شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس)    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    لماذا نزحوا إلى شمال السودان    شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم)    جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة    شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر    أردوغان: لا يمكننا الاكتفاء بمتابعة ما يجري في السودان    مناوي .. سلام على الفاشر وأهلها وعلى شهدائها الذين كتبوا بالدم معنى البطولة    وزير الطاقة يتفقد المستودعات الاستراتيجية الجديدة بشركة النيل للبترول    المالية توقع عقد خدمة إيصالي مع مصرف التنمية الصناعية    بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية    أردوغان يفجرّها داوية بشأن السودان    القادسية تستضيف الامير دنقلا في التاهيلي    بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو"    اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا    وزير سوداني يكشف عن مؤشر خطير    مانشستر يونايتد يتعادل مع توتنهام    ((سانت لوبوبو الحلقة الأضعف))    شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط)    بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي)    إحباط محاولة تهريب عدد 200 قطعة سلاح في مدينة عطبرة    السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء    الترتيب الجديد لأفضل 10 هدافين للدوري السعودي    «حافظ القرآن كله وعايشين ببركته».. كيف تحدث محمد رمضان عن والده قبل رحيله؟    محمد رمضان يودع والده لمثواه الأخير وسط أجواء من الحزن والانكسار    وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب"    أول جائزة سلام من الفيفا.. من المرشح الأوفر حظا؟    مركزي السودان يصدر ورقة نقدية جديدة    برشلونة ينجو من فخ كلوب بروج.. والسيتي يقسو على دورتموند    شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….")    "واتساب" يطلق تطبيقه المنتظر لساعات "أبل"    بنك السودان .. فك حظر تصدير الذهب    بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات    ما الحكم الشرعى فى زوجة قالت لزوجها: "من اليوم أنا حرام عليك"؟    غبَاء (الذكاء الاصطناعي)    مخبأة في باطن الأرض..حادثة غريبة في الخرطوم    رونالدو يفاجئ جمهوره: سأعتزل كرة القدم "قريبا"    صفعة البرهان    حرب الأكاذيب في الفاشر: حين فضح التحقيق أكاذيب الكيزان    دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة    عقد ملياري لرصف طرق داخلية بولاية سودانية    السودان.. افتتاح غرفة النجدة بشرطة ولاية الخرطوم    5 مليارات دولار.. فساد في صادر الذهب    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    الحُزن الذي يَشبه (أعِد) في الإملاء    السجن 15 عام لمستنفر مع التمرد بالكلاكلة    عملية دقيقة تقود السلطات في السودان للقبض على متّهمة خطيرة    وزير الصحة يوجه بتفعيل غرفة طوارئ دارفور بصورة عاجلة    الجنيه السوداني يتعثر مع تضرر صادرات الذهب بفعل حظر طيران الإمارات    تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب    (مبروك النجاح لرونق كريمة الاعلامي الراحل دأود)    المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية    حسين خوجلي يكتب: التنقيب عن المدهشات في أزمنة الرتابة    دراسة تربط مياه العبوات البلاستيكية بزيادة خطر السرطان    والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة    شكوك حول استخدام مواد كيميائية في هجوم بمسيّرات على مناطق مدنية بالفاشر    السجائر الإلكترونية قد تزيد خطر الإصابة بالسكري    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



غنوا للمريخاب اغنية (اطب طب) وابعدوا لينا بعيد
قوون نشر في قوون يوم 22 - 02 - 2014

الهلالاب شفوت ... (بس الكلام دا ما يطلع من العمود دا)...الناس ديل ما يكشفوا (تكتيككم).
الكلام دا ما القاهو حايم برة.
ما يطلع كيف؟..(عمودك دا إلّا تكتبوا بالصيني).
بالصيني اكتبوا لي منو لي (ضفر).
بالصيني (معتصم جعفر) ما يفهمو لي.
بالصيني اعمل بيه شنو؟.
حكاية (الصيني) دي ذكرتني ليك بي قصة واحد قدر ما اتقدم لي (بنت) رفضوه.
