قضية دارفور تعتبر من أهم أنواع النزاعات الداخلية المسلحة فى الدولة والتى صنفت من اهم واكبر واخطر النزاعات التى هددت السلم والامن الدوليين وكذلك تعتبر من اكبر مأساة انسانية شهدها العالم الحديث وعلى المستوى المحلى فانها بلاشك مزقت النسيج الاجتماعى فى دارفور من خلال فتنة قبلية طاحنة وخلفت جرائم دولية عجزت فيها العدالة الدولية عن تحقيق اية انتصار للضحايا وفشلت مجهودات الاممالمتحدة فى توفير الامن والاستقرار للنازحين والاجئين ؟ إلا ان هنالك جيل من الشباب قد حملوا البندقية وفجروا الثورة ضد الظلم والتهميش وقادوا مقاومة شرسة ضد سياسات حكومة حزب المؤتمر الوطنى الحاكم فى السودان ؟ وبهذا كان من الفخر والاعتزاز بالنسبة لنا نحن ايناء دارفور بكل قطاعاتنا من الجنسين ان يكون لنا شرف الانتماء لهذه الثورة والمقاومة ومهما اختلفت وجهات النظر فان القضية قائمة ومرتكزة على اسس ومبادىء ولايزال الجلاد صائل علينا قتلاً وتشريداً فلن نختلف حول هزيمة العدو مهما اختلفت الوسائل؟ فاليوم اخوتى ورفاقى أسمحوا لى فضلاً وعذراً بأن أتقدم بهذا الطرح التمثيلى للمشاهد الحية لهذه التراجيديا المأساوية فى محاولة منى مجتهداً دون فصدٍ او عمدٍ فى أن أجد مدخلاً للحوار البينى بيننا نحن أبناء دارفور فى مساحة مفتوحة لنقد الذات ومن خلال إتكاءة عفوية على ما يعرف عندنا فى دارفور (خشم الورايه\ السيرويه\ الدبلايه \أو الضرأ) هذه الاتكاءة قصدت منها عقد جلسة محاكمة شعبية لبعض قياداتنا ورموز النضال الذين يرجع لهم الفضل فى قيادة هذا العمل الثورى الكبير فى تاريخ السودان الحديث وان التاريخ لن ينسى لهم هذا الصنيع فى سجلاته الناصعه (الاخ عبدالواحد\الاخ منى اركو \الاخ الراحل المقيم خليل )هؤلاء الرموز هم دليل صناعة اجيال المستقبل فى دارفور والسودان ؟ وقبل الخوض فى التفاصيل أشير واوضح أن هذه المحكمة عبارة عن محكمة راى عام فى شكل مشهد تمثيلى يحكى مشوار الثورة والنضال والهدف هو تأسيس مدخل للحوار والوحدة وتحقيق اهداف الثورة ؟ لقد رحل عنا الاخ خليل ابراهيم فى لحظة صدمة عنيفة ولكن كان من العشم المأمول أن تتوحد صفوف المقاومة خلف هذا الرحيل المبكر ؟ تعود تفاصيل إجراءات هذه المحاكمة الشعبية الى بدايات شتاء العام 2003م عندما إندلعت الاحداث فى كل من مناطق شمال دارفور (قرجى قرجى وبئر طويل ) وفى مناطق جبل مرة المتاخمة لولاية جنوب دارفور وغرب دارفور (قولو شطاية وكوريكرو) حيث شهدت هذه المناطق اولى المواجهات بين المسلحين من شباب المقاومة المسلحة من ابناء دارفور وبين القوات المسلحة التابعة للحزب الحاكم فى السودان ؟ تم تدوين بلاغات تمرد فى مواجهة كل من حركة تحرير دارفور والتى عرفت لاحقا بحركة تحرير السودان وقامت شرطة الراى العام الشعبى بدارفور بفتح بلاغ ثورى تحت الرقم 1\2003 م فى مواجهة كل من المتهمين المدعوان \عبدالواحد محمد احمد النور ومنى اركو مناوى وآخرين (ب\ث\1\2003م محكمة الراى العام الشعبى بدارفور )واستمرت اجراءات البلاغ وأخذ البينات واقوال الشهود من جانب الاتهام والدفاع وتم تلخيص البلاغ ووضع امام محكمة الراى العام الشعبى بدارفور للمحاكمة؟ عقدت اليوم الجلسة الثانية لهذه المحكمة محكمة الراي العام الشعبي بدارفور وقد خصصت هذه الجلسة للاستماع لا قوال شهود الاتهام وشهود الدفاع؟ محكمة................ يصيح ضابط المحكمة ويقف الحضور فيدخل القاضي وهو معروف للجميع ويدعى (الضمير الإنساني الدار فورى ) وهو محل ثقة ولايمكن الشك في نزاهته واستقلاليته والتزامه بتطبيق العدالة يجلس القاضي ويأذن للحضور بالجلوس وتبدأ الجلسة ؟ يدخل شاهد الاتهام الاول ؟. الاسم كلاشنكوف مكان الميلاد /ابوقمرة الحالة الاجتماعية/ شهيد بمعركة ابوقمرة والله العظيم وبكتابه الكريم اقوق الحق كل الحق ولاشىء غير الحق انا يامولانا اشتركت في معركة ابوقمرة بجانب حركة تحرير السودان وكانت حركة موحدة برئاسة المتهم الاول والامين العام المتهم الثاني وكان معانا رفاق مقاتلين ورجال شجعان لا يخافون من جيش الحكومة والمليشيات والجنجويد هؤلاء الشباب كان هدفهم الاول ان تنتصر الثورة وتتحقق الاهداف ومطالب اهلنا في دارفور وكان الرفاق لايعرفون القبلية ولا الاثنية ولا المناطقية. الشباب كان همهم الاول والاخير اسقاط النظام الذى ارتكب جرائم الابادة والاغتصاب ضد اهلنا وكذلك عمل على تمزيق النسيج الاجتماعى لاهلنا في دارفور وشجع على توزيع المناصب بصورة قبلية واثنية بغرض الفتنة وتطبيق سياسة فرق تسد ؟ المحكمة تطلب من المتهم الاول ان يقيف ويسال شاهد الاتهام الاول اذا كان عنده سؤال ؟ المتهم الاول عبدالواحد محمد احمد النور ياشاهد انت تعرفنى قبل كده ؟ نعم انا بعرفك حق المعرفة اتقابلنا اتول مرة في جبل مرة وانت قلت لينا تعالوا نؤسس حركة تحرير دارفور من العرب ونكون تنظيم يحمى اهلنا من هجمات العرب بعدين الرفاق اتناقشوا في الموضوع وقلنا حقوا يكون هدفنا اكبر من هذا ونعمل على تحرير السودان من الظلم والتهميش وسياسة المؤتمر الوطنى والجبهجية وبعدين كتبنا منفستو وعملنا دستور وتحركنا في اول هجوم ونجحنا في اسقاط محافظة جبل مرة وبعد سقوط محافظة جبل مرة انت ياعبدالواحد خرجت من دارفور ومارجعت تانى لينا في الميدان ولكن مرة مرة انا بشوفك تظهر في قناة الجزيرة وحاليا وصلتنا اخبار بانك مشيت الى الجنوب وبقيت نائب رئيس في الجبهة الثورية مع ناس مالك عقار وياسر عرمان وناسك ديل ذاتهم كانوا مع المؤتمر الوطنى عندهم اتفاق اسموا اتفاق نيفاشا وانت ياعبدالواحد رفضت توقع على اتفاق ابوجا وانحنا سمعنا كلامك ولايزال موجودين بالميدان وبدارفور نقاتل ضد الحكومة وماجرينا مشينا للجنوب دارفور بلدنا ونموت من اجلها ولازم تنتصر الثورة ؟ المتهم الاول / طيب انا حصل خنت اهداف الثورة ؟ انت خنت اهداف الثورة لانك خرجت من الميدان وتركت الرفاق وماقاعد تتصل عليهم ومابتسال من الشهداء والجرحى وما قاعد ترسل لينا ذخيرة ولا عربات ولاكروت ثريا وما بتسال من وين نلقى الاكل والشراب وانت قلت لاهلنا النازحين واللاجئين تجيب ليهم تعويض فردى والان عندهم اكثر من 10 سنوات منتظرين في مخيمات البؤس والموت وانت ماعايز تفاوض عشان تجيب ليهم تعويض فردى او الامن والاستقرار او حتى يعودوا الى اراضيهم الاصلية واذا استمرت الحال بالطريقة دى الناس الجايين من حرب مالى يسيطروا على الارض بعدين انت ماتقدر تفاوض عشان تطلعهم ؟ انت ياعبدالواحد فشلت في قبول الوحدة او التوحد مع الرفاق وحركة تحرير السودان اصبحت اكثر من 20 حركة وهذه خيانة للثورة كثير من الرفاق اشتشهدوا في معارك قبل ان يشهدوا هذه الانشقاقات والانقسامات واكبر خيانة هى نقل الثورة والمقاومة الى خارج دارفور الى جنوب السودان وتركت دارفور للحكومة تسيطر عليها بالكامل وفقدنا الاراضى المحررة واكبر هزيمة نفسية بالنسبة للرفاق في الميدان هو ان رئيس الحركة خرج من الميدان ولم يعدحتى الآن؟ انتهى ؟ المحكمة (تسأل الشاهد الاول) المدعو كلاشنكوف انت اخر مرة شفت فيها المتهم الاول في الميدان متين؟ قبل عشرة سنوات منذ 2003م بعد ما خرج من جبل مرة وذهب الى جنوب السودان ومنها الى نيروبى بطائرة هليكوبتر انت علاقة شنو بالمتهم الاول ؟ انا ماعندى اى علاقة بالمتهم الاول بس انا شفت منفستو الحركة وقرأت اهداف الثورة وطوالى آمنت بالثورة وقاتلت من اجل تحقيق الاهداف ورفع الظلم زالتهميش عن اهلنا في دارفور ولازم العدالة الدوليه تقبض على المجرمين ورئيس الدولة ويامولانا انا بعد ما شفت الرفاق في دارفور يخوضوا المعارك واشتشهدوا وتركوا زوجاتهم واطفالهم وتركوا لينا معاقين ومعتقلين لايمكن ان نتراجع لازم تنتصر الثورة ونطلب من شباب دارفور ان ينخرطوا في صفوف الثورة ويتركوا الانشقاقات القبلية والجهوية ؟ المحكمة (المتهم الاول عندك سؤال للشاهد ) المتهم الاول بالطبع يامولانا انا أحى كل الرفاق في الاراضى المحرر وشعبى واهلى بمعسكرات النزوح واللجؤ .......... المحكمة تعترض المتهم الاول وتقول ليه انت عندك سؤال للشاهد ومافى داعى للكلام المكرر والزمن لايسعفنا لان المحاكمة ايجازية والاوضاع في دارفور لاتتحمل التاخير والمأساة مستمرة ولايزال القتل والتشريد من قبل النظام ضد مواطنى دارفور والكلام لايحقق الامن والاستقرار ؟ المتهم الاول يقول ماعندى سؤال ويجلس المتهم الثانى منى اركو مناوى يارفيق كلاشنكوف انت تعرفنى ؟ يضحك الشاهد ويقول معقول في مقاتل في الميدان ما بعرف منى اركو مناوى كل الرفاق يعرفوك لانك دائما معاهم في الميدان وتشترك معاهم في المعارك وتقود العمليات بنفسك المتهم الثانى / طيب حصل انا خنت اهداف الثورة ؟ نعم انت خنت اهداف الثورة وانت اول زول شق صفوف المقاومة وانت اول زول استعجل وعمل ليه حركة وبعد داك الحكاية جاطت واصبحت الحركات اكثر من 30 حركة وكمان انت استعجلت ووقعت على اتفاق ابوجا ونسيت الرفاق الذين استشهدوا في ابوقمرة وكاريارى وقرجى قرجى وبئرطويل وحسكنيته وانت كمان بعد ما خرجت للمرة الثانية كان الرفاق في الميدان عندهم امل كبير في انتصار الثورة ولكن للاسف انت تركت دارفور ومشيت الجنوب وتانى ما رجعت للميدان ؟ بقيت زى صاحبك المتهم الاول ؟ المحكمة (ترفع الجلسة ) وتحدد جلسة اخرى لمواصلة الاستماع لباقى شهود الاتهام يعلن شهود الاتهام المدعو دوشكا والمدعو أربجى اسماعيل احمد رحمة المحامى/فرنسا/0033652137179
