سودارس : (النظام يريد) المريخ بطلا للممتاز

مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) النفط يستقر وسط خسائر أسبوعية والذهب والفضة ينتعشان "ميتا "تسجّل براءة اختراع لمحاكاة المستخدمين بعد وفاتهم تطوير بطارية تُشحن خلال ثوانٍ وتصمد 12 ألف دورة شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل) شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟ بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة شاهد.. حسناء الفن السوداني "مونيكا" تشعل مواقع التواصل بجلسة تصوير جديدة شاهد.. الفنان مأمون سوار الدهب بعد زواجه: (زارتني الملائكة) اكتشاف مركبات "زائفة" تشعل نوبات الربو دراسة: القراءة والكتابة تخفِّضان خطر الزهايمر 40% طلاب شرق دارفور يسيرون قافلة وطنية إلى جنوب كردفان برعاية والي شرق دارفور شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) ترتيبات لإعادة تشغيل مصنع ألبان بركات وإنشاء مزرعة لتربية الماشية من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء) صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية تشغيل مصنع الاوكسجين بمستشفى الدبة المركزي الشرطة المجتمعية بولاية سنار تدشّن قافلة دعم تكايا رمضان بولاية الخرطوم سهير عبد الرحيم تكتب: مشاهداتي في جلسة مجلس السلم والأمن الأفريقي النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى المريخ يبارك انتخاب رئيس إتحاد سيكافا وأعضاء اللجنة التنفيذية مساعد قائد الجيش يكشف عن فساد وزير كبير إبراهيم شقلاوي يكتب: مسرح ما بعد الحرب لدى يوسف عيدابي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها ارتفاع في اسعار محصول الذرة واستقرار سعر السمسم بالقضارف أمس إلغاء رحلة قطار إلى الخرطوم..إليكم تفاصيل انطلاق دورة متخصصة لتطوير الأداء الرقمي برعاية وزير الشباب والرياضة الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(النظام يريد) المريخ بطلا للممتاز

محمد عبد الماجد نشر في النيلين يوم 19 - 11 - 2013

احدى الشركات الكبيرى والضخمة..اعلنت عبر اعلان (وظائف شاغرة) عن حاجتها الي (مدير عام)...خبرته لا تقل في التخصص الذي تعمل فيه الشركة عن (15) سنة ..وان لا يتجاوز عمره ال (40) عاما ..وان يكون حاصلا على شهادة جامعية ، معترف بها بتقدير (مع مرتبة الشرف).
وان يجيّد المتقدم للوظيفة ..اللغة الانجليزية كتابة ومخاطبة ..وكذلك اللغة الفرنسية ..واللغة الصينية ..وقليل من اللغة البرتغالية والتركية.
مع مواصفات مستحيلة كدا ..ما بتتلقى إلا في (جزيرة الكنز).
عثمان ود الدركسون ..قرأ هذا الاعلان ...قال ماشى يتقدم ..ويلتحق بوظيفة (مدير عام)..ويطلع من الحلة الفقر دي.
قلنا ليه : ها عثمان ها ..ديل قالوا ليك عاوزين (مدير عام)..ما عاوزين ليهم (سواق).
انت في (السواقة) والله للامانة ما في زول بحصلك ..لكن للامانة برضو الادارة ووظيفة (مدير عام) دي ..ابرة في خيط ما بتقدر (تنضمها) فيها.
انت أأعثمان ...ما عاقل.
انت جنيت في اخر عمرك ..(باقى كان عاوز يعرس قريبة ليه ..جاء (دكتور) عرسها وفات ..وساقها معاه البندر ..وخلاه ليك متل الطالب الما طلع هدوم المدرسة.
حايم بيها من دكان لي دكان.
عثمان ود الدركسون ..قال لينا ..يا جماعة انتوا قايلني ساهل ..انتوا ما تشوفو (الكريشة) دي وتقعدوا تستهتروا بي.
والله انا عندي خالي في الخرطوم يسدها ويقدها.
قلنا ليه : هسع خالك البسدها ويقدها دا دخلو شنو بالموضوع ..والله تمشي بي حالتك دي وتتقدم للوظيفة دي..إلا يفتحوا فيك بلاغ اشانة سمعة.
انت قايل (مدير عام) دي حاجة ساهلة.
انت ما شفت براك خالد الكبيتر..عمل شنو حتين وصل الي منصب المدير العام.
دا مشى اتخصص في روسيا ..وقرأ ليه شيتا انت لو قالوا ليك اسمو ساكت يطقك وجع رأس..اسبوع ما يفوت منك.
كمان (مدير عام) دي حاجة ساهلة ..وإلا ساهلة.
عثمان ودالدركسون رأسو قوى زي (ضفر) ..ما سمع كلامنا ..وقال لينا بعد اسبوع لو ما سمعتوا بي اني بقيت (مدير عام)..ما تختوا ايدكم في ايدي.
