قال لي أغرب قول يا زول دا ما معقول صابر أنا وممكون ملاقي موية فول كل البلد موجوع جيب يا جنى البندول معقول دي ثورة دين يا ناس فقدنا عقول أمراض بلد بالكوم ما لقينا ليها حلول لا صحَّة لا تعليم لا حقنة لا محلول مين القتل يا ناس مين يا بلد مقتول كترت جرائمنا وتقييدا ضد مجهول *** *** *** علي يا ولد عثمان كل البلد أحزان نافع كفاية خلاص كل البحر حيتان فساد عجيب يا ناس ابكوا على السودان أمواج بحر عالية ومركب بلا ربَّان كيف الوصول للشط كيف والبلد حيران *** *** *** يا ساسة يكفي خلاص شبعنا ضيق ورصاص دايرين قيادي يكون متحلِّي بالإخلاص ما همُّوا سلطة وجيب مهموم بشعب وناس يا حليلو جيلنا الفات الكان رقيق حسَّاس رفعوا العلم عالي والزهد كان نبراس يا ناس بعيد وبقول للعام كمان والخاص سودانا بكرة جميل حا ترجع الأعراس *كاتب وشاعر سوداني