حوار العم عصام الحضري مع الزميلة (الزعيم) حوار تاريخي يستحق أن نطلق عليه حوار الموسم لأنه يقدم لنا (سيد) المريخ في شخصيات كوميدية مختلفة ، وأري أن قيمة هذا الحوار في أنه قدم لنا قراءة مستقبلية لزمن يتحول فيه اللاعب من ( أساس اللعبة) إلي ( حاكم اللعبة) ، وأي حاكم؟ اللاعب الذي غادر القلعة الحمراء الأهلي المصري بفضيحة الهروب وتمت إدانته بقرار الفيفا التاريخي بالغرامة المالية الكبيرة لناديه السابق والذي رفضت مصر كلها شعب وحكومة والأندية المصرية التي لعب لها أن تساهم في تسديد غرامته للأهلي ، وبعد معاناة لم يجد سوي حضن المريخ الدافيء الذي كان أحن عليه من أهله وسدد له الغرامة علي داير مليم ، هذا هو الحاكم أو ( سيد) المريخ ، الذي حدد بالواضح ومن خلال الحوار من يذهب ومن يبقي ؟ وعندما أقول ذلك قد يتخيل البعض أنني أقصد فريق اللاعبين وحتي لا أفسد عليكم المفاجأة تعالوا نقرأ معا مهزلة المهازل مع العم الحضري ، ولكن قبل المفاجأة نقرأ أولا وصيته للمجلس عن اللاعبين وماذا قال (سيد) المريخ عنهم فقد جاء في الحوار ( أوصي عصام الحضري مجلس الإدارة المريخي بتقييم اللاعبين وبعد التقييم يجب أن يكون إقتلاع العيوب في الفريق من الجذور وبصورة كاملة وأضاف ( لما تدبحوا أدبحوا من من الجذر وماتسيبوش نص الجذر لأنو لو سبتو جزء ح ينبت تاني وحايعلم غيرو ويطلع فروع من الشمال واليمين ومن وراء ومن أي حتة) إنتهي .. ياعم مين ده ؟ هو في إيه؟ دبح ايه وبتاع إيه إحنا في مسلخ ياعم عصام ، إنت قلت إقتلاع العيوب في الفريق من الجذور مايخص تقييم اللاعبين حسب قولك وحسب فهمي المتواضع إنت تقصد شطبهم ، وحسب فهمي المتواضع برضه الشطب معناه إقتلاع من الجذور بس اللي أنا مش فاهمه وعايزك تفهمهولي يامعلم يابو المفهومية يعني إيه إدبحوا من الجذر وماتسيبش نص الجذر يعني حايشطب نصه ويفضل نصه ولا إيه ، ده أنت بتقول حاجات ياعم مستوي ذكاءنا ماوصلهاش ، إيه الغباوة اللي إحنا فيها دي ، ولا مين اللي غبي ولا في إيه؟ لا ده إنت ماوقفتش عند النص وسكت علي كده وسبتنا نشغل مخنا ونفكر النص الفاضل ح نعمل فيه إيه ، شرحت علي طول ح يحصل إيه لو سبناه وقلت ( ح ينبت تاني).. ياعم يابتاع كفر البطيخ هو بني آدم ولا بطيخ ؟ مش كده وبس ده قال اللي ماحدش يتصورو ابدا قال : ( ح يعلم غيرو).. يعني النص اللي ح ينبت ح يعلم غيرو إزاي يبقي نص يعني مايتقلعش من جذورو وح يعلموا إزاي يبقي كامل ، كل ده وهو مشطوب إزااااي دي حاجة تجنن ياعم . ده مش جنون وبس ده مرستان مش يسكت الراجل بعد ماقال ( ح يعلم غيرو) قال إيه : ( ويطلع فروع من الشمال واليمين ومن وراء ومن أي حتة) انتهي.. ياعم الحضري إنت أكيد تقصد البطيخ ، مش ممكن يكون ده لاعب ومشطوب كمان ، وإلا تفهمنا إزاي ممكن لاعب بعد مايقتلع من جذوره أي يتم شطبه يفضل منه نص وينبت ويعلم غيرو ويطلع فروع من الشمال واليمين ومن وراء ودي تحديدا إزاي ؟ إزاي يطلع فروع من وراء؟ وتقصد إيه بمن أي حتة؟ من عينو يعني ولا من ودنو ولا من منخارو ولا تقصد إيه ؟ حد سمع عن لاعب مشطوب بهذه المواصفات ؟ أنا سمعت بإتنين ؟ مين؟ العنقاء والخل الوفي. إنتظروني إنتو لسه ماسمعتوش حاجة وماتنسوش المفاجأة hassan faroog [[email protected]]