يا ولية حصل سمعتي بي زول مات جوعاً في رمضان؟ يا ولية ختي في بطنك «بطيخة» صيفي.. الصوم مو اكل وشراب.. الصوم يقين.. والمبذرين كانوا إخوان
الشياطين.. اسمعي كلامي ده كويس.. كدي قومي جهزي العصيدة بي ملاح التقلية حاااااره.. واتفنني يا المبروكة طلعي لينا من العجين نشا داااافية.. وكفانا في المويات كورة حلو مرة بااارده .. وأقلبي الهوبة في صحن البليلة ختي فيهو تمرات نااااشفة. قومي الله يفتح عليك قومي الفطور قرب.. قومي، أنا كان قلت ليك عندي قروش لي لحمة وسلطة وبيض وجداد وبرتكان وبطيخ كضبت عليك. الشي يا أم أحمد انتي نسيتي العيد؟ دي ما العشرة الأواخر .. قوووووومي. «شنطار»