عشان ينزل أول زول ويدفع حق الأجرة.. الطيب كريم لدرجة لا توصف.. وزول ونّاس جداً وخصوصاً لما يكون معانا اخونا وصديقنا رجل الأعمال حسن تاج السر «الطالب الاشترى بيت لأستاذه في السجانة»!!. وهو صهر الاستاذ العظيم أحمدمختار.. دي شلتي في لندن. * قاعدين تتناولوا في لندن وجبات سودانية؟ -باستمرار الوجبة السودانية موجودة على طاولتنا - المدام معاي هناك.. كسرة وقراصة وملاح مفروك كلو موجود بكثرة. * نشكرك أستاذ محمد الحسن وربنا يديك الصحة والعافية. - شكراً لكم

انقر هنا لقراءة الخبر من مصدره.