شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    وزير الطاقة يتفقد المستودعات الاستراتيجية الجديدة بشركة النيل للبترول    المالية توقع عقد خدمة إيصالي مع مصرف التنمية الصناعية    أردوغان: لا يمكننا الاكتفاء بمتابعة ما يجري في السودان    مناوي: المدن التي تبنى على الإيمان لا تموت    الدعم السريع يضع يده على مناجم الذهب بالمثلث الحدودي ويطرد المعدّنين الأهليين    بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية    بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية    أردوغان يفجرّها داوية بشأن السودان    القادسية تستضيف الامير دنقلا في التاهيلي    تقارير تتحدّث عن قصف مواقع عسكرية في السودان    بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو"    اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا    وزير سوداني يكشف عن مؤشر خطير    شاهد بالفيديو.. عودة تجار ملابس "القوقو" لمباشرة البيع بمنطقة شرق النيل بالخرطوم وشعارهم (البيع أبو الرخاء والجرد)    مانشستر يونايتد يتعادل مع توتنهام    ((سانت لوبوبو الحلقة الأضعف))    بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    برشلونة ينجو من فخ كلوب بروج.. والسيتي يقسو على دورتموند    شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….")    "واتساب" يطلق تطبيقه المنتظر لساعات "أبل"    بالصور.. أشهرهم سميرة دنيا ومطربة مثيرة للجدل.. 3 فنانات سودانيات يحملن نفس الإسم "فاطمة إبراهيم"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    رونالدو يفاجئ جمهوره: سأعتزل كرة القدم "قريبا"    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    عقد ملياري لرصف طرق داخلية بولاية سودانية    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    الحُزن الذي يَشبه (أعِد) في الإملاء    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



تغريبة بني شقيش وفارسهم الهمام المشلهت الدياسبوري ( الحلقة 14)
الانتباهة نشر في الانتباهة يوم 01 - 06 - 2013

هذه حلقات متتابعة لرواية تتكون من ثلاثة أجزاء (ثلاثية) أولها (التغريبة) يتلوها (مشلهت والضياع الكبير) ثم الجزء الأخير (مشلهت والضياع الأكبر). تتمدد هذه الرواية في مساحة زمنية كبيرة تبدأ من اليوم الأول لإنقلاب الرئيس الأسبق جعفر نميري في صبيحة الخامس والعشرين من مايو 1969م وتتواصل أحداثها إلى معتقل قوانتانمو في القاعدة الأمريكية في كوبا. تنشر لأول مرة مكتملة بأجزائها الثلاثة في جريدة (الإنتباهة).
نام مشلهت نوماً عميقاً بعد ان طرح نفسه على سرير نظيف في تلك الغرفة التي شاركه فيها د. الزبير واحد الزراعيين وضابط شرطة . ناموا وكأنهم يحاولون تصفية حساب قديم مع النوم ولم يستيقظوا الا بعد ان أيقظهم أحد الأشخاص لصلاة الفجر . بعد الإفطار أخذت الاتصالات تأخذ مجاريها بين الواصلين وبين المؤسسات التي يحملون فيزاتها ثلاثة اكتشفوا ان فيزاتهم مزورة وقد كانوا تحصلوا عليها عن طريق غير جاكوم المبشتن وانصب عليهم الجميع متسائلين :
الوداكم للجماعة ديل شنو ؟
- والله شفنا فيزات جاكوم غالية قلنا ديل احسن ..
- أهو دلوقت صدق القول : الغالى بي غلاتو يضوقك حلاتو ... والرخيص بى رخصتو يضوقك مغستو ...
- لكين هي مغسة وبس ؟ دى كارثة ... والله نحنا لو كنا عارفين كدا كنا مشينا عديل لجاكوم .
لم يكن جاكوم المبشتن يطمع في شئ اكثر من هذا . ولهذا فقد انشأ مجموعتين : مجموعة باسمه وتبيع الفيزات الحقيقية الأصلية ومجموعة أخرى باسم مختلف وإدارة مختلفة تبيع الفيزات المزورة التي تدفع الناس دفعاً للتعامل مع جاكوم ففي ظل تلك الرغبة الجامحة للخروج من السودان استغل بعض الناس هذه الظروف واخذوا يبيعون الاحلام الكاذبة في وضح النهار والمشترون يبيعون كل ما يملكون ويقترضون جرياً وراء ذلك الوهم وذلك السراب وكان جاكوم يساعد الشخص المضروب بدفع نصف ما دفعه للحصول على تلك الفيزا المزورة وهو يقول :
- يا أخي ناس ما عندها ضماير .الناس كلها بقت حرامية ... غايتو نحنا متعاطفين معاك وبالرغم من اننا مش أصحاب الفيزا المزورة الا اننا بنعوضك نص الدفعتو وربنا يعوضك في الباقي :
وبالطبع فإن ذلك الشخص يخرج ولسانه يلهج بشكر جاكوم وكرمه ليذيع هذا التصرف الذي يجذب الالآف لصف جاكوم .
