سودارس : المشكلة في (الطبق) ولّا في (النابي)؟

وزير الخارجية المصري يصل بورتسودان محمد حامد جمعة نوار يكتب: نواطير "فينيسيوس جونيور خط أحمر".. ريال مدريد يُحذر تشابي ألونسو الهلال يدشن انطلاقته المؤجلة في الدوري الرواندي أمام أي سي كيغالي كُتّاب في "الشارقة للكتاب": الطيب صالح يحتاج إلى قراءة جديدة عثمان ميرغني يكتب: إيقاف الحرب.. الآن.. مستشار رئيس الوزراء السوداني يفجّر المفاجأة الكبرى مان سيتي يجتاز ليفربول التحرير الشنداوي يواصل إعداده المكثف للموسم الجديد دار العوضة والكفاح يتعادلان سلبيا في دوري الاولي بارقو كلهم حلا و أبولولو..!! السودان لا يركع .. والعدالة قادمة شاهد.. إبراهيم الميرغني ينشر صورة لزوجته تسابيح خاطر من زيارتها للفاشر ويتغزل فيها:(إمرأة قوية وصادقة ومصادمة ولوحدها هزمت كل جيوشهم) البرهان يطلع على أداء ديوان المراجع العام ويعد بتنفيذ توصياته لقاء بين البرهان والمراجع العام والكشف عن مراجعة 18 بنكا شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) السودان الافتراضي ... كلنا بيادق .. وعبد الوهاب وردي شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

المشكلة في (الطبق) ولّا في (النابي)؟

محمد عبد الماجد نشر في النيلين يوم 26 - 02 - 2014

في مشكلة.
يا ربي المشكلة في (توصيلة) الكهربة.
في الطباخ ...(طباخ مين يا عم؟).انت بتلعب على مين ولّا مين ولّا مين؟.
المشكلة في الباب ..ولاّ في المروحة؟.
في صوت غريب (سامعين حاجة).
احلف عليها (المروحة) ما عندها أي دخل بالموضوع دا.
ساكت تعملوها في (المراوح).
إلّا تكونوا عاوزين تدخلوها ساكت ، من غير أي ذنب في البعمل فيه (النابي) دا.
الله أنا قلت (النابي).
ما عاوزين نعملها واضحة.
حكاية (المروحة)...زي حكاية الزول السرقو منو (بقرة)..وقعد يفتش ليها في الحلة.
زولكم السرقو من (البقرة) كان شاكي في ود اعمو (عمر سكنات).
شال (سكينو) ومشى عليه...لقى معاه (حسن بشتنة).
حسن بشتنة كان عارف الزول السرق (البقرة)..وكان متأكد انو (عمر سكنات) دا ما سرق (البقرة)...لكن ما عاوز يفوت (الشكلة) الجاهزة دي...وفي نفس الوقت كان غضبان غضب شديد من (عمر سكنات)..يعني بي بساطة كدا كان عاوز ليه الشكلة.
يستاهل.
اصلاً حسن بشتنة كان بستمتع بالمشاكل البتحصل في الحلة...لذلك فكر لو قال لي صاحب البقرة انو عمر سكنات دا ما سرق البقرة ...تقوم تروح عليه (شكلة) جاهزة.
ولو سكت كمان ما حلوه في حقو.
لذلك قرر حسن بشتنة يشوف ليه حل وسط كدا.
قبل (العمتيبة) ما تبدأ..حسن بشتنة مسك ليك (السكين) من صاحب البقرة ..وقال ليه : والله عمر سكنات دا ما سرق بقرتك ..لكن قبل (7) سنوات كان سرق ليه (عتود) من مراحك.
وقبل (12) سنة ..سرق مروحة صالونكم.
وقبل (21) سنة.. شال (طاقية) ابوك الحاج ود العمتاب.
هيع ..عامل كدا زي (الجزلان) الما فيه شيء غير (البطاقات).
قاعد في (الصقيعة)...زي الشاي المسيخ.
هسع عليكم الله في داعي يجيب سيرة (العتود) دا.
العتود دا بالذات في عمودي دا مفروض ما يظهر.
انتوا تعالوا هنا (اخر ظهور) لهيثم مصطفى في المريخ كان متين؟.
ما تقولوا لي في الموسم الفات.
صاحبكم (حسن بشتنة) ما كان في داعي يرجع للوراء (7) سنوات.
دا رجع (21) سنة.
صاحب البقرة ..خلى البقرة ..ومسك في (العتود).
نحن برضو دخلنا ليكم (المروحة) في بداية العمود بدون أي داعي ..في مباراة ما عندكم فيها أي ذنب.
موش مرات بتجي ماشي بي شارع (التحدي) ..يطلعوا ليك جماعة كدا تقول من كوكب (زحل) ، يمدوا ليك ايصالاتهم ويقولوا ليك تدفع رسوم العبور.
تقول عاوزين نعبر المحيط الهندي.
فجأة كدا ..اتذكرت حاجة تانية.