عندو سبع بنات اعم ..ما خلي فيهن واحدة.
كل خميس بتقدم لي واحدة فيهن.
البتقدم ليها كلها بترفض.
زمان طبعا كان في (تقليعة) البنت لمن ترفض ليها عريس بتقول بطريقة ظريفة كدا (عاوزة اقرأ)..عشان العريس ما يتعقد.
هسع الحكاية دي بقت ما في ..البنت بي عين قوية كدا بترفض العريس.
قلت ليكم (الواتس آب) بعلم قوة العين (ما صدقتوني).
المهم زولكم دا اي بنت اتقدم ليها رفضتو.
بنات عمو ..بنات الخالة ..بنات الجيران ..بنات الجامعة ..بنات المواصلات.
اي واحدة رفضتو..زولكم لمن اتعقد في (حلقو).
طبعا ما في اي علاقة بين العقد والحلق.
صاحبكم قرب تجيّه نفسيات.
عندو صاحبو بحاول يطلعو من الحتة دي ..كل مرة بطلع معاه العصر ويمشي معاه البحر.
صاحبو لقى نفسياتو في الواطة قال ليه ..انت البنت البتتقدم ليها المرة القادمة اتقدم ليها ب (الصيني).
بالصيني كيف يعني؟.
يعني اطلب يدها بالصيني ...(العربي) دا خليه ...عربيك دا (بطيخة) ما بجيبها ليك.
صاحبكم قال لي صاحبو لكن انا ما بعرف (صيني).
صاحبو قال ليه اول ابو البنت البتتقدم ليه عشان تطلب ايد بنتو بعرف (صيني) عشان انت تعرف..امشي (لتق) ليه كلام من رأسك كدا ..الفارزو غلط من صاح منو؟.
زولكم شاف ليه اول خميس واقع (خميس) ومشى اتقدم وطلب ليه (يد بنت).
دخلوا على اهل العروس ..والعريس (مطرف) ما عاوز يقول ليه كلمة عربية.
كلامو كلو صيني ..ني هاو ..وهي داب ..وشونغ كونغ بونغ.
ابو العروس قال ليه عاوز شنو؟...في بترول ظهر في بيتي دا.
العريس قال ليه : ترونغ كورنغ بونغ..(يعني عاوز بنتك الصغيرة).
ابو البنت طبعا ما فهم اي حاجة.
يا زول مالك؟.
تولنغ سارتغ شورنو كدل فوش.
الكلام دا تفسيرو يعني بلة جابر ما عندو اي كورة.
هسع بلة جابر الدخلو هنا شنو؟.
يا زول انت بتقول في شنو؟.
شلتغ كوتدر فانغ شلبتغ.
ابو البنت ما فهم اي حاجة ..لكن عرف ليك الكلام البقول فيه الزول دا كلام (صيني)...قدر ما حاول (يدردق) الزول دا عشان يقول ليه كلمة بالعربي ما قالها.
يا ود الناس انت عاوز شنو؟.
شوناي هنداي فاتر شو.
شنو؟.
شوناي هنداي فاتر شو.
قلت شنو؟.
شوناي هنداي فاتر شو.
ابو البنت وقت كتر الدغالة حقتو ..البنت جاءت طالعة من جوة وقالت لي ابوها ..الزول دا بقول ليك عاوز يد بنتك (هند) ..يعني عاوز يعرسني انا .. انت يا حاج إلا يقولها ليك بالعربي كدا ..ما تفهمها براك.
هند شرحت الكلام ورجعت جوة تكمل (خجلها).
الخجل كاتلها.
ابو البنت شفت ...كورك لي المدام قال ليها الناس ديل وقت صينيين كدا اضبحي ليهم (الكلبة) الوالدة برة دي.
العريس سمع الكلام ..قام بدون ما يشعر قال ليه : (الكلبة العاوز يأكلها ليك منو؟..انت يا حاج زول متقدم يطلب يد بنتك تضبح ليه كلبة).