غادر مشلهت الفندق بعد ان استقل هو ومجموعة من الرجال حافلة خاصة أخذته لتلك المدينة التي توجد بها تلك المؤسسة التي منحته فيزتها لكي يعمل بها .
في مكاتب المؤسسة استقبله أحد رؤسائها وطلب منها الاوراق والشهادات وذلك للتقدم للسلطات لمنحه الإقامة الرسمية وهو يسأله :
- متى وصلت المطار ؟
- يعنى زي الساعة العاشرة كدا ؟
- عسى ما تكون تعبت ؟
- لا أبدا ... الحمد لله وصلت مرتاح جداً .
مضت أيام وتسلم مشلهت عمله وأخذ يخطط لاستقدام أسرته التي تلقت منه اول دفعه من المصاريف أنستها تلك الأيام القاسية ولكنه في هذا الصباح تلقى مكالمة من د. الزبير زميله في رحلة كديس الخلا يخطره فيها بأنه سيصل موقف الحافلات الساعة الثامنة مساء وعليه ان يقابله. شعر مشلهت بشيء من عدم الارتياح وهو يتلقى تلك المكالمة القصيرة من د. الزبير الذي يبدو انه كان يتحدث من تلفون عام. ما الذي جعل د. الزبير يعود سريعاً هكذا من المدينة التي ذهب اليها ؟ د. الزبير يحمل درجة الدكتوراه في الهندسة من جامعة بيرمنجهام ولا يبدو ان هناك مشكلة ستعترضه في الحصول على عمل في المدينة التي ذهب اليها ولابد ان يكون في الأمر شئ استدعى حضوره وإصراره على مشلهت لمقابلته في موقف الحافلات الساعة الثامنة مساء .
مضت الساعات رتيبة قضاها مشلهت في ترتيب شقته حتى تبدو نظيفة أنيقة عندما يحضر د. الزبير .
جلس مشلهت على كرسي في محطة الحافلات وهو يراقب المسافرين والعائدين وكل منهم قد حمل أمتعته وأغراضه ... حتى حانت منه التفاتة فرأى د. الزبير وهو يحمل » هاندباق« صغيرة على كتفه وهو متجهم الوجه بصورة لم يعهدها مشلهت ... وهب مشلهت واقفاً واسرع لملاقاة د. الزبير وقد القى بيديه حول مشلهت وعانقه دون ان تصدر منه كلمات واضحة ... مما جعل ضربات قلب مشلهت تتسارع وهو يقول في سره :
- » الله يكضب الشينة » ..
وتحرك د. الزبير بخطوات كان يجر فيها رجليه جراً والقى بجسده على أحد المقاعد في حجرة الأنتظار بموقف الحافلات ... وهو يقول :
- كارثة ... يا مشلهت ... كارثة ... لا حول ولا قوة الا بالله ...
- ويصيح مشلهت
- شنو الحصل ... ان شاء الله مافي عوجة ...
- ويرد د. الزبير : عوجات يا مشلهت ...أمس جانى خبر شين تصور ... تصور زوجتي انفجر فيها بوتجاز وماتت ...
- لا حول ولا قوة الا بالله ... والله خبر شين بالحيل ... يا الله ... ربنا يرحمها ويغفر ليها ويلزمك الصبر ... الفاتحة.
- لا حول ولا قوة الا بالله ... أنا لله وأنا إليه راجعون ...
- ظل د. الزبير واضعا يديه على رأسه وهو يتحرك ببصره بعيداً ربما ملايين السنين الضوئية وذلك بحثاً عن شعاع يلوذ به ثم يقول :
- تتذكر يا مشلهت حمد النيل الله يرحمه ... أخونا اللدغو الدبيب ومات في السكة ؟ دلوقت أنا بقول يا ريت لو كنت في محلو ... كنت على الأقل ما سمعت خبر زي دا...
يتكلم د.الزبير وليس هناك دمعة واحدة تترقرق في مآقيه وكأنها قد نشفت بنشافة ... احياناً تكون الفاجعة اكبر من دموعنا ... تتحول قطرات الدمع الى ملح نحس به في حلوقنا يسقط في داخلنا كالقطران ... وتبقى العينان تعكسان مآق بيضاء جافة كالطباشير ... منطفئة البريق .ولم يجد مشلهت شيئاً يقوله لصاحبه غير ان ان يواسيه قائلاً :
- يا اخى أنت راجل مؤمن ودى إرادة ربنا ... والصبر صعب لكن يلزمك ونحنا نسأل الله ان يهون عليك ويلهمك الصواب والتقدير السليم ... ونحنا أهو كلنا خلينا بلدنا وخرجنا والواحد ما عارف يحصل ليه ايه ...او يحصل لاولاده شنو ... واحلى الاثنين امر من المر نفسه ... المهم دلوقت أنت فكرت تعمل شنو؟
- ويجيب د. الزبير :- هو أنا بعد دا فينى اى حاجة تفكر ؟ اول ما الخبر جانى .. عقلى توقف نهائياً عن التفكير الا في حجم الكارثة ودا السبب الخلأنى اجي عندك عشان تفكر نيابة عنى .
