بالسلامة أولادنا وصلوا أمس مجنون من يظن ان الهدف من المشاركة هو البطولة ولكن الهدف هو اكتساب الخبرات والتجانس واكتشاف الثغرات وتطوير القدرات وهناك هدف خفي هو اكتشاف مواهب في الفرق الاخرى قد نحتاجها وقد تسد لنا ثغرات محددة فجلب محترف موهوب مغمور صغير السن هو الاستثمار بعينه يؤدي بقوة ليثبت وجوده فيفيدنا ميدانياً ويظهر بشكل جيد وتنهال عليه العروض فيفيدنا مادياً عند تسويقه يبقى ما تخافوا من سيكافا بل أبشروا لها وبها وصدقوني انها خطوة في طريق المنصات تتذكروا سيكافا خمسة وتمنين وبعدها ستة وتمنين «الجوية الاولى» تسعة وتمنين بتنا في المنصات إذاً نتفاءل وننشد الاهداف من المشاركة بالمناسبة سيكافا دي فيها فريق اسمو مارين الصومالي مارين ده ما غلب زول الا الهلال السوداني من زمن مريم ماكيبا بلعب ما غلب زول الا ابو الهل وللتاريخ أبو الهل قريب العشرة مشاركات نهائي ساي ما قدر يلعبوا في سيكافا المهم الحرب على وانغا لن تفقده خطورته والخوف من وانغا هو الذي دفع الاهلة لمحاربته بالشتل وبشدة وشدة وتزول أها الزول الشال دخل مباراة الكنغو الودية لميتو فيهو ؟؟؟ الخندقاوي القال في التلفزيون إنو نائب رئيس الهلال حسمتوهوا ولا خندقتوا وسكتوا ؟؟؟ اللاعب بتاع الفندق عملتوا ليهو شنو ؟؟؟ اتركوا وانغا في صواريخه وحلو مشاكلكم المهم الأحد قرب شديد والسرير التاني برد جنس برودة ويوم الاتنين لو ربنا احيانا سنكتب سنكتب تحت عنوان من السرير للحاف حلوة دي يا محمد عبدالماجد أيها الناس فرق المراحل السنية في المريخ جديرة بالاهتمام والدعم لانها مزارع مغروس فيها اجود انواع الشجر المثمر ومواسم الحصاد مبشرة اذا دعمنا غرسنا الدعم السريع يا شفوت وعندها ممكن نلعب الممتاز بالرديف لنتفرغ للمنصات الافريقية بالكبار وعلى الجهاز الفني ان يتحفنا بمشاركة بعض ابناء الرديف بالممتاز ناس ابراهومة ونمر ومصعب وحسين الطرف اليمين أيها الناس لو عقوبات الاتحاد الافريقي طلعت قبل كورة مازيمبي ووووب ولو طلعت بعد كورة مازيمبي وووووووووووووب يا ووووب يا وووووووووووووب اختاروا واحد من الووبين لو وووب الاولى تموا التشكيلة من ناس السفارة ولو وووووووووب التانية استغلوا سنوات الايقاف الافريقي في بناء فريق محو الصفرية الافريقية أيها الناس إن تنصروا الله ينصركم أها نجي لي شمارات والي الخرتوم كان شفت يا والينا قالوا في طيار سايق طيارة من القاهرة ماشه كوريا قالوا ليهو سيول ترانزيت قام ليك من مطار القاهرة ونزل الخرطوم قال ليهم في سيول اكتر من كده !!!!! سلك كهربا ننساك كيف وناس والينا طوروا الخرطوم وقلبوها سيول ...بلد كلها سايلة وحيطها مايلة وناس تكنكش في المصاعب وناس مكنكشة في المناصب والى لقاء