ابو البنت طوالي قام وقال ليه طيب انت وقت بتعرف تتكلم عربي ..مالك شابكنا من الصباح (شوناي هندي فاتر شو)..انت عاوز بنتي وإلّا عاوز ليك (فاكس).
العريس ما عرف يمشي وين؟...بقى اقل من (السمسمة).
يا ود الناس والله دخلت لينا قصة (صينية) ما عندنا بيها اي علاقة.
انتوا ما تقولوا الحمدلله ما عملتها ليكم (روسية).
والله اقلبها ليكم (روسية) للصباح ما تتفكوا مني.
الهلال ما كويس.
شفتوا رجعت ليكم سريع كيف للموضوع.
كلامكم كتير ..زي (الطايوق).
اول (الطايوق) كلامو كتير.
دسدسوا حاجاتكم يا ناس الهلال...ما تشكروا الهلال (المريخاب عينهم حارة زي البامية).
علاقة البامية بالعين الحارة شنو؟...(والله انت غير انك لخبطتنا ما عملت لينا اي حاجة).
هو نحن وين؟.
هو في شنو؟.
اعملوا فيها زعلانين يا هلالاب من اداء الفريق (ونفخوا جضومكم).
الهلال اتعادل مع الميرغني ...واتعادل قبل كدا مع اطلع برة ...(البعملوا فيه ناس الهلال دا شنو؟).
في فريق ح يلعب مع (الملعب) المالي بعد اسبوع يتعادل لي مع (الميرغني).
انتوا عاوزين تلحقوا المريخ وإلا شنو؟.
الكلام دا نحن ما بنفع معانا.
ناس المريخ معاهم (6) حكام ..هنا تلاتة حكام في مباراة الذهاب ..وهناك تلاتة حكام في مباراة الاياب ...مع دا طاروا طيرة اب ريش من اب دريش.
ما تكشفوا ليهم اوراقكم.
اعملوا رايحين.
اعملوا زعلانين.
اكتلوا (ضلكم).
ضلنا طبعا (المريخ).
الايامات دي صلّحوا علاقاتكم مع (المريخاب).
قولوا ليهم انتوا احسن ناس ...انتوا (العالمي) ذاتو.
انتوا (الزعيم).
انتوا ما في زيكم ...(طبطبوا) ليهم شوية.
غنوا ليهم اغنية نانسي عجرم.
اطبطب و ادلع جا يقول انا اتغيرت عليه
انا ازعل اولع ماهو كل همه ازاى ارضيه
لو ازعل منه و آثر يقول بأقصر فى حقه و يأخد جنب
ولو افهمه يقول باظلمه يفضل يحسسنى بمية ذنب
لو ازعل منه و آثر يقول بأقصر فى حقه و يأخد جنب
ولو افهمه يقول باظلمه يفضل يحسسنى بمية ذنب
قولوله ده انا برده ساعات في حالات مرة ازعل مرة اديله عينى
اكتلوا ليهم حيلهم..(انتوا احسن ناس).
قولوا لي ناس المريخ عندكم (مقصورة) حاجة ما تخلص.
احسن من مقصورة كامب نو.
انتوا خسرانين حاجة.
اتكلموا ليهم عن (نجيلتهم)...قالوا غيروا (النجيلة) ، يغيروا النجيلة عشان شنو؟.
عشان يخرجوا فيها طلبة الكلية الحربية.
ما عندكم حاجة في الموسم دا.
لكن مالو ..مرات (برشلونة) بتعمل في نفس الحاجات البتعملوا فيها دي.
ريال مدريد ذاتو بطلع.
يا جماعة يا هلالاب انتوا لازم تصبروا (المريخاب).
جاملوهم ..الزول لمن يطلع من (التمهيدي) زي المات ليه زول.
ما صاح تشمتوا في المريخ.
ما تبقوا زي (عصام الحاج)...كدا ما صاح.
الموضوع عادي ..بحصل في ارقى العائلات.
كلموهم عن (البطولات المحمولة جوا).
قولوا ليهم نظموا بطولة سيكافا...(عشان يطلعوا من الحتة الصعبة دي).