ونهض مشلهت وهو يحث د. الزبير على النهوض ويقول :
- خلينا دلوقت نمشى البيت وأنت ترتاح شوية بعد السفرة الطويلة دى وبعدين نفكر نعمل شنو ؟ ...
داخل الشقة ظل د. الزبير جالساً ونظره مثبت على الموكيت الجديد الذي فرش به مشلهت الغرفة غير انه في الواقع لم يكن يراه ... كان يرى صورة زوجته وهى تودعه الوداع الأخير وتظهر له رباطة جأش غير عادية وأنها سترعى الأطفال.. مى وغادة وحليم والرضيع وائل وان عليه ان يهتم بنفسه وصحته ويجد عملاً يستقر فيه وسيلحقون به عندما تكتمل إجراءات استقدامهم ... زوجته وأطفالها يقيمون مع أهله في حي السجانة في الخرطوم وستصلهم المصاريف بواسطة قريبه الذي يعمل في مصلحة الغابات ... هكذا خطط
عندما تحدث الكارثة يستعيد الناس آخر الأحداث التي مرت بهم وهاهو د . الزبير يستعيد كلمات زوجته وهى تقول له :
- إن شاء الله تمشى وتجى تلقانا تامين ما ناقصين ...
في حينها لم تكن تعنى تلك الجملة شيئاً غير الدعاء ولكنه عندما يستدعيها الأن تثير في ذهنه خواطر كثيرة ... هل كانت زوجته تشعر أن شيئاً مريعاً سيحدث ؟ ... لماذا لم تكن تلك الكلمات مؤشراً له ليلغى فكرة الاغتراب من تاريخه؟
وماذا كان سيحدث له إن بقى في السودان ؟ فهناك الملايين باقون دون أن يغادروا .. على الأقل كان سيكون موجوداً بجانب أطفاله عند حدوث الكارثة .. وطرد تلك الأفكار من ذهنه وهو موقن إن الأقدار قد رسمت بتلك الطريقة وليس في مقدور أحد أن يغير في سيناريو أحداثها .
وافاق من أفكاره تلك على صوت مشلهت وهو يقول له :
- قوم يا أخي .. غير هدومك والبس ليك جلابية وخلينا نفكر نعمل شنو ...
يتناول د. الزبير » الهاندباق » ويغيب داخل إحدى الغرف ثم يعود مرتدياً جلابيته ... ويفطن الى كوب الماء الذي وضعه أمامه مشلهت منذ أن وصل الى الشقة فيتناوله ويشرب الماء وكأنه يطفئ حريقاً في داخله ... ويسأله مشلهت سؤالاً مباشراً :
- هل فكرت انك ترجع السودان ؟
ويجيب د. الزبير : - مش فكرت ... أنا قررت راجع لأني ما بقدر أعمل أي حاجة هنا بعد دا ... وبالنسبة لى موضوع الأطفال أهم من كل شئ ... دلوقت المشكلة الأنا فيها ... طبعاً أنت عارف الطريقة الجينا بيها هنا ... وكان الواحد بيتعشم على الأقل يسوي اوضاعه القانونية كاستخراج إقامة وخلافو ودلوقت الحصل حصل ... ولازم ارجع وما مهم لو ما اجى راجع تاني ... المهم كيف اطلع من هنا وكيف أدخل هناك وأنا ما جيت بتأشيرة خروج ولا حاجة ... يعنى آخد السنابك وامشي تاني لناس كديس الخلا ... واركب الجمال واللوري ولا في طريقة اسهل من كدا ؟
ويجيب مشلهت : - والله فعلاً دى مسألة عويصة ... طيب في منو هنا الواحد ممكن يسأله وبعدين أنت فاكر وضعك هناك من ناحية ناس الأمن ... يعنى يمكن بضايقوك ولا كدا ؟
ويجيب د. الزبير
- يضايقونى اكتر من انهم يفصلوني من كلية الهندسة .... من دون أي سبب ...
- مش يمكن ناس كليتك هم القدموا اسمك لناس الأمن ...
