بقلم :- أسامه مهدى عبد الله - كاتب وصحفى بموقع وصحيفة سودانيز أون لاين - السودان - الخرطوم - نيالا المؤتمر الوطنى عضلات تبش إنتو ياجماعة الأحزاب مابتفهموا ماأصلوا المؤتمر الوطنى عضلات تبش الحكومة حكومته والسودان سودانه وإنتو يامعارضين ماتخوفو بعوضه تقدروا تخوفوه وكلما تحصل مشكلة فى البلد هو عنده القوات النظاميه والمجاهدين والتعبئه الشعبيه ماأصلوا جماهيره سوف تأيده فى السودان رضيتوا ولا أبيتوا الحسوا كوعكم وأشربوا من البحر المؤتمر الوطنى مابسلم السلطة إلا للمسيح ماأصلوا فى السودان مافى حزب جماهيرى وكبير زيه والعايز يجرب يعقد ندوه بدون تصريح يجرب ويشوف عدا المؤتمر الوطنى البعقد ندوات فى الميادين العامه بدون تصريح ماأصلوا القلم فى إيده مابكتب نفسه شقى عشان كدا هو والجماعه الأحزاب المسجلة الموجوده فى الورق المعاه فى الحكومة يعقدوا ندواتهم فى العلن ويقولوا الدايرين يقولوه لو عندكم الشجاعه تعالوا فى ندواتهم قولوا الدايرين تقولوه ولكن ألحسوا كوعكم ندوات فى الساحات ليكم مافى لأنكم أصلآ ماعندكم قوه ولا مروه لها ولاشنوا ياأحزاب المعارضه إنتوا ماقدرتوا تحركوا نمله جماهير شنوا تقدروا تحركوها ونحنا شقلبناها وبهدلناها ولى شرونى مشيناها وبرضوا هى جماهيرنا نلعب بيها زىمادايرين الحديث للمؤتمر الوطنى ومناصريه ولا شنوا ياأحزاب المعارضه ماأصلوا نحنا فى المؤتمر الوطنى عضلات تبش والماعجبوا يشرب من البحر ويلحس كوعه ولا شنوياأحزاب المعارضه ولا شنوا إنتهى كلام المؤتمر الوطنى والمافهم يفهم ؟ هل سوف يباد البنى هلبة بعد دخول قوات البنى هلبه إلى كتيلا بعدما حاربت قوات قبيلة القمر التى تمترست فيها إتضح جليآ بعد قراءتى إلى موقع الراكوبة إن هنالك عناصر خفية من الذين كانوا يدعمون قبيلة القمر بالسلاح والعتاد والتخطيط والإعلام إنكشف أمرهم فكان لابد ان يخرجوا بفرية ان الجنجويد والحكومة قد دعمت البنى هلبه ومن حق عاجز الرآى أن يقول مايريد وعاجز الرآى من نقص المقال له ان يقول او يقال كل شيء فالواقع والمشهد يقول ان البنى هلبة هم المعتدى عليهم بضم الميم وصبروا على الظلم وان الدولة لم تلتفت لهم وان الدولة لم تتجه إلى إعادة الأمور إلى نصابها فى إحقاق الحق وهذا ماكان يريده منسوبى المؤتمر الوطنى فى جنوب دارفور وهذا ماأ شرت إليه فى مقال أمس بان القمر سوف يتحدثون عن إباده وان البنى هلبة مرتكزون ومنتظرون تهديد الدولة بضربهم بالطيران والسؤال لكاتب مقال الراكوبه إذا كانت الدولة تدعم البنى هلبه فلماذا كان الطيران يحلق فى ميدان المعركة وفى عد الفرسان حاضرةالبنى هلبة ؟ولماذا هددت الدولة البنى هلبة بضربهم بسلاح الطيران حقيقة الإختشوا ماتوا ضربنى وبكى سبقنى وإشتكى ولا شنوا يامستضاف فى غير أرضك وتريد ان تجعلها أرضك بالفرية ؟؟؟؟؟؟؟؟؟؟ فياأبناء البنى هلبة المؤتمر الوطنى والقوات النظامية بعد تصريح وزير الدفاع اليوم سوف يتجهون لضربكم بالطيران فإنتبهوا وإستعدوا لذلك لأن المخطط رسم له اليوم فى المركز عبر دهاليز سا س يسوس وسوف تشهد الأيام القادمه إستهدافكم وليعلم عبر هذا المقال العالم كله ماخطط له أما حديث ذلك الكاتب فى الراكوبه بأن الجنجويد هم من غافلوا مقاتلى قبيلة القمر والقوى الثورية المقاتله معهم أقول له بأن ماسميتهم الجنجويد إن كنت تجهل التاريخ والجغرافيا فهى أزمة وإن كنت متعمد فهذا الحديث غير مهنى ولا مؤسس لأنى فى مقال سابق كتبت حول الفزع القبلى والقبائل فى جنوب دارفورالتى لها إمتداد عبر الحدود السودانية ودول الجوار خاصة العلاقة السودانية - التشاديه وهو ماحدث جنجويد شنوا وحكاية شنوا دا مصطلح إستهلك وزمنه فات وغنياه مات ولا شنو ياكاتب الراكوبه ؟؟؟؟ ماهى حكاية د/ نافع والطابو الخامس ظل دكتور نافع يخرج لنا بمصطلحات كمصطلحات السيد الإمام الصادق المهدى فى زمانه ففى ندوة الخرطوم خرج لنا نافع بأن هنالك طابور خامس وعملاء فى الخرطوم لصالح الجبهة الثورية نرجو ان يفصح لنا نافع من هم هؤلاء العملاء وهل هم من الموساد ولا السى آى أيه وإذا كانوا سودانيين يكون هنا التخوين للوطن والمواطنين والماعنده دليل فالأمر هنا جد خطير وكبير لأنه رسالة لقمع وقتل وسحل المختلف مع المؤتمر الوطنى فى الراى بدعوى انه عميل وطابور خامس ولا شنو يادكتور ؟؟؟؟؟؟؟؟؟
