بسم الله الرحمن الرحيم في السلك *تهنئه خاصه لمريخ كوستي بالصعود *وليس غريبا علي شفوت كوستي التواجد بالممتاز *فكوستي مدينه لها وقعها وواقعها علي خارطة السودان *وكوستي ملتقي الجنوب بالشمال *ميناء النقل النهري الكبير *كوستي لغة التواصل بين جنوب البلاد وشمالها عبر التاريخ *بين وسط البلاد وغربها *كوستي السفر وبيت القطر الكبير *كوستي لها شرف مدينة شاركت في تأسيس الاتحاد السوداني *كوستي قدمت *منيب عبده ربه *ذلك الرجل الهرم الرقم *قدمت الجيلي عبدالخير وكمال شناق ودحدوح وابشر وبخيت خميس *كوستي مدينة الجمال والهيبه والدلال *ليس غريبا عليها التواجد بمريخها بالممتاز *ولكن الغريب ان لا تسجل حضورا بالممتاز *مبروك لشفوت كوستي *وحكاية البقاء دي علينا *انتوا عملتوا العليكم *المهم *قبل كورة المريخ كوستي والهلال الابيض *اسلام قالت لي النتيجه البتنتهي بيها كورة مريخ كوستي وهلال الابيض *حا تنتهي بيها كورتنا ضد الهلال *قلت ليها مالك نقصتي اقواننا قونين يا بتي !!! *ايها الناس *حكاية التدخلات الصحفيه في التشكيل الهلالي *حكاية تستوجب التحري والوقوف عندها *سمعنا قالوا جابوا الفاتح النقر *هل جاء الفاتح النقر بقرار صحفي ايضا ؟؟؟؟ *ومن هو الصحفي الذي اصدر القرار *او من هي الصحفيه التي اصدرت القرار ؟؟؟؟ *وهل سيسمح من عين الفاتح النقر للفاتح النقر بوضع التشكيل ؟؟؟ *ام سيضع التشكيل من عين الفاتح النقر ؟؟؟ *كل ذلك سنعرفه يوم تلتين *من شكل التشكيل *اذا فيها المعز وعمر بخيت ومهند وبشه *يبقي مافيها تدخلات صحفيه *واذا مافيها الجماعه ديل *حقو صاحب او صاحبة التدخلات الصحفيه يسجل اسمو في لجنة التدريب المركزيه بالعديل كده *ويجينا بالترينق سوت عديل كده *ما يخجل *الحكاية رياضه *طيب *قول التشكيل تم وضعه صحفيا *بودوهوا صفحة كم ؟؟؟ *وهل بمشي المطبعه ولا لأ ؟؟؟ *يا كبوتش *تفتكر منو البخت تشكيل الهلال في عهد الكاردينال !!!! *او قل (مني ) البتخت تشكيلة الهلال في عهد الكاردينال ؟؟؟ *ايها الناس *بخروج الهلال خاسرا من قمة الممتاز ان شاء الله *يبقي ابو الهل الموسم ده اباطو والنجم *وحقو تعملوا ليكم كاس ضلمه سريع *يخرجكم من حالة العدم العايشنها دي *ايها الناس *شنو الحصل في شكوي فيتا ؟؟؟ *احتمال الشكوي تطلع باقي اليوم ده *وابو الهل يلعب بعدين ضد وفاق سطيف *باقي كورة فيتا ووفاق سطيف الليله *ايها الناس *نفرح كثيرا عندما نلعب ضدهم بالمعبره *الدفن بحصل فيها طوااااالي *وعنتر مات *ادفن يا عابدين *فضل لينا عبله *ونكون دفنا كل قصص الحب الفاشله *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *رعاف عادي جهجه كل المدينه *خفنا جنس خوف يا والينا *كملت الفينا *عشان كده قلنا ليك بالايبولا وعينا *الواحد لو قطع بنجر برمي السكينه *ونجري منو ويجري علينا *خوف ساااااي نموت يا والينا *والانتخابات قربت صوت ما بتلقوهوا فينا سلك كهربا ننساك كيف والرعاف لو جري فينا بجرينا والي لقاء سلك