اقيفوا معاهم...(عندكم مباراة صعبة مع الملعب المالي).
اكتلوا ليهم (قلبهم).
غشوهم.
الحاجات دي بتغلبكم.
قولوا ليهم ..عندكم افضل هجوم.
وافضل دفاع.
مشوا المواضيع يا جماعة ما تقيفوا ليهم على الواحدة كدا.
راجياكم مباراة صعبة يا هلالاب (لازم تصلحوا علاقتكم مع المريخاب).
خلاص سخرتوا منهم بما فيه الكفاية.
بعد كدا البتعملوا فيه دا ما صاح منكم.
ما في صالحكم؟
غيروا السيرة ..وغيروا الموضوع واقلبوا الشريط.
الهلال عندو مباراة يوم السبت مع الملعب المالي ..(وحال الهلال غير مطمئن).
نغشكم يعني ..(بس الكلام دا اكتلوه قبلو).
ما يطلع برة.
اعملوا فيها ما عارفين اي حاجة ..وما جايبين اي خبر.
ما تشتغلوا بالمباراة ..قولوا ليهم الايامات دي هي ذاتها ذكرى رحيل (وردي) التانية.
لو جابوا ليكم سيرة الكورة ...كلموهم عن جائزة الطيب صالح.
كورة شنو؟.
هو الناس في شنو وانتوا في شنو؟.
حدثوهم عن (تعليق) المفاوضات في اديس ابابا.
الناس بتموت ...انتوا بتتكلموا عن الكورة.
هي وينها الكورة؟ ..البغالطو فيها ...حارقين دمكم ساكت.
بويا يجيب ليه قون كل (6) شهور ..يشغل بيه الناس ...والناس تقعد تتكلم عن (الهدف) سنة كاملة.
ما تقعدوا (تتكرعوا) لينا ساكت في هدف (بويا).
الهلال غير مطمئن ...عشان كدا اعملوا رايحين.
انتقدوا المدرب.
وانتقدوا اللاعبين.
وانتقدوا الاستاد.
وانتقدوا الاعلام.
وانتقدوا المجلس ...(هسع دا مجلس ليكم).
خلوا المريخاب (يتخدعوا).
طبعا حكاية الهلال كعب ..والاداء سلبي ..الناس زعلانة ...(دا كلو خطة من ناس الهلال).
الهلالاب ديل اصلو ما بتلحقو.
عارفين بعملوا في شنو؟.
هلالنا مية مية ...(لكن ساكت بنقول كعب فوق رأي).
انتوا قولوا (كعب) ... خلوا المريخاب يصدقوا.
قلت ليكم ناس الهلال (شفوت).
مفتحين...ما صدقتوني قعدتوا تغالطوا.
اداء الهلال (سلبي).
كمان عاوزننا ندقس دقستكم يا مريخاب.
اصلو ما في واحد فيكم يشكر لينا الهلال الايامات دي.
حكاية (العالمي)...والزعيم ..وكلام الجرايد دا ..نحن ما بنفع معانا..ولا عاوزنو.
عشان ما نقع في نفس الحتة ..والمريخاب يطلعوا يشمتوا فينا.
حكاية (التمهيدي) دا تاني ما تجيبوا سيرتو.
لو اتجبرتو شديد ..قولوا دور ال (64).
طول ما (التمهيدي) بغلط عليهم ..ما تجيبوا ليهم السيرة.
مالوا الخروج من (التمهيدي) ...بحصل لكل الاندية ..الكبيرة والصغيرة.
الموضوع عادي ..(الهلالاب) ساكت كبروا الموضوع.
عملوا ليه قومة وقعدة.
يعني شنو لو خرج المريخ من التمهيدي...(غريبة على المريخ).
كل سنة بطلعوا من (التمهيدي) ...الجديد شنو السنة دي عشان تسيروا المريخاب كدا.
قولوا ليهم بلة جابر نجم الموسم.
انتوا خسرانين حاجة.
شكروا ليهم تراوري ..قولوا ليهم اصبروا عليه شوية.
اصلو ما تغلطوا عليهم.
