السعودية تسمح لأبناء السودانيين الوافدين بتأشيرات زيارة بالدراسة في المدارس السعودية والعالمية بالمملكة    قبل أيام أوقفت السلطات المختصة مواطنين كانوا في طريقهم من قلب مدينة تندلتي إلى قريتهم    طوفان إشبيلية يسحق برشلونة ويحافظ لريال مدريد على قمة الليغا    البرهان يتسلم رسالة خطية من الرئيس سلفاكير ميارديت    32 مسيرة انتحارية نحو الأبيض.. في أكبر هجوم غرب السودان    الطاهر ساتي يكتب: إدارة جديدة ..!!    ترامب: حماس ستواجه الإبادة إذا قررت البقاء في السلطة    استقالة مثيرة من قلب السلطة.. وزير الخارجية الأسبق يكشف التفاصيل!    بعمر "41" عامًا .. لاعب المريخ و منتخب السودان السابق يوقّع لنادي الإتحاد مدني    4 لاعبين في المريخ السوداني على أعتاب المغادرة    شاهد بالصورة.. عريس سوداني يهدي المطربة ندى القلعة والمطرب محمد بشير هاتف (آيفون) 17 بعد إحيائهما حفل زواجه بالقاهرة    شاهد بالفيديو.. في تصرف أثر استغراب المتابعين.. شاب سوداني يصفع صديقه العريس بحزم من المال ويشتتها عليه    متابعات كروية: متى ينتهي مسلسل (الملاعب الافتراضية) في بطولات الأندية والتصفيات الأفريقية..؟!!    دَاركو للطَيران!    واحد من الكشاكيش.. طلع بيش..!!    بالصورة.. وفاة نجم المريخ السوداني والزمالك المصري السابق بعد صراع مع المرض    شاهد.. الفنانة مروة الدولية تفاجئ جمهورها ب(الريل أب رقيبة)    بعمر "41" عامًا .. لاعب المريخ و منتخب السودان السابق يوقّع لنادي الإتحاد مدني    شاهد بالصورة والفيديو.. بأزياء "الجرتق".. عروس سودانية تقوم بتقليد "ترند" عالمي منتشر على "تيك توك"    أغرقنا الكذب يا مولاي .. لا سد النهضة!    عثمان ميرغني يكتب: خيارات البرهان    المريخ يتعادل أمام سانت لوبوبو الكونغولي سلبياً ويفشل في تجاوز الدور التمهيدي    شاهد بالصورة.. القيادية بالحرية والتغيير حنان حسن تبدي استغرابها الشديد من إعتقال أمام مسجد دافع عنها في خطبته وقال: (دخلت الفيسبوك لقيت الناس كلها شغالة حنان أم نخرة)    ترامب داعياً حماس للتحرك بسرعة: لن أتهاون مع أي تأخير        صندوق النقد: السودان يواجه انهياراً نقدياً شاملاً وانكماشاً مزدوجاً    إذاعة الضعين تعود للبث بعد توقف عامين    عاجل.."حماس" تسلم ردها النهائي بشأن خطة ترامب    وزير الصحة يشارك في تدشين الإطار الإقليمي للقضاء على التهاب السحايا بحلول عام 2030    رحلة جبريل إبراهيم من الفشل إلى التحايل والتحليل    حادث مرورى لوفد الشباب والرياضة    كيف تم تحديد التكلفة التي ذكر رئيس الوزراء أنها تبلغ 100 مليار دولار؟    جابر يؤكد دعم الحكومة للقطاع الصناعي لإحداث التنمية الاقتصادية المنشودة    انهيار الجسر الطائر بجامعة الخرطوم إثر اصطدام شاحنة    عملية أمنية محكمة في السودان تسفر عن ضبطية خطيرة    شاهد بالفيديو.. الفنان شريف الفحيل يعود للهجوم على المطرب محمد بشير والناشطة ماما كوكي: (حمادة صوته نسائي وشبيه بصوت ندى القلعة و"ماما كاكا" خرابة بيوت وتريد أن تصيبني بالجنون)    ترامب يوقع أمرا يعتبر فيه أي هجوم على أراضي قطر تهديدا لأمن الولايات المتحدة    شاهد بالفيديو.. عروس سودانية تشكو: (راجلي كان مبسوط و"ينطط" في الصالة ليلة الفرح وعندما ذهبنا للشقة طلع "تمبرلي" و "عوير")    السودان..