قلنا ليه يا عثمان روق ...الحكاية دي ما عرس ..شنو كل ما تشوف ليك بنت سمحة ..تقول عاوز اعرسها.
الموضوع دا اكبر من كدا ...الشيء ما (بصل) ..ولا هو لوري عبدالرحمن الكويسح.
عبدالرحمن الكويسح دا منو؟.
عثمان ود الدركسون ..سافر الخرطوم ..واول حاجة عملها مشى على سوق ليبيا ..اشترى ليه (قميص) منقرط ..وبنطلون فيه (13) جيب ..تقول (داخلية) في مدرسة ولاد.
الكلام دا كان يوم الخميس.
يوم الاحد من النباه الاول ..عثمان ودالدركسون ..قام ..دخل ليك في القميص والبنطلون ..ونفض ليك عيونو زي (الجداد)..وضرب لي خالو (الكبير).
خالو (المسؤول)..وقال ليه يا خال ..انا ماشي على الجماعة ديل..عشان المعاينة.
خالو قال ليه ..ما عندك اي مشكلة ...اليوم انت ح تكون (بطل الممتاز)....اقصد ح تكون (المدير العام).
انتوا إلا يقولوها ليكم واضحة كدا.
تتداغلوا ..وتعملوا فيها ما فاهمين اي حاجة.
عثمان ود الدركسون ..مشى ليك على الشركة ....لقى ليك الناس ديل نضاف ..زي يوم العيد الصباح.
اتعقد من قميصو (المنقرط)..ما عرف يمشي وين؟.
شعر ليك انو بنطلونو دا اسوأ بنطلون في دول العالم الثالث..بقى يضاير زي (الجلد) بعد تضبح الخروف ..ما تعرف تودي وين؟..تحوّل فيه من ضل لي ضل.
عثمان ود الدركسون ..وقت شاف ليك الشباب الحضروا عشان المعاينات (نضاف)..وشايلين شهادات ...وجلاكسيات ..قنع ..وجاتوا رجفة.
قال احسن يضرب لي خالو ..عشان يطمنو.
ضرب لي خالو ..يا خال الناس الهنا ديل صعبين شديد ..انا ما بقدر انافس معاهم.
خالو قال ليه ..يا زول انت بس ادخل (المعاينة) وخلى لي الباقي.
صاحبكم قعد ربع ساعة كدا ...ندهوا ليك اسمو.
الصالة كلها قعدت تعاين في الزول ال (بلة جابر) دا.
الزول دا الجابو هنا شنو..عامل سنونو (الشتر) ديل.
معقولة الزول دا داخل معاينات (مدير عام) برضو.
عثمان ودالدركسون دخل ليك مكتب المعاينات لقى الجماعة قاعدين زي (كنبة ريال مدريد).
شيء روس ..وشيء ترك ..وشيء انجليز ، وشيء فرنسي ..وشيء نيجيري ..وشيء امريكي ..وواحد سوداني كدا..قاعد في النص.
الاسم بالكامل.
عثمان عبدالشافع حمد ود الدركسون.
الدركسون دا يا عثمان لقب وإلا اسم؟.
لا اسم لا لقب ..الدركسون دا (اسبير) ساكت.
العمر؟.
51 سنة.
الروسي بتاع اللجنة ..قال ليه لكن نحن قلنا الزول المتقدم للمنصب دا عمرو ما يتجاوز ال (40) سنة.
السوداني نط ليك ..قال للروسي ..ما مشكلة (11) سنة ما بتفرق كتير.
هي سنين الزمن دا سنين.
اللجنة قالت لي عثمان خبرتك شنو؟..نحن قلنا عاوزين خبرة لا تقل عن (15) سنة في ادارة هذا التخصص.
عثمان ودالدركسون ..قال ليهم ...والله في تخصصكم دا ما عندي خبرة ..لكن عندي خبرة (21) سنة في حاجة تانية.
الفرنسي قال ليه ممتاز ...و(21) سنة ..خبرة في شنو؟.
عثمان قال ليه : تصور في حليب الغنم.
الفرنسي قال ليه ...لكن خبرتك دي ما بتشغلك هنا ..في الباب داك (ساعي) ما بتوقفك.
السوداني القاعد في النص ..قال ليهم ..ما مشكلة ...المهم في الامر عندو خبرة.
لجنة المعاينة ..قالت ليه طيب يا عثمان انت خريج ياتو جامعة ..واتخرجت سنة كم؟.
قال ليهم انا ما اتخرجت من جامعة ..انا اتخرجت من شيء تانية.
السوداني قال ليه ممتاز ..اتخرجت من شنو ..(ممكن شرط الجامعة دا نستثناه ليك).
