بسم الله الرحمن الرحيم في السلك *اليوم نلتقي الاحبه *طبعا ده اذا ما زاغوا *لانهم متعودين يزوغوا ويدفعوا الغرامه *الغرامه تمن الكرامه *السنه الفاتت زاغوا من الدمازين *فكانت الدمازين محرمه علي الهلال وعلي عقار *وقدلنا فيها *وجبنا كاسنا منها بالبص *ماجوي *كاس بري *ولنا ذكريات مع احبتنا في هذا الكأس *يوم ايداهور ختفها من السنتر *يوم عمر بخيت قالوا باع *عمر لا باع ولا شئ *لكن ماعرف يسك ايداهو ولا يثبت الرتينزه *طبعا ود بخيت مشهور بالرتينزه علي ضراعو *التميمه *لما في ناس سموهوا ابو تميمه *ولنا ذكري يا نتشفتن يا نتبشتن *واتشفتنا *فكان هنو وكان راجي *ولنا ذكريات كتيره في هذه البطولة بالذات *ذكري السبت التاني في السبتين ديك *وحكاية تلاته واحد *الواحد زاتو جابو ادريس الجريف بالغلط *نيران صديقه *ادريس الجريف اخو ابو تميمه *وذكريات وذكريات *اليوم ان شاء الله نعيدها *ونضيف اليها ذكري جديده *تتذكروا يوم اكرم مرق البلنتيات ؟؟؟ *سيدها لمن جانا ما شات *واقف راجي دورو والكورة كانت انتهت *ويوم الحضري مرق البلنتيات *ناس بويا ودوها الكشافات *ذكريات وذكريات *نعيدها اليوم *بابراهومه المهر وشمس الفلاح *ورمضان في الفورمه *اما في الوسط *فلاخوف في ظل وجود ايمن وعلولو *وانها فرصة للباشا ليثبت موهبته وغيرته وحسن قيادته *وليثبت انه لايخفق في مباريات الهلال بالذات *وليرفع كأس السودان مثلما رفع سيكافا *وليصنع لنفسه تاريخا *وليصبح فأل خير للجماهير المريخيه في مباريات الكؤوس *ايها الناس *ضعف حراسة المرمي في الهلال *واخفاق خط ظهره في العكوسات *وبطئ حركة الغاني والسوداني في الوسط *يصنع الفارق للمريخ *نتمني ان يظل الكأس في بيته *وان نشاهد مباراة ترقي لاسم الناديين *وان نجد جماهير واعيه محترمه في تشجيعها روحها رياضيه *وان يكون المظر لائقا ببطولة تحمل اسم الوطن *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *كشات المرور مصره ما تخلينا *بقت فيها حجز لحين الترخيص يا والينا *رخسوا الترخيص عشان كلنا نرخص يا والينا *عشان ما تحتاجوا لحملات مرور تهرينا *عشان تستفيدوا من قوة المرور في فك الخناقات المروريه يا والينا *عسكري واحد في الصينيه *وتسعه في الكشه كلو واحد قابض كم عربيه *ياريت لو بقوا العشره في الصينيه سلك كهربا ننساك كيف ولو جيت ترخص يرجعوك مية مره قزاز مشقوق اشارة باهته شبكه طاشه ونور الخلف ما بولع والي لقاء سلك