محكمة تفصل في البلاغ"2926″    السجائر الإلكترونية قد تزيد خطر الإصابة بالسكري    الإعلامية السودانية "لنا مهدي" تشارك ب"كورونامايسين" في معرض الرياض الدولي للكتاب    "يوتيوب" يدفع لترامب 24.5 مليون دولار    الاقصاء: آفة العقل السياسي السوداني    بمكالمة من واشنطن.. نتنياهو يعرب عن أسفه لانتهاك سيادة قطر    القبض على 3 أصحاب مخابز استولوا على أموال الدعم    ضبط شخص بالإسكندرية ينصب على المواطنين بزعم قدرته على العلاج الروحاني    والي نهر النيل يطلع على ترتيبات دخول خمسة آلاف فدان للموسم الشتوي في محلية البحيرة    الطاهر ساتي يكتب: حمى الصراع ..(2)    الرواية... الفن والدور السياسي    بعد تسجيل حالات..السلطات الصحية في الشمالية تطلق صافرة الإنذار    حسين خوجلي يكتب: بعد جرح الدوحة أليس من حقنا أن نتسائل أين اليمين العربي؟    بورتسودان.. حملات وقائية ومنعية لمكافحة الجريمة وإزالة الظواهر السالبة وضبط المركبات غير المقننة    لجنة أمن ولاية الخرطوم: ضبطيات تتعلق بالسرقات وتوقيف أعداد كبيرة من المتعاونين    "نهاية مأساوية" لطفل خسر أموال والده في لعبة على الإنترنت    ضياء الدين بلال يكتب: (معليش.. اكتشاف متأخر)!    وصية النبي عند خسوف القمر.. اتبع سنة سيدنا المصطفى    جنازة الخوف    حكاية من جامع الحارة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



غنوا للمريخاب اغنية (اطب طب) وابعدوا لينا بعيد
محمد عبد الماجد نشر في النيلين يوم 24 - 02 - 2014

الهلالاب شفوت ... (بس الكلام دا ما يطلع من العمود دا)...الناس ديل ما يكشفوا (تكتيككم).
الكلام دا ما القاهو حايم برة.
ما يطلع كيف؟..(عمودك دا إلّا تكتبوا بالصيني).
بالصيني اكتبوا لي منو لي (ضفر).
بالصيني (معتصم جعفر) ما يفهمو لي.
بالصيني اعمل بيه شنو؟.
حكاية (الصيني) دي ذكرتني ليك بي قصة واحد قدر ما اتقدم لي (بنت) رفضوه.
عندو سبع بنات اعم ..ما خلي فيهن واحدة.
كل خميس بتقدم لي واحدة فيهن.
البتقدم ليها كلها بترفض.
زمان طبعا كان في (تقليعة) البنت لمن ترفض ليها عريس بتقول بطريقة ظريفة كدا (عاوزة اقرأ)..عشان العريس ما يتعقد.
هسع الحكاية دي بقت ما في ..البنت بي عين قوية كدا بترفض العريس.
قلت ليكم (الواتس آب) بعلم قوة العين (ما صدقتوني).
المهم زولكم دا اي بنت اتقدم ليها رفضتو.
بنات عمو ..بنات الخالة ..بنات الجيران ..بنات الجامعة ..بنات المواصلات.
اي واحدة رفضتو..زولكم لمن اتعقد في (حلقو).
طبعا ما في اي علاقة بين العقد والحلق.
صاحبكم قرب تجيّه نفسيات.
عندو صاحبو بحاول يطلعو من الحتة دي ..كل مرة بطلع معاه العصر ويمشي معاه البحر.
صاحبو لقى نفسياتو في الواطة قال ليه ..انت البنت البتتقدم ليها المرة القادمة اتقدم ليها ب (الصيني).
بالصيني كيف يعني؟.
يعني اطلب يدها بالصيني ...(العربي) دا خليه ...عربيك دا (بطيخة) ما بجيبها ليك.
صاحبكم قال لي صاحبو لكن انا ما بعرف (صيني).
صاحبو قال ليه اول ابو البنت البتتقدم ليه عشان تطلب ايد بنتو بعرف (صيني) عشان انت تعرف..امشي (لتق) ليه كلام من رأسك كدا ..الفارزو غلط من صاح منو؟.
زولكم شاف ليه اول خميس واقع (خميس) ومشى اتقدم وطلب ليه (يد بنت).
دخلوا على اهل العروس ..والعريس (مطرف) ما عاوز يقول ليه كلمة عربية.
كلامو كلو صيني ..ني هاو ..وهي داب ..وشونغ كونغ بونغ.
ابو العروس قال ليه عاوز شنو؟...في بترول ظهر في بيتي دا.
العريس قال ليه : ترونغ كورنغ بونغ..(يعني عاوز بنتك الصغيرة).
