عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. في لحظة لمن تبتسم ليك الظروف.. كانت بداية قصة في زمن العشم.. دكتور عوض..كان ود مطيع للوالدة وقت الهم يزيد بسمع كلام امو الحنينه (اقرأ) يا ولدي القراية بتنفعك.. كان ممتحن..قام الفجر صلي الوقت حاضر...تلي الآيات و سوا الباقيات.. ..و صبح علي امو الحبيبه و باس ايديها.. كان مجتهد.. و تعاملو دايما راقي في اجمل خلق..و بشوش.. و هادئ.. فتح الكتاب .. راجع دروسو..باهتمام.... من غير ملل..كل همو لحظات الحصاد..و اجمل هدية يقدمها.. للصابرة امو..باحلي احساس يغمرا.. فيض من زغاريد صاخبه.. من نشوة نجاح تحقيق حلم ..اصبح طبيب.. راجي القسم. يوم القسم حلف اليمين يحمل هموم كل الوطن..يهديهو تاج الصحة في زمن الالم. الامتياز سنه سابعه طب..هي الاساس..دكتور تعال ..دكتور امش. سهران شغل..صلي الوتر قبل الصبح ليل الحوادث كان قيام..رضي و احترام.. رغم التعب.. و راتب قليل..كان زول امير. بدفع كتير للمرضي من هذا القليل.. و يا رب رضاك.. سنه و انتهت.. واجب جديد.. سنه تامنه طب.. الخدمة إحساس بالغبن.. اكبر مطب..خمسين جنيه. و الواسطه حظ ...ما دق بابو ..و لا اتصل.. عدت سريع. كان الصمود..قدم شهاداتو امتحن حاز النجاح ..مبرووك عليك ..نائب جديد.. سنه تاسعه طب. امو الحنينه بكت كتير..دمع الفرح.. نادت عليو.. (مبرووك عليك..بس كل مناي ..تصبح عريس..و احننك..و اسيَرك. ستْ الحسان. لابسه الزفاف..تملاك امل تملاك حنان. و انا عمري كم ..ما اصلو زي ساحة بتقل لآمن خلااااص تصل الشبر). بكي بي احتراق..شنو الخبر يا امي يا نور البصر..انت الامل قصة نجاح..من يوم رحل من دارنا غاب نجم الحنين ابونا فخر الحاضرين.. يا ربي رحماتك عليهو. يا امي لو بس انتظر اربع سنين اربع عجاف..ح اكون كبير.. دكتور كبير ..اهدي الشفاء ..و اوصل سريع..كل الضفاف.. و القي العروس.. مرت ليالي و لا جديد..مافي تقدير لي طبيب.. راتبو البسيط..نفس الطريق.. و اتغيرت كل الظروف ظهر الغلاء ..و الاعتداء ..وكل الظواهر السالبه.. فكر كتير.. و بقرار اخير...نوي للسفر. نسي كل حلم . عز الهجير.. شمس الضياع ..زي واحة لآحت من بعيد.. دكتورة صافيه منوره.. اتصادفوا و حكوا لي بعض. .نفس الهواجس و الارق. .اتعارفوا..و اتآلفوا .و اتشاركوا الهم و الهدف. .. كانت كمان.. نفس البلان. .خطة سفر ..تحسين وضع ..رد للجميل ..للاسرة و الاهل الحنان. دكتور عوض..بعد استخار.. قرر قرار.. اقصر طريق بين نقطتين ..خط مستقيم. قال بي حماس (دكتوره بس لو تسمحي.. و توافقي بي. قبل السفر..بصراحة عايز اوصل البيت و اخطبك.سنه بالكتير و اعرسك.) خجلت شديد..بعد استخارت قالت الرد الاكيد يا مرحبا. ابوها شاور عمها..و سأل كتير. عريس تمام.. و كلو خير.. و ساعة الناس في التعارف و الخطوبة... .مأذون كبير.. حالآ ظهر.... . كأنو كان تحت السرير... تم العقد..من غير بذخ.. او حتي صالات ضاجه بكل السخف.. الف مبروووك يا عريس.. و السيرة كانت للمطار. صبحية في البلد الحرام.