عثمان قال ليهم اتخرجت من (بيت ابوي).
التركي القاعد في اللجنة قال ليه لكن (بيت ابوك) دا ما بنفع معانا ..نحن قلنا لازم يكون خريج جامعي ومع مرتبة الشرف كمان.
السوداني القاعد في النص ..قال ليهم ما مشكلة ..هنا التخرج من بيت الاب ..زي التخرج من الجامعة ..ما فارقة كتير.
طيب يا عثمان بتعرف لغات.
لغات زي شنو يعني ..حددوا طلبكم.
بتعرف انجليزي يا عثمان؟.
ما بعرف ..لكن عندي (ودخالتي) بجضمو ليكم جنس جضيم.
النيجيري قال ليه ..لكن نحن اشترطنا اجادة الانجليزي كتابة ومخاطبة.
السوداني القاعد في النص ..قال ليهم ما مشكلة ..ود خالتو دا ما بقصر معاه.
طيب يا عثمان بتعرف (فرنسي).
الفرنسي دا ..بعرف فيه كلمة واحدة بس.
السوداني قال ليه ..ممتاز ..وهو المطلوب ..بتعرف شنو يا عثمان في الفرنسي.
قال ليهم بعرف (ميرسي)...لغة وكتابة ونطقا (merci).
السوداني قال ليه كفاية ..يا زول ما عاوزين منك اكتر من كدا.
اها يا عثمان ان شاءالله بتعرف تركي؟.
التركي دا ..تخصص فيه.
اللجنة قالت ليه بتعرف شنو في (التركي).
عثمان ود الدركسون قال ليهم بعرف (مهند ونور).
السوداني القاعد فى النص ...قال ليه ممتاز ..ممتاز...انت فاضل ليك بس (المعلومات العامة) ..وتكون قفلت المجموع.
الاميركي عاوز يسأل ..السوداني ثبتو ليك ..قال ليه انت نسيت وإلا شنو المعلومات العامة دي حقتي انا.
طيب يا عثمان ..لماذا سميت العاصمة القومية (الخرطوم ..والخرطوم بحري ..وام درمان) باسم العاصمة المثلثة ..ركز في السؤال ..واجب عليه.
عثمان قال ليهم سميت بهذا الاسم ..عشان (الهلال والمريخ والموردة) اضلاع القمة الثلاثة.
السوداني قال ليه ممتاز ..انت كمان ظريف ..وابن نكتة ..وبتكتشف حاجات براك..خلاص انت قوم ..وبعد اسبوع ح نتصل بيك عشان نوريك النتيجة.
بعد اسبوع ضربوا ليه ..قالوا ليه مبروك ..انت الوحيد الذي انبطقت عليه المواصفات والشروط ..انت بطل الممتاز ...(انت المدير العام).
ملحوظة : لاحظوا اني الي الان ما جبت سيرة (المريخ).
هوامش
قبل ايام كانت شغالة مسرحية (النظام يريد).
اها المسرحية دي ..المريخ هسع جاء يطبقها.
قبل كدا قلت ليكم الكلام دا.
وفي نهاية الموسم بنثبت ليكم عمليا (النظام يريد).
النظام يريد ...المريخ بطلا للممتاز.
وانتوا يا هلالاب قاعدين لي تتلفتوا.
النظام يريد ..دي مسرحية يا جماعة ما تلخبطوا ساكت.
المريخ قدموا ليه (خدمة 5 نجوم).
ما خلوا ليه حاجة.
دعم في السر ..ودعم في العلن.
ديل في (ضربات الجزاء) دعموه.
دا غير الاسمنت والطوب ..والسيخ.
دعم في كل.
طابق تاني.
ولجنة حكام.
واتحاد عام ..وتلاتة مساعدين من بيت المريخ.
وصدروا الصراعات والخلافات والمحاكم الي الهلال.
ناس الهلال انشغلوا في نفسهم ..والجماعة ديل جابوا ليك ناس النيل والاهلي الخرطوم ...والاهلي عطبرة.
جابوا لينا (وزير)...لو قاصد ليه (نخلة) يحتها.
شبكنا ليك ..ما شرعي ..ما شرعي ..لمن فقدنا في الدورة الاولى (17) نقطة.
بعد البعمل فيه الوزير دا ..تصوروا ناس المريخ فرحانين بالممتاز.
انتوا بعد كدا مع (الهدايا) دي لو ما شلتوا الممتاز ..ح تشيلوا شنو؟.
الهلال بطل الممتاز الحقيقي.
غدا على جماهير الهلال ان تحتفل بفريقه ..فهو البطل الحقيقي.
نحن سعداء بالهلال.
وبكرة ح نسعد اكثر ان شاءالله.
وسيمتد فرحنا الي الدمازين.
الهلال هو الهلال.
....
عاجل : خلوها على الله.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.