ابو البنت طبعا ما فهم اي حاجة.
يا زول مالك؟.
تولنغ سارتغ شورنو كدل فوش.
الكلام دا تفسيرو يعني بلة جابر ما عندو اي كورة.
هسع بلة جابر الدخلو هنا شنو؟.
يا زول انت بتقول في شنو؟.
شلتغ كوتدر فانغ شلبتغ.
ابو البنت ما فهم اي حاجة ..لكن عرف ليك الكلام البقول فيه الزول دا كلام (صيني)...قدر ما حاول (يدردق) الزول دا عشان يقول ليه كلمة بالعربي ما قالها.
يا ود الناس انت عاوز شنو؟.
شوناي هنداي فاتر شو.
شنو؟.
شوناي هنداي فاتر شو.
قلت شنو؟.
شوناي هنداي فاتر شو.
ابو البنت وقت كتر الدغالة حقتو ..البنت جاءت طالعة من جوة وقالت لي ابوها ..الزول دا بقول ليك عاوز يد بنتك (هند) ..يعني عاوز يعرسني انا .. انت يا حاج إلا يقولها ليك بالعربي كدا ..ما تفهمها براك.
هند شرحت الكلام ورجعت جوة تكمل (خجلها).
الخجل كاتلها.
ابو البنت شفت ...كورك لي المدام قال ليها الناس ديل وقت صينيين كدا اضبحي ليهم (الكلبة) الوالدة برة دي.
العريس سمع الكلام ..قام بدون ما يشعر قال ليه : (الكلبة العاوز يأكلها ليك منو؟..انت يا حاج زول متقدم يطلب يد بنتك تضبح ليه كلبة).
ابو البنت طوالي قام وقال ليه طيب انت وقت بتعرف تتكلم عربي ..مالك شابكنا من الصباح (شوناي هندي فاتر شو)..انت عاوز بنتي وإلّا عاوز ليك (فاكس).
العريس ما عرف يمشي وين؟...بقى اقل من (السمسمة).
يا ود الناس والله دخلت لينا قصة (صينية) ما عندنا بيها اي علاقة.
انتوا ما تقولوا الحمدلله ما عملتها ليكم (روسية).
والله اقلبها ليكم (روسية) للصباح ما تتفكوا مني.
الهلال ما كويس.
شفتوا رجعت ليكم سريع كيف للموضوع.
كلامكم كتير ..زي (الطايوق).
اول (الطايوق) كلامو كتير.
دسدسوا حاجاتكم يا ناس الهلال...ما تشكروا الهلال (المريخاب عينهم حارة زي البامية).
علاقة البامية بالعين الحارة شنو؟...(والله انت غير انك لخبطتنا ما عملت لينا اي حاجة).
هو نحن وين؟.
هو في شنو؟.
اعملوا فيها زعلانين يا هلالاب من اداء الفريق (ونفخوا جضومكم).
الهلال اتعادل مع الميرغني ...واتعادل قبل كدا مع اطلع برة ...(البعملوا فيه ناس الهلال دا شنو؟).
في فريق ح يلعب مع (الملعب) المالي بعد اسبوع يتعادل لي مع (الميرغني).
انتوا عاوزين تلحقوا المريخ وإلا شنو؟.
الكلام دا نحن ما بنفع معانا.
ناس المريخ معاهم (6) حكام ..هنا تلاتة حكام في مباراة الذهاب ..وهناك تلاتة حكام في مباراة الاياب ...مع دا طاروا طيرة اب ريش من اب دريش.
ما تكشفوا ليهم اوراقكم.
اعملوا رايحين.
اعملوا زعلانين.
اكتلوا (ضلكم).
ضلنا طبعا (المريخ).
الايامات دي صلّحوا علاقاتكم مع (المريخاب).
قولوا ليهم انتوا احسن ناس ...انتوا (العالمي) ذاتو.
انتوا (الزعيم).
انتوا ما في زيكم ...(طبطبوا) ليهم شوية.
غنوا ليهم اغنية نانسي عجرم.
اطبطب و ادلع جا يقول انا اتغيرت عليه
انا ازعل اولع ماهو كل همه ازاى ارضيه
لو ازعل منه و آثر يقول بأقصر فى حقه و يأخد جنب
ولو افهمه يقول باظلمه يفضل يحسسنى بمية ذنب
لو ازعل منه و آثر يقول بأقصر فى حقه و يأخد جنب
ولو افهمه يقول باظلمه يفضل يحسسنى بمية ذنب
قولوله ده انا برده ساعات في حالات مرة ازعل مرة اديله عينى
اكتلوا ليهم حيلهم..(انتوا احسن ناس).