ناس لعبوا مع (بايرن ميونخ) كمان ساهلين ..وإلّا ساهلين.
يعني شنو لو دفعتوا (12) مليار جنيه عشان تلعبوا مع بايرن ميونخ.
(12) مليار بدفعوها في (تقاوي فاسدة).
اكتلوا ليهم الدش في ايدهم.
خلوا المواضيع تمشي لمن نتجاوز الملعب المالي..وبعد داك ابعدوا لينا بعيد.
خلونا نتأهل ..تاني بنرجع للتمهيدي.
بص اصبروا.
(10) يوم ما قادرين تصبروا يا هلالاب.
ما في زول يناقش ليه مريخابي الايامات دي.
والبناقش ليه مريخابي ...كلموه يتكلم معاه براحة ..ما يغلط عليه.
يعني شنو الخروج من التمهيدي ..ما فيه اي حاجة.
ساكت انتوا الموضوع مغلط عليكم.
ملحوظة : (التمهيدي) كاتمنو في قلبنا الي حين.
هوامش
جميل انو الهلال اتعادل مع الميرغني.
الايامات دي ما عاوزين اي نتيجة تغشنا.
وجميل ان اداء الهلال امام هلال كادوقلي لم يكن مقنع.
حكاية العرض الجميل والعالمي ..وكلام اخوانا ديك نحن ما بنعرف معانا.
كمان تسمعوا ليكم كلمة حلوة ..تطلعوا لينا من البطولة الافريقية.
احسن شدوها معاهم.
كدا احسن.
اقول ليكم الكلام الجد ...الهلال ح يتجاوز ان شاءالله الملعب المالي.
لا في شندي ولا في كريمة ولا في الخرطوم ولا في الدمازين.
الهلال ح يتجاوز ليكم الملعب المالي في ملعبو ذاتو.
ان شاءالله ح اكتب ليكم موضوع بعد المباراة بعنوان (الهلال يغلب الملعب في ملعبو).
اتذكروا الكلام دا.
ح ارجع ليه.
لكن هسع اعملوا فيها زعلانين.
اعملوا فيها ما رضيانين.
اعملوا فيها عندكم احساس بالطيران.
ونفسكم مارقة.
غشوا المريخاب ديل.
ناس المريخ ديل ممكن يشتغلوا ليكم شغل الدغالة.
يعني حكم مباراة الهلال والملعب في الخرطوم ...ممكن يتم احتواءه من قبل الجماعة.
ناس لجنة التسيير كلموهم.
قولوا ليهم شغل الطيبة دا ما بنفع.
قولوا ليهم ناس المريخ ديل اعملوا حسابكم منهم.
الزول لمن يطير من التمهيدي ممكن يعمل اي حاجة.
يا سعادة اللواء احمد عطا المنان ..هل تسمعني.
اعملوا حسابكم من المريخ قبل الملعب المالي.
الحاجات دي نحن عارفنها ومجربنها.
لو لعبتوا في شندي او في كريمة او في الدمازين ..اعملوا حسابكم من (رش الملعب).
الزول وقت يطلع من التمهيدي ممكن يعمل اي حاجة.
نحن قلنا ليكم.
نحن حدثناكم.
مباراة الذهاب ايضا في مالي ..قد تصتطدموا بالمريخ في مالي.
الجماعة البعرقلوا نقل المباراة في يوغندا بواسطة السفارة ..ما تستبعدوا يعملوا اي حاجة.
ديل عندهم (سفارات) شغالة تحتهم.
ديل فريقهم ذاتو بحفروا ليه..ما يحفروا للهلال.
الكلام دا واضح.
الكلام دا صريح.
اها بعد كدا يكتبوا ليكم شنو؟.
ديل السلك الكهربة (نتفوه) من عربة التلفزة.
الكلام دا عملوه في مباراتهم.
اها في مباراتنا يعملوا شنو؟.
....
عاجل : ناس المريخ فرحانين عشان العجب جاب فيهم قون..انتوا المريخ دا مريخ الجيران.

انقر هنا لقراءة الخبر من مصدره.