الفنان محمد الامين قبل ما يطلع المسرح بخلي ليك بتاعين الالات الموسيقية الهوائية ينفخوا في آلاتهم دي (45) دقيقة.
وبتاع (البنقز) يظبط ليك في بنقزو (30) دقيقة.
تقول عاوز يجيب اذاعة لندن.
الفاصل الاول كلو ينتهى في (النفخ) دا ..ثم يظهر ليك محمد الامين في الفاصل التاني.
محمد الامين اصلو نظامو كدا.
ولا بجامل في الحاجات دي.
لكن (فجأة) كدا بقول ليكم.
شكل الهلال امس لم يكن مقنع (نغشكم يعني ) برضو في حاجة غلط.
ما عارف الفلت شنو؟..الملح ..ولاّ البصلة ما ماتت؟.
امس انتصر الهلال على الاهلى الخرطوم وحقق الهلال انتصاره الرابع على التوالى في ممتاز هذا الموسم محافظاً على شباكه خالية من الاهداف.
لكن برضو ما اقتنعنا.
مع ذلك الانتصار...تشعر بخلل واضح في الاداء.
على الاقل العرض غير مقنع ..أو دعونا نقول إن الانتصار نفسه غير مقنع.
هذا مع تثبيت أن الهلال ظهرت فيه نقلات جيدة وعديدة من الدفاع إلى الوسط ..وأن اللعب الممرحل الارضي اخذت بعض ملامحه تظهر في اجزاء من عمر المباراة.
يمكن نكون نحن غلطانين ..والهلال ماشي صاح (إن شاءالله يا رب).
كذلك نحفظ لدفاع الهلال خاصة (اتير توماس) تألق واضح في مباريات الهلال الاخيرة.
ويمكننا أن نختبر دفاع الهلال اكثر في مباراة الهلال الافريقية القادمة امام الملعب المالي.
في مباراة الهلال الافريقية تلك يمكننا أن نكشف دفاع الهلال بصورة عملية.
اغلب الاندية في الدوري الممتاز تلعب (خجولة) أمام الهلال وهى لا انياب (هجومية) لها امام الهلال.
لذلك لا نستطيع أن نحكم على دفاع الهلال بالقوة المطلقة ما لم يختبر افريقياً.
وأن كان يبقى جميلاً أن تبقى شباك الهلال نظيفة بعد مرور (4) اسابيع من الدوري الممتاز.
غير أن مع هذه المزايا التى ثبتناها لنصر الدين النابي ..إلا أن أداء الهلال مازال يفتقد للمسة الجمالية ..ومازالت (المتعة) غائبة عن أداء الهلال.
علماً أن الهلال فيه هذا الموسم اكبر عدد من اصحاب المهارات العالية والاداء الممتع.
لكن (الامتاع) يغيب عن الهلال.
نحن ذاتو ما عارفين المشكلة وين؟.
الهلال إلى الان لعب (4) مباريات دورية في الدوري الممتاز ..سبقها فترة اعدادية جيدة ..وتخللها بعد ذلك مباريات ودية داخلية.
مع هذه المباريات التى خاضها الهلال ودياً ورسمياً ..إلّا أن نصرالدين النابي مازالت غائبة عنه (سر خلطة) الابداع في الهلال.
وهذه مشكلة كبيرة ..إذ لم يعرف النابي أن يقتل (الوحشية) في الاداء والتنافر وعدم التجانس بين لاعبي الهلال..فإنه لن ينال رضاء جمهور الهلال الذي ينتظر العرض قبل النتيجة.
مازلنا نبحث عن (الانس) في الاداء ..والشاي والترمس ..والونسة والضحك في مباريات الهلال.
إلى الان مباريات الهلال اشبه بالدورة التدريبية لمكافحة الملاريا.
اذا استمر الأداء بهذه النتيجة فإننا سوف نهمس في اذن مجلس ادارة نادي الهلال أن يفعّل حيلة جمال الوالي نفسه.
سوف نوصى الحاج عطا المنان أن يخفض مرتبات الجهاز الفني للهلال أن استمر الحال على ما هو عليه الان.
الهلال حتى وهو في اسوأ حالاته في الموسم الماضي كان ينتصر بستة اهداف ..وكان يقدم عروضاً لا تنقصها الروعة رغم أن استقرار الهلال وقتها كان غائباً.
ربما يعلل البعض هذا الاداء بأرضية ملعب استاد الخرطوم ...وهذا تعليل باطل ..لأن الهلال لعب كثيرًا في استاد الخرطوم ويفترض أن يكون خبر مفاتح التطويع فيه.
مثل هذه الارضيات سوف تواجه الهلال كثيرًا ..وهي ملاعب مجازة من قبل الفيفا ..أي أن التعلل بها اضحى امرًا غير مقبول.
يفترض أن يكون الهلال قد تعود على هذه الارضية ..وعرف كيف يجود فيها الاداء.
بدلاً من أن يبرر لنا بعد أي مباراة يلعبها في استاد الخرطوم بسوء ارضية الملعب.