قولوا لي ناس المريخ عندكم (مقصورة) حاجة ما تخلص.
احسن من مقصورة كامب نو.
انتوا خسرانين حاجة.
اتكلموا ليهم عن (نجيلتهم)...قالوا غيروا (النجيلة) ، يغيروا النجيلة عشان شنو؟.
عشان يخرجوا فيها طلبة الكلية الحربية.
ما عندكم حاجة في الموسم دا.
لكن مالو ..مرات (برشلونة) بتعمل في نفس الحاجات البتعملوا فيها دي.
ريال مدريد ذاتو بطلع.
يا جماعة يا هلالاب انتوا لازم تصبروا (المريخاب).
جاملوهم ..الزول لمن يطلع من (التمهيدي) زي المات ليه زول.
ما صاح تشمتوا في المريخ.
ما تبقوا زي (عصام الحاج)...كدا ما صاح.
الموضوع عادي ..بحصل في ارقى العائلات.
كلموهم عن (البطولات المحمولة جوا).
قولوا ليهم نظموا بطولة سيكافا...(عشان يطلعوا من الحتة الصعبة دي).
اقيفوا معاهم...(عندكم مباراة صعبة مع الملعب المالي).
اكتلوا ليهم (قلبهم).
غشوهم.
الحاجات دي بتغلبكم.
قولوا ليهم ..عندكم افضل هجوم.
وافضل دفاع.
مشوا المواضيع يا جماعة ما تقيفوا ليهم على الواحدة كدا.
راجياكم مباراة صعبة يا هلالاب (لازم تصلحوا علاقتكم مع المريخاب).
خلاص سخرتوا منهم بما فيه الكفاية.
بعد كدا البتعملوا فيه دا ما صاح منكم.
ما في صالحكم؟
غيروا السيرة ..وغيروا الموضوع واقلبوا الشريط.
الهلال عندو مباراة يوم السبت مع الملعب المالي ..(وحال الهلال غير مطمئن).
نغشكم يعني ..(بس الكلام دا اكتلوه قبلو).
ما يطلع برة.
اعملوا فيها ما عارفين اي حاجة ..وما جايبين اي خبر.
ما تشتغلوا بالمباراة ..قولوا ليهم الايامات دي هي ذاتها ذكرى رحيل (وردي) التانية.
لو جابوا ليكم سيرة الكورة ...كلموهم عن جائزة الطيب صالح.
كورة شنو؟.
هو الناس في شنو وانتوا في شنو؟.
حدثوهم عن (تعليق) المفاوضات في اديس ابابا.
الناس بتموت ...انتوا بتتكلموا عن الكورة.
هي وينها الكورة؟ ..البغالطو فيها ...حارقين دمكم ساكت.
بويا يجيب ليه قون كل (6) شهور ..يشغل بيه الناس ...والناس تقعد تتكلم عن (الهدف) سنة كاملة.
ما تقعدوا (تتكرعوا) لينا ساكت في هدف (بويا).
الهلال غير مطمئن ...عشان كدا اعملوا رايحين.
انتقدوا المدرب.
وانتقدوا اللاعبين.
وانتقدوا الاستاد.
وانتقدوا الاعلام.
وانتقدوا المجلس ...(هسع دا مجلس ليكم).
خلوا المريخاب (يتخدعوا).
طبعا حكاية الهلال كعب ..والاداء سلبي ..الناس زعلانة ...(دا كلو خطة من ناس الهلال).
الهلالاب ديل اصلو ما بتلحقو.
عارفين بعملوا في شنو؟.
هلالنا مية مية ...(لكن ساكت بنقول كعب فوق رأي).
انتوا قولوا (كعب) ... خلوا المريخاب يصدقوا.
قلت ليكم ناس الهلال (شفوت).
مفتحين...ما صدقتوني قعدتوا تغالطوا.
اداء الهلال (سلبي).
كمان عاوزننا ندقس دقستكم يا مريخاب.
اصلو ما في واحد فيكم يشكر لينا الهلال الايامات دي.
حكاية (العالمي)...والزعيم ..وكلام الجرايد دا ..نحن ما بنفع معانا..ولا عاوزنو.
عشان ما نقع في نفس الحتة ..والمريخاب يطلعوا يشمتوا فينا.
حكاية (التمهيدي) دا تاني ما تجيبوا سيرتو.
لو اتجبرتو شديد ..قولوا دور ال (64).
طول ما (التمهيدي) بغلط عليهم ..ما تجيبوا ليهم السيرة.
مالوا الخروج من (التمهيدي) ...بحصل لكل الاندية ..الكبيرة والصغيرة.
