تكريم روابط المريخ بالإمارات للوالي إعلان للهتاف الغالي طوالي طوالي طوالي وفيه وفاء للرجل واعتراف بما قدمه وتصريحات الوالي خلال ذلك التكريم وضعت النقاط على الحروف بعد كده الما فهم إلا يكون داير يلخبط سااااي وحقو نلتف حول فريقنا نكسب الزمن ونبني لي باكر فمنصات التتويج تتحرق شوقاً لنا طولنا منها بتعرفنا قبل كده لاقتنا وكرمتنا عشان كده بتشتاق لينا وبنشتاق ليها مشتاقين يا منصة مانديلا كاتلنا الشوق يا منصة سيكافا الاولى الشوق بحر يا منصة سيكافا التانية شوق زي الشوق يا منصة دبي ويييييين ناس الشارقة والوصل مشتاقين ليكم شديد أما ناس شجرابي فمنصات التتويج الافريقية ما مشتاقة ليهم بتعرفهم من وين عاد ؟؟؟ قابلتهم متين يا ربي ؟؟؟ ياتو بطولة افريقية جابوها ؟؟؟ افريقية دي كبيرة نشققها ليهم شويه ياتو بطولة اقليمية افريقية جابوها ولا حتى منصات سيكافا لا تشتاق ليهم لانها لا تعرفهم دي بطولات بالذات في مراحلها الختامية لا فيها اب شنب ولا فيها اب ضنب كلو زول بياخد حقو وبس عشان كده ابو الهل ومنصات التتويج الافريقية بس الحراز والمطر ما بجتمعو اصلو منصة تتويج تشتاق ليكم يا شجرابي مافي !!! طيب منصة تتويج تشتاقوا ليها انتوا برضو مافي ؟؟؟؟ قلوبكم قاسية خلاص ما بتعرف للشوق فهي كالحجارة او اشد قسوة المهم كراسي المقصورة الماسية معروضة للبيع وبعدها الذهبية ثم الفضية وغيرها حتى الشعبية الحديدية معروضة فالحكاية استقطاب دعم الشفوت للنادي والحكاية تجري على قدم وساق ونشتري الكرسي بأغلى ثمن لنشتري المجد المهم إعدادنا ماشي تمام بس يوجد بعض الاستهتار بالخط الخلفي توجيه شويه للحتة دي يا محسن وتركيز شويه في الحتة دي يا امير الثقة سمحة بالحليل لكن اي شي يفوت حدو بتقلب لي ضدو وصية وطنية للاخوة الاهلة ما تنسوا أحذية المطر باقي الكنغو ممطرة وما تنسوا احذية الضلمة باقي الكنغو مضلمة وما تنسوا تحذفوا الحتة دي من الاعذار عند التمدد على السرير التاني أها نجي لي شمارات والي الخرتوم كان شفت يا والينا دايرك تتمعن الكلام الجاي ده تمعن كويس قال امس اتصلت بالامل قلت: له هل ممكن ان يخرج العطر لنا من الفسيخ والبصل ؟؟ -قال اجل قلت: وهل يمكن ان تشعل النار بالبلل ؟ قال اجل قلت: وهل من الحنظل يمكن تقطير العسل ؟؟ قال اجل قلت: وهل يمكن وضع الارض في جيب زحل قال نعم بلى اجل فكل شيء محتمل قلت اذن حكام العرب سيشعرون يوماً بالخجل قال تعال ابصق على وجهي اذا هذا حصل شفت كيف يا والينا !!! سلك كهربا ننساك كيف واي شيء محتمل الا احساس حكام العرب بالخجل .. والى لقاء سلك
