أجر أحدهم بيتاً لآخر.. وحينما عاد من الغربة واحتاج لبيته أخطره قانونياً بالمحامي للإخلاء وانتهاء الأجل، ولكن المستأجر ماطل في الإخلاء، فقال له المالك: يا أخينا أنت ماداير تخلي لي البيت ليه؟ اجاب المستأجر ما لقيت بيت مناسب.. فرد المالك: يا أخ كلما نجيب ليك خيار تقول ده ما عاجبني.. أنت بتماطل.. وبالفعل رفع المالك دعوى قضائية بالحاجة الماسة ضد المستأجر المماطل.. وبعد مدة كسب الدعوى وأمرت المحكمة بالإخلاء، وأعطت المستأجر مدة كافية لكي يخلي الدار لمالكه. ومرت الأيام وانقضت المدة وصاحبنا حتى ذلك الحين يماطل. وفي يوم ما فاجأه المالك باحضار الشرطة وأمر بالإخلاء الفوري بالقوة. وخرج المستأجر ووجد الشرطة والمالك أمام الباب ولم يصدق. قال له المالك: ما لقيت ليك بيت مناسب؟ طبعاً ما لقيت؟ طيب رأيك شنو في الشارع ده.. بعد كده يا صاحبنا ما في فرصة ليك خدعك شيطان التفاصيل زي ما بخدع الجماعة الطيبين.. ديل ما بنسحبوا إلا بالقوة.. والقانون وحده لا يكفي يا سيد. وأخرج المستأجر كل العفش في الشارع يساعده في ذلك شيطان التفاصيل.