!! تقول الطُّرفة إنه عندما شرع عبد الرحمن الخضر في حل مشكلة المواصلات في العاصمة، جوهو جماعة مهندمين جدًا،لابسين بدل آخر صيحة، تقول وزراء مالية، قالوا ليهو والله يا السيد الوالي نحنا شايفنك مُصر على حكاية حل أزمة المواصلات في العاصمة، والمسألة دي نحنا حنتضرر منها شديد، وبيوتنا حتتقفل، لأننا عايشين على الزحمة دي...الوالي اندهش جدا وسألهم: إنتو مين ؟؟!! ببرود شديد قالو ليهو نحن اتحادات النشالين..!! الوالي زي داير يطلب الشرطة.. قالوا ليهو على مهلك خلينا نكمل ليك التعريف: أول حاجة دا رئيس الاتحاد العام للنشالين السودانيين والعضوية «3» ملايين، ودي رئيسة منظمة «نشالات بلاحدود»، وعضوية المنظمة مليون ونص، ودا رئيس الاتحاد «الإسلامي» للنشالين، والعضوية «2» مليون ودي رئيسة الجمعية الخيرية للنشل، وجابو ليهو كشوفات بأسماء كل الأعضاء في الاتحادات المذكورة ...تقول الطرفة إنو الخضر دا عاين ليك في القوائم دي ومندهش جدًا لأنو لقي أسماء كبيرة، قال بس قعد يقرأ ويقول: معقول بس الكلام دا!!!..المهم النشالين قالو ليهو يا الخضر قدامك خيارين والانتخابات قربت إما تخلينا نشتغل في المواقف يا في الحكومة... لما شاف وزنهم قال ليهم: حتشتغلوا ما تخافو، قالوا ليهو في الحكومة؟ قال ليهم في المواقف..!!!.. علها ما تنحل..