الاسبوع الماضي لعب الهلال في كادوقلي ..وارضية ملعب استاد كادوقلي من اجمل الارضيات في السودان.
مع ذلك تعلل الهلال بسوء الارضية ..ولم يبق للهلال إلا أن يقول إن ارضية ملعب استاد الخرطوم غير جيدة ..وهو يلعب في استاد كادوقلي.
يا ربي تكون المشكلة من (الطبق).
غايتو نحن من حولنا (الطبق) 26 درجة نحو الشرق ..ما كسبنا لينا عافية.
يا خالد الاعيسر ..انتوا اتجاه الشرق دا فيه شنو؟.
طفشتوا مننا الصورة والأداء الجيد.
الكورة بقينا نشوفها زي مسلسل (خريطة الكنز).
مجرد ناس غبش ماشين.
طبقكم دا ما براهو.
رجعوا لينا (طبقنا).
الجماعة ديل (شفوت).
اقول ليكم حاجة.
ديل مرة هفت ليهم كدا ..قالوا نعمل (البكور).
قلنا ليهم (البكور) دا شنو؟.
قالوا لينا البكور دا يعني نجر الساعة ...ساعة.
قلنا ليهم كمان عاوزين تجروا (الزمن).
جروا الساعة.
قالوا يدمجوا الثانوي العام مع الابتدائي عشان تبقى مرحلة واحدة هي مرحلة الاساس.
قلنا ليهم يا جماعة كمان عاوزين تخلقنوا لينا التعليم.
خلقنوه.
قالوا عاوزين يعملوا السبت اجازة رسمية.
قلنا ليهم كدا بتجهجوا لينا جمعتنا ساكت.
هسع غداء الجمعة بقينا نأكلو في فطور السبت.
أي حاجة لخبطوها لينا.
المواقف بتاعة المواصلات دي (حولوها).
الواحد لو ماشي السوق العربي يركب ليه (4) مواصلات في السوق ذاتو عشان يصل للحتة العاوزها.
هسع بعد تحويل (المواقف).
وتحويل (المستشفيات).
قالوا لينا حولوا (الطبق).
قلنا ليهم نحن (الطبق) دا ما بنحولو.
عارفين الناس نقطة ضعفها (الهلال والمريخ).
عشان كدا بقى يجيبوا ليكم مسلسل حسن يوسف في التلفزيون القومي ...ومباراة الهلال في النيلين.
في غتاتة اكتر من دي.
انت يا الاعيسر ..لو عاوز تزعل ...مفروض تزعل في دي.
لو عاوز تستقيل ..مفروض تستقيل في (تحويل) الطبق.
موضوع مباراة المريخ وكمبالا سيتي ما بستاهل ليه (استقالة).
في زول بستقيل في دور ال(64).
دور ال (64) دا ..استقالة (ألفة) سنة رابعة كتيرة عليه.
تستقيل في (التمهيدي) يا خالد الاعيسر.
خسارة استقالة ساكت.
هسع يا خالد الاعيسر انتوا شغلكم دا (لخبطنا)..ما عرفنا الحاصل شنو؟.
ما عرفنا المشكلة في (الطبق) ..ولاّ في (النابي).
في مريخابي قاعد بره ..قال لي انتوا احسن ..انتوا (الطبق) خرب ليكم الاداء ...نحن (الطبق) طيرنا عديل كدا من دور ال (64).
قلت ليه الحمدلله ..مباراة الهلال والملعب في مالي ما منقولة في (النيلين).
لو اتنقلت مع (طبقكم) دا ..كنا طيرنا طوالي.
ملحوظة : نحن حولنا (الطبق)..بعد كدا ح نحول (النابي).
هوامش
غايتو احسن حاجة عملوها ناس النيلين ..هو أن دخل المباريات ارتفع.
احسن تجي من الكلاكلة ..أو الثورة الحارة 100 أو السامراب عشان تدخل كورة في ستاد الخرطوم من تحول (الطبق).
طبق شنو البنحولو كمان.
احسن الناس تتابعها في الاذاعة ..من تحويل الطبق.
ويا ريت لو كانت الكورة بتستاهل.
الأداء زي (الفتريتة).
ما فيه أي متعة.
صلاح الجزولي ما زال غائباً ..وهو من اخطر المهاجمين.
ووارغو في الانتظار.
الشغيل عندما ظهر ..نال نجومية المباراة.
أين محمد عبدالرحمن؟.
بكري المدينة مفروض يقعد شوية في الكنبة.
عاوز ليه اسبوع اسبوعين في الكنبة.
اين مالك مدافع الهلال؟.
واين سامي عبدالله؟.
نتمنى أن يمنح النابي الفرص للاخرين حتى لا ندور في فلك (12) أو (14) لاعباً كما كان في عهد ريكاردو.
كاريكا سجل وكوليبالي سجل ...هجوم الهلال الكهربة رجعت ليه.
.............
عاجل : يا جماعة ما ترجعوا لينا (النيلين) نايل سات وقت خالد الاعيسر دا استقال.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.