اجيال المستقبل.. الثورة قرار ثورة احرار اينما كنت ... كيف تساهم في المقاومه و العصيان ما مهم مكانك وين و لا عمرك كم، إمرأه او رجل، و لا توجهك السياسي شنو او ما عندك توجه ... المهم انك مع استعادة الحريه و العيش الكريم و السلام و ذهاب القتله و المجرمين.. ممكن تساهم بطرق كتيره دي مقترحات و اشياء بسيطه كلها بتساعد و أضف عليها من عندك ... و السيل بتجمع قطره قطره - لو ناس بيتكم ما عارفين او ما مقتنعين ابذل معاهم مجهود نقاش بصبر اشرح ليهم - في الحله و الحي و النادي و المواصلات ناقش و اقنع بضرورة كل الناس تساهم في المقاومه و العصيان - اطبع اوراق صغيره عليها شعارات المقاومه و العصيان المتنوعه و شيلا معاك بدون ما تعرض روحك لخطر وزعها و انت ماشي في حياتك العاديه ... في المواصلات في السوق في الشغل في المناسبات افراح اتراح ... و احرص علي سلامتك - اكتب شعارات في الحيط ... و اقنع التانيين يكتبو في حيطهم و يقولو ديل ناس المعارضه كتبوها ... و احرص علي سلامتك خلي ناس بتثق فيهم يراقبو ليك الشارع - عندك اهل او جيران او اصحاب او زملاء عمل مؤتمر وطني او في الامن او اي جهه بتخدم النظام مباشرة حاصرهم و ضيق عليهم الحياه بالسؤال و المواجهه بالحقائق و كل اشكال العزله الاجتماعيه ... - لو قاعد بره السودان حاصرهم برسائل اخبار الوضع السئ و مسئوليتهم المباشره عنه - ساهم في كشف الاخبار الملفقه و المضلله و كشف من يقومو بنشرها و اعلام الاخرين لتفاديهم و عزلهم - عرفت او لاحظت تحركات ناس الامن او عناصرهم انشرها اذا امكن او سجل المعلومات بدقه و احفظها ليوم الحساب - بتعرف قيادات او اعضاء في احزاب او مجموعات معارضه اضغطهم ليتخذو مواقف عمليه هم و تنظيماتهم و اضغط لكي تتوحد مجموعات المعارضه كلها حول مواقف مقاومه وطنيه واضحه و قاطعه حواء السودانيه ولاده ... فكره من هنا و فكره من هناك و ايد علي ايد سودانا حديد و قادر يقيف معافي و حر من جديد عزيزي الكوز العصيان المدني دا عشان تعيش معانا عيشتك العايشها دي زاااااتها ... بس بالحلال. #السودان_عصيان_مدني_27_نوفمبر