الموضوع عادي ..(الهلالاب) ساكت كبروا الموضوع.
عملوا ليه قومة وقعدة.
يعني شنو لو خرج المريخ من التمهيدي...(غريبة على المريخ).
كل سنة بطلعوا من (التمهيدي) ...الجديد شنو السنة دي عشان تسيروا المريخاب كدا.
قولوا ليهم بلة جابر نجم الموسم.
انتوا خسرانين حاجة.
شكروا ليهم تراوري ..قولوا ليهم اصبروا عليه شوية.
اصلو ما تغلطوا عليهم.
ناس لعبوا مع (بايرن ميونخ) كمان ساهلين ..وإلّا ساهلين.
يعني شنو لو دفعتوا (12) مليار جنيه عشان تلعبوا مع بايرن ميونخ.
(12) مليار بدفعوها في (تقاوي فاسدة).
اكتلوا ليهم الدش في ايدهم.
خلوا المواضيع تمشي لمن نتجاوز الملعب المالي..وبعد داك ابعدوا لينا بعيد.
خلونا نتأهل ..تاني بنرجع للتمهيدي.
بص اصبروا.
(10) يوم ما قادرين تصبروا يا هلالاب.
ما في زول يناقش ليه مريخابي الايامات دي.
والبناقش ليه مريخابي ...كلموه يتكلم معاه براحة ..ما يغلط عليه.
يعني شنو الخروج من التمهيدي ..ما فيه اي حاجة.
ساكت انتوا الموضوع مغلط عليكم.
ملحوظة : (التمهيدي) كاتمنو في قلبنا الي حين.
هوامش
جميل انو الهلال اتعادل مع الميرغني.
الايامات دي ما عاوزين اي نتيجة تغشنا.
وجميل ان اداء الهلال امام هلال كادوقلي لم يكن مقنع.
حكاية العرض الجميل والعالمي ..وكلام اخوانا ديك نحن ما بنعرف معانا.
كمان تسمعوا ليكم كلمة حلوة ..تطلعوا لينا من البطولة الافريقية.
احسن شدوها معاهم.
كدا احسن.
اقول ليكم الكلام الجد ...الهلال ح يتجاوز ان شاءالله الملعب المالي.
لا في شندي ولا في كريمة ولا في الخرطوم ولا في الدمازين.
الهلال ح يتجاوز ليكم الملعب المالي في ملعبو ذاتو.
ان شاءالله ح اكتب ليكم موضوع بعد المباراة بعنوان (الهلال يغلب الملعب في ملعبو).
اتذكروا الكلام دا.
ح ارجع ليه.
لكن هسع اعملوا فيها زعلانين.
اعملوا فيها ما رضيانين.
اعملوا فيها عندكم احساس بالطيران.
ونفسكم مارقة.
غشوا المريخاب ديل.
ناس المريخ ديل ممكن يشتغلوا ليكم شغل الدغالة.
يعني حكم مباراة الهلال والملعب في الخرطوم ...ممكن يتم احتواءه من قبل الجماعة.
ناس لجنة التسيير كلموهم.
قولوا ليهم شغل الطيبة دا ما بنفع.
قولوا ليهم ناس المريخ ديل اعملوا حسابكم منهم.
الزول لمن يطير من التمهيدي ممكن يعمل اي حاجة.
يا سعادة اللواء احمد عطا المنان ..هل تسمعني.
اعملوا حسابكم من المريخ قبل الملعب المالي.
الحاجات دي نحن عارفنها ومجربنها.
لو لعبتوا في شندي او في كريمة او في الدمازين ..اعملوا حسابكم من (رش الملعب).
الزول وقت يطلع من التمهيدي ممكن يعمل اي حاجة.
نحن قلنا ليكم.
نحن حدثناكم.
مباراة الذهاب ايضا في مالي ..قد تصتطدموا بالمريخ في مالي.
الجماعة البعرقلوا نقل المباراة في يوغندا بواسطة السفارة ..ما تستبعدوا يعملوا اي حاجة.
ديل عندهم (سفارات) شغالة تحتهم.
ديل فريقهم ذاتو بحفروا ليه..ما يحفروا للهلال.
الكلام دا واضح.
الكلام دا صريح.
اها بعد كدا يكتبوا ليكم شنو؟.
ديل السلك الكهربة (نتفوه) من عربة التلفزة.
الكلام دا عملوه في مباراتهم.
اها في مباراتنا يعملوا شنو؟.
....
عاجل : ناس المريخ فرحانين عشان العجب جاب فيهم قون..انتوا المريخ دا مريخ الجيران.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.