- ناس كليتى ولا غيرهم ... ما كلهم حاجة واحدة ... وأنت تفتكر انا هامينى انو يعملوا معاى شنو في المطار ؟ ابداً والله ... انا كل الهاميني انهم ما يعطلوني ويخلوني امشي أشوف اولادى بأسرع فرصة ... لأنو الأطفال ديل انا ما عارف وضعهم شنو خاصة الطفل الرضيع دا وائل ... يا ربى حصل ليهو شنو ؟
ويشعر مشلهت ان أقسى ما في الغربة قد تجمع هذه اللحظة وانشب مخالبه وكتم على الأنفاس وشل القدرة على التفكير ... وهو يستمع الى د. الزبير قائلاً :
- اول حاجة حيكون في تحقيق في جوزا السفر دا وكيف انا تحصلت عليهو ودا حيدخل ناس كتار في مشاكل هم في غنى عنها .. المهم ناس أصحابي وحبوا يساعدوني فما قصروا ... اقوم انا أكون سبب في ما يحصل ليهم من مكروه ؟
وفجأة تهبط فكرة على مشلهت فيقف ويضع طاقية على رأسه ثم يقول
- انا حامشى لواحد قريبنا ساكن بجاى ويمكن يكون عنده طريقة نقدر نخارجك بيها .
يغيب مشلهت زهاء نصف الساعة ثم يعود ومعه الشخص الذي ذهب للاستعانة به ...
ويرفع الرجل يديه بالفاتحة ... ثم يقول :
- البركة فيكم ... جبر الله كسركم ... اهو حال الدنيا ...
ويقدمه مشلهت قائلاً :
- أخونا حسن عثمان من ناس الباوقة وهو شغال هنا من مدة ... وانا وريتو بالحاصل شنو ... واعتقد يمكن يقدر يدلنا على حاجة ...
وقبل ان يفتح د. الزبير فمه يسارع حسن عثمان قائلاً :
- أنت مفكر ترجع هنا تانى ولا لا ؟...
- والله يا أخوى ... انا دلوقت كل البهمني أنو اصل اولادي ومش عارف الظروف تحكم بشنو ... واصلو انا من الخبر دا ما وصلني ما فكرت اعمل شنو بخلاف أني عايز ارجع ... وزي ما يمكن مشلهت يكون وضح ليك ظروفي وظروف خروجي من السودان ... وانا عايز ارجع وما في واحد يستوقفني او يعطلني ما أشوف اولادي ..
ويتساءل حسن عثمان :
- طيب الفيزا مدقوقة في جوازك؟
- ايوا ... لكين طبعاً ما لحقت اعمل اى اجراء وجانى الخبر .
ويقترح حسن عثمان :
- طيب ... في الحالة دى ... نحنا احسن ما نتسرع ونحكم على الظروف ونقول انك حترجع ولا لا .. دى مسالة خليها للآخر ... وأنا من رأيي انك تخلي جواز سفرك هنا عند مشلهت ... فاذا ربنا قدر وجيت مرة تانية تجي تاخدو بالفيزا بتاعتو ...
ويتساءل د. الزبير :
- وطيب كيف حأسافر ؟
- أنا عندى زول في السفارة انا من دربي دا حامشي ليهو وحأخليه يعمل ليك وثيقة سفر إضطرارية دى تقدر تسافر بيها ومش حتكون في مشكلة بخصوص الجواز هناك ومنو الطلعوا ومنو الخلاك تغادر البلد
ويثير د. الزبير نقطة هامة في نظره :
- شوف انا صحيح خرجت من السودان مضطر لكين دخلت البلد دى بأوراق نظامية وما ارتكبت اى مخالفة ..عندي عقد عمل وعندي فيزا وناس أكرمونى وعاملونى معاملة طيبة زى دي ما عايز أخالف قوانينهم وأى حاجة بتدخلنى او بتدخلك أنت في مخالفة أنا ما بقبل أعملها ...
ويؤكد حسن عثمان:
- يا أخى أنت عايز ترجع السودان ودى ما فيها مشكلة ... اى زول من حقو انو يرجع بلدو الجاي منها المهم ما يكون ارتكب جريمة او هارب من حاجة معينة ... بعدين أنت الظروف البتمر بيها دى مكان تقدير من اى جهة ... على العموم أنا حأعمل ليك كل الاجراءات ... بعدين حكاية وصولك هناك دى برضو عندنا ليها حل ما في مشكلة ما ليها حل
ويخرج حسن عثمان وهو يخاطب مشلهت قائلاً :
- افتكر احسن نكسب الوقت وانا حامشي لصاحبي احكي ليهو حكاية د. الزبير وان شاء الله مسالة سفرو دى حتتحل .
آخر الكلام:
لا تصرحوا للشيشة... فإنها ملوثة للهواء ولصدور الرجال والنساء.
وألزموا سائقي الركشات أن ينزعوا التركيبات التي تحدث ذلك التلوث الضوضائي واللوالب المعدنية الخطرة.

انقر هنا لقراءة الخبر من مصدره.