سودارس : كديابا رقصة التابا ... بقلم: بابكر سلك

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كديابا رقصة التابا ... بقلم: بابكر سلك

سودانيل نشر في سودانيل يوم 01 - 11 - 2010

بسم الله الرحمن الرحيم
في السلك
• مازيمبي ذكرنا الخماسيات
• حقو نعمل ديوان شعر
• نسميهوا خماسيات مازيمبي
• خمسه اهداف في شباك الترجي
• الترجي افتقد الراعي
• الراعي ده الحكم الليبي
• العصرنا لصالح الترجي
• وخدم الترجي كتيييييييير
• ولو رجعنا لي كورتنا مع الترجي في تونس
• نلقي انو الحكم انكر ضربة جزاء واضحه عندما ابعد مدافع الترجي كرة النفطي بيده
• وبنلقي برضو كورتين في الحديده
• ديل مرقن ربك الكريم
• قسمتنا كده
• ده غير ضغط الحكم الكتيير
• عشان كده
• اي فريق يستفيد من خدمات التحكيم
• ومن عوامل التنجيم
• لابد وان يخسر بخماسيه في الادوار النهائيه
• مازيمبي ذكرنا العصير ولفة الراس
• ايام رش الملعب
• يوم الاستكشات اتطاقشت
• المهم
• حال الترجي هو نموذج واضح للفرق التي تصل للادوار النهائيه
• بالصدفه
• بصدقات الحكام
• بضربة حظ
• بضربه تضرب في ضهر مدافع يقولوا ضربة جزاء
• بهفوة حكم
• بغفلة حكم
• لكن تبقي الحقيقه
• الترجي خلاص
• ببح
• اكلوا الدودو
• راح خراب
• ممكن مازيمبي يلعب بالصف التاني في تونس
• وياخد اتنين
• اصلوا مازيمبي متعود لما يدي زول خمسه بلعب ليهو الاشبال ويهديهو اتنين
• رفع معنويات ساااااااااي يلملم تشكيله فيها سبعه كنغوليين صغاااااااار
• كتاكيت الكنغو
• عمر يوم واحد
• الرائع محمد عبدالماجد قال
• الكونفدراليه زاتها لو ما بتودينا للسوبر ما كنا لعبنا فيها
• اها يا ابو حميد
• الكونفدراليه مودياكم للدودو
• كوره واحده في السوبر
• مافيها ترضيه
• ويهدوكم اتنين
• خمسه
• وكديابا يرقص
• اخير تتخارجوا من اسي
• ده زاتو عذر مقبول يا ابو حميد
• مع الهدف الخامس رقص كديابا
• وانا اقول ياربي الرقصه دي شفتها وين !
• شفتها وين ؟
• شفتها وين !
• اتذكرت
• شفتها يوم النور كان قاطع
• يوم الاستكشات كان راسه لافي
• يوم اترشت البطانه
• اقصد يوم اترشت النجيله
• اصلوا ناس الكنغو عندهم مثل شعبي بقول
• كديابا راقوصي عادوي ماخودي خاموسي
• يعني
• كديابا كان رقص معناها العدو اخد خمسه
• لكن تاني الرقصه دي شفتها وين ؟
• شفتها وين ياربي ؟
• ايوووووووووووا
• اتذكرت
• شفتها يوم اكرم لقط اربعه ضربات جزاء بتاعت الجماعه
• والخامسه عمك هيثم راجيها لليله
• بمناسبة راجيها
• لسه راجين راجي يعكسها ؟
• المهم
• ياناس
• امل تونس الوحيد في البطولات الافريقيه اصبح في اخوان كمال الزعيم
• وكمال زعيم ده هو الجاب قون الصفاقسي
• القون الاول امس
• لكن للمعلوميه
• كمال زعيم ده جاب في الجماعه تلاته اهداف من الخمسه بتاعت الترجي يوم ترباس مشي يشرب
• ده للمعلوميه بس
• المهم الصفاقسي هو امل تونس الوحيد في البطولات الافريقيه
• امل تونس في البطوله الافريقيه المحببه للجماعه
• بطولة الحب من طرف واحد
• تلاشي
• خلاص
• ببح
• لانو تونس كانت حتي عصر امس تحلم بثلاثه بطولات افريقيه
• الابطال
• والكونفدراليه
• والسوبر
• يكون الاطراف في السوبر من تونس
• لو انتهت درون
• كاس السوبر تونسي
• لكن الترجي طرشق املين من التلاته
• التوانسه فقدوا المحببه للجماعه
• وبالطبع مع مازيمبي ده سوبر نهي كرتا
• فضل شنو ؟
• بس ياها
• وبما ان الصفاقسي اصبح هو الامل التونسي الوحيد
• يبقي تونس قلبا وقالبا ماعندها طريقه غير الوقوف مع الصفاقسي
• عشان كده
• ولاة الولايات في تونس
• رؤساء المحليات التونسيه
• منظمات المجتمع المدني
• الهيئه الشعبيه التونسيه لدعم الوحده
• اللجان الشعبيه في سوسه
• مجلس آباء مدرسة الزيتونه المختلطه
• الحركه الشعبيه لتحرير تونس
• اتحاد نساء الاعمال التونسي
• رابطة محبي الحبيب بو رقيبه
• آل المرحوم الكابتن بن رخيصه
• قيادات المؤتمر الوطني التونسي
• حزب تونس الاتحادي الاصل
• حزب تونس الاتحادي التقليد
• رابطة طلاب الزيتونه
• اتحاد الطلاب الوطني التونسي
• حدادين الواطه التوانسه
• رئيس واعضاء لجنة الاستفتاء حول تقرير مصير تونس
• المحكومين بالاعدام في الزنازين التونسيه
• اعضاء البعثات الدبلوماسيه في تونس
• لجنة رفع المعاناه عن كاهل المواطنين التونسيين
• الخطه الاسكانيه التونسيه
• وحتي شرطة المرور في تونس تحت شعار اربط الحزام انت والمدام
• ديل كلهم
• واقفين مع امل تونس الوحيد في البطوله الافريقيه الوحيده الفضلت
• قال ليك ناس الصفاقسي من امس بدوا التمارين
• الرأسيات بالطوب
• الواحد يجدعوا ليهو الطوبه
• يدخل ليك فيها ( هد )
• يفقشها جوه الشبكه
• وناس الدفاع قال ليك بفكوا ليهم الكلب
• يسكوهوا ويردموهوا
• الكلب زاتو احتار
• ناس النص قال ليك بتمرنوا في محل كوكتيل
• يوزعوا ليك الحاجات في كل الاتجاهات بسرعه
• تونس كلها واقفه
• راجيه الصفاقسي
• وبكوركوا
• كاتخ ني با جسوي
• كاتخ وي لا سوادغ
• يعني اربعه الابت تجي هنا دي
• اربعه تجي في السودان
• سوداغ دي يعني سودان بالفرنسي
• كلمتكم
• انا ضعيف في الرياضيات بالفرنساوي
• المهم
• الليله كورتنا مع ناس الفاتح
• الفاتح النقر
• طبعا طريق عودة البطوله وتأدبها لا يحتمل اي غيابات
• جايين كلنا ياحسن حمد
• موعدنا الجانبيه
• وموعدنا مع نصر كبيييييييييير
• انشاء الله
• من كاتخ ولي فوق
سلك كهربا
انسي بس , نحنا ما بننسي
والي لقاء
سلك
babikir maki [[email protected]]

انقر هنا لقراءة الخبر من مصدره.