وأنا في الهموم أصبحت شيخ ما الغربة كترت الضغوط ... بي نارا (سيحت) المخيخ (قدت مكنة) الاصطبار... وأضحى (السلندر) في انكسار و(البلف) جوة حشاهو غار ولّع لهيب نصة نهار والجوف (طرمبتو) دفقت ... زيت المواجع والهموم دفس العقل قطع (السيور)... (صامولتو) تحلج كل يوم بقى سابق الليل والنهار (خرط الكرنك) ومخّو طار (كارتيرو) طلقت فيهو نار والمخ لعب في عبّو فار حكّت(بساتمو) مع اللفؤاد... كسرت(شنابرو)و(زيتو) فار حتّت (سبايكو) وأشعلت... جواهو نيران الودار (جنزيرو) حتحت لي (التروس)... و(البلي) أصبح كلو سوس دار الزمان قطع (العكوس) و(التنك) بنزين أندروس أصبح جسدنا من الصراع... محتاجلو بوهية وسمكرة ما بجدي غير(معجون) تقيل... بعد الحكاك والصنفرة *** في دربو كان مليون مطب ... فقد التوازن واضطرب كم مرة ميّل وانقلب كسر (العمود) قطع العصب *** (شاسيهو) من ضغط الظروف... مالت ركايزو و(انفتل) وبقينا زي (جربوكس) باظ... حرق(الكلتشات)و(الكتل) *** في الغربة طال بينا الأمد... (شحم الركب صلب) جمد (فني)العيون صابن رمد ولّع لهيبا وما خمد *** و(الكربريتر) في القليب... بي حرقة الآهات شرق (دينمو)الفؤاد باجور يسوق... صبّاحي والطايوق حرق *** وقّف(بطاطير)القلوب والمخ(ضفيرتو)بدت تدوب ساسقنا دلّجنا الدروب ... والورشة قدّدت الجيوب. المستف العفشي السعودية-الرياض أشعار خربانة طلبات ورا الطلبات ؟! واللهِ صَعْبانة ما إنتي عارفة براك .. الحالة تعبانة أصلو ام بُناياً قَشْ .. من يوما خربانة لو قلتي لي دايرين .. يا إنتي طلقانة ما تقولي لي معليش ..أنا كنت حلمانة تعريفات الخروف الحيوان الذي يضحي بنفسه من أجل الآخرين، وهو الشخصية الأهم في مقتبل الأيام. البعوضة هي الحشرة الوحيدة التي تقصد شفط دماء السودانيين فتعود بخفي حنين. الحمار هو الحيوان الذي كان يحمل الإنسان على ظهره، فأصبح يحمله الإنسان في بطنه. في التنك بعد مشاهدتنا لفيديوهات ذبح الحمير وفرم الحصين كاملة مع الأبقار لتجهيز اللحمة المفرومة للبيرقر والشاورما .. لا يسعنا الا ان نتغني برائعة المطرب بلال موسي (تاني توبة .. لا لحوم لا بطون مقلوبة .. عدس بس) !!! أبو فاطنة
