حوار العم عصام الحضري مع الزميلة (الزعيم) حوار تاريخي يستحق أن نطلق عليه حوار الموسم لأنه يقدم لنا (سيد) المريخ في شخصيات كوميدية مختلفة، وأرى أن قيمة هذا الحوار في أنه قدم لنا قراءة مستقبلية لزمن يتحول فيه اللاعب من (أساس اللعبة) إلى (حاكم اللعبة)، وأي حاكم؟ اللاعب الذي غادر القلعة الحمراء الأهلي المصري بفضيحة الهروب وتمت إدانته بقرار (الفيفا) التاريخي بالغرامة المالية الكبيرة لناديه السابق والذي رفضت مصر كلها شعباً وحكومة والأندية المصرية التي لعب لها أن تسهم في تسديد غرامته للأهلي، وبعد معاناة لم يجد سوى حضن المريخ الدافئ الذي كان أحن عليه من أهله وسدد له الغرامة على داير مليم، هذا هو الحاكم أو (سيد) المريخ، الذي حدد بالواضح ومن خلال الحوار من يذهب ومن يبقى؟ وعندما أقول ذلك قد يتخيّل البعض إنني أقصد فريق اللاعبين وحتى لا أفسد عليكم المفاجأة تعالوا نقرأ معا مهزلة المهازل مع العم الحضري، ولكن قبل المفاجأة نقرأ أولاً وصيته للمجلس عن اللاعبين وماذا قال (سيد) المريخ عنهم. فقد جاء في الحوار (أوصي عصام الحضري مجلس الإدارة المريخي بتقييم اللاعبين وبعد التقييم يجب أن يكون اقتلاع العيوب في الفريق من الجذور وبصورة كاملة). وأضاف (لما تدبحوا ادبحوا من الجذر وماتسيبوش نص الجذر لأنو لو سبتو جزء ح ينبت تاني وحايعلم غيرو ويطلع فروع من الشمال واليمين ومن وراء ومن أي حتة) إنتهى.. يا عم مين ده ؟ هو في إيه؟ دبح ايه وبتاع إيه إحنا في مسلخ يا عم عصام، إنت قلت اقتلاع العيوب في الفريق من الجذور ما يخص تقييم اللاعبين حسب قولك وحسب فهمي المتواضع إنت تقصد شطبهم ، وحسب فهمي المتواضع برضو الشطب معناه اقتلاع من الجذور بس اللي أنا مش فاهمه وعايزك تفهمهولي يا معلم يا أبو المفهومية يعني إيه إدبحوا من الجذر وماتسيبش نص الجذر يعني حايشطب نصه ويفضل نصه ولا إيه؟ ده أنت بتقول حاجات يا عم مستوى ذكائنا ماوصلهاش، إيه الغباوة اللي إحنا فيها دي ، واللاّ مين اللي غبي واللاً في إيه؟ لا ده إنت ما وقفتش عند النص وسكت على كده وسبتنا نشغل مخنا ونفكر النص الفاضل ح نعمل فيه إيه ، شرحت على طول ح يحصل إيه لو سبناه وقلت ( ح ينبت تاني).. يا عم يا بتاع كفر البطيخ هو بني آدم واللاّ بطيخ ؟ مش كده وبس ده قال اللي ماحدش يتصورو ابداً قال : ( ح يعلم غيرو).. يعني النص اللي ح ينبت ح يعلم غيرو إزاي يبقى نص يعني ما يتقلعش من جذورو وح يعلموا إزاي يبقى كامل ، كل ده وهو مشطوب إزااااي دي حاجة تجنن يا عم . ده مش جنون وبس ده مرستان مش يسكت الراجل بعد ماقال ( ح يعلم غيرو) قال إيه : ( ويطلع فروع من الشمال واليمين ومن وراء ومن أي حتة) انتهى.. يا عم الحضري إنت أكيد تقصد البطيخ ، مش ممكن يكون ده لاعب ومشطوب كمان ، واللاّ تفهمنا إزاي ممكن لاعب بعد ما يقتلع من جذورو أي يتم شطبه يفضل منه نص وينبت ويعلم غيرو ويطلع فروع من الشمال واليمين ومن وراء ودي تحديداً إزاي ؟ إزاي يطلع فروع من وراء؟ وتقصد إيه بمن أي حتة؟ من عينو يعني واللاّ من ودنو واللاّ من منخارو واللاّ تقصد إيه ؟ حد سمع عن لاعب مشطوب بهذه المواصفات ؟ أنا سمعت بإتنين ؟ مين؟ العنقاء والخل الوفي. إنتظروني إنتو لسه ماسمعتوش حاجة وماتنسوش المفاجأة.
