سودارس : الدقيقة كم ؟

مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) شاهد بالفيديو.. والدة الفنان الراحل محمود عبد العزيز: الحوت تعرض لظلم فادح من هؤلاء وهذا ما فعلته عندما علمت بتعاطيه "السجائر" وهو طالب في الثانوي والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي بالصورة.. البرنس هيثم مصطفى وزيراً للرياضة في السودان اكتمال عقد الجهاز الفني للكمال قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر "آبل" تستعد لإطلاق أول آيفون قابل للطي شاهد بالفيديو.. نجمة السوشيال ميديا السودانية هبة الجندي تعود للظهور بعد غياب طويل بتقرير إخباري عن الأحداث السودانية وتطورها شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية "يغفر الله للجميع إلا باجيو!".. مأساة اللاعب الذي مات واقفا – فيديو النفط ينخفض 1% بعد تقرير ترامب إنهاء حرب إيران اختبار نسخة مدفوعة جديدة من "إنستغرام" عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* قرار لحكومة السودان بشأن معبر أدري عثمان ميرغني يكتب: فساد.. الفساد.. إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الدقيقة كم ؟

محمد عبد الماجد نشر في النيلين يوم 04 - 08 - 2014

الهدف في الهلال اسهل من اللا هدف – الكورة لو شاتوها في الكشافات بتجي قون
"""""""""""""""""""""""""
في الهلال احتمال واحد ممكن الكورة تطلع – و(19) احتمال ممكن الكورة تجي قون
""""""""""""""""""""""""""""
اي مريخابي الايامات دي تقابلو يقول ليك عندنا (حيطة) وقعت...ما عندهم كورة يتكلمو فيها
""""""""""""""""""""""
قون الدقائق الاخيرة دي زي الزول الطلع من عملية خطيرة واتجاوز مرحلة الخطورة ..قام مات بعد ما عملوا ليه كرامة العملية
"""""""""""""""""""""""""
. في الامتحانات – وقت تكون يا دوب بتقرأ في الاسئلة وبتمخمخ في الاجابات ..وبتنفض في القلم...وبتعاين بالشباك.
. هسع المعاينة بالشباك الدخلها هنا شنو؟.
. قبل ما تعمل اي حاجة.
. في طلاب بقولوا عاوزين يشربوا...(هو متين الامتحان بدأ؟).
. في مراقب بكون لابس ليه قميص اصفر (اصفر ليه؟...ما عارف)...وحايم في الفصل متل (حكم الرأية).
. يطير الاجابة من الرأس – (اسوأ حاجة يقيف في رأسك المراقب).
. مراقب لابس ليه قميص اصفر – ليه؟.
. اصفر ليه؟.
. ما تسألوني الاسئلة التعسفية دي...جاءت كدا.
. ممكن تلقى ليك زول في الشارع وتقول ليه : انت لابس قميص اصفر ليه؟.
. ما بتسألو طبعا.
. اسلئتكم دي في المطر ما فيها ليها اي داعي.
. بس فالحين لي انا.
. انتوا ما تسألوا الوالي.
. والي المريخ – هسع انا قلت والي الخرطوم.
. براكم بتلخبطوا في الكلام – وتقولو الزول كلام ما قالو.
. المهم دائما (المراقب) البكون لابس ليه قميص اصفر وقبل ما تكتب اسمك يقوم يقول للطلاب : (مضى نصف الزمن).
. مراقب ضايق..وجاري لي (مضى نصف الزمن).
. نفسك يقوم.
. تتلخبط في الدنيا دي جنس لخبطة – ما تعرف تعمل شنو؟.
. الاجابة الكانت في رأسك تطير منك.
. الحاجة الحافظها تحتحت منك.
. تنزل زي القصب.
. اول القصب بنزل.
. ما عارف وقت تكون في (مطرة) بتلخبط في الحاجات.
. تبدأ ليك سؤال – تنط للسؤال التاني.
. تكتب اجابة هنا ..وقبل ما تكمل الاجابة تنزل للسؤال التالي.
. حكاية (مضى نصف الزمن) دي ..مفروض ما يقولوها – عشان العبارة دي بتلخبط الطلاب.
. مفروض ناس وزارة التربية والتعليم يمنعوها.
. خاصة لو في واحد من الجماعة (الشفوت) مع قولة (مضى نصف الزمن) مشى جمع الورقة.
. تعاين للطالب دا عشرة – عشرة.
. بالله شوف ..نحن سؤال ما حليناه ..وزولكم جمع ورقة الامتحانات ، وطلع.
. الحركة دي ما كويسة.
. بتشفق الزول على (الشفقة) الاصلا هو شايلها.
. مباريات الهلال في السنوات الاخيرة ، فيها (شفقة) زي الشفقة حقت الامتحانات دي.
. مباريات الهلال في الفترة الاخيرة علمتنا (الشفقة).
. دفقت فينا احساس بالغربة.
. بقينا نطقطق اصابعينا من غير ما نشعر.
. اتعلمنا (ضيق) النعلان من عمر الطيب الدوش (ضاقت نعالي من الزعل).
. نعلينا ضاقت علينا.
. الدوش اول شاعر في الدنيا اكتشف (الضيق) في النعلان – وقت الزول يكون زعلان.
. انت كانسان عادي بتشوف انو ما في اي علاقة بين الزعل والنعلان.
. لكن لو اتبحرت في الموضوع بتكتشف (ضيق) بيجمع بين الزعل والنعال.
. يمكن الدوش وصل لهذا الاكتشاف الخطير من ذلك المنطلق – (ليه الزول وقت يكون زعلان ما بلقى شبشبو؟).
. بقينا في اخر (10) دقائق من عمر اي مباراة – عيونا بتبقى في نص رأسنا.
. يتفاوت فينا الضيق – ونعاين في الساعات متل الزول البكون قاعد في صالة المغادرة – دفع رسوم الغادرة ورامي اضانو لي اشارة التحرك.
. على ركاب الرحلة رقم (515) التوجه نحو البوابة (c).
. المذيعة الداخلية في المطار ليه دائما بتعطش الكاف.
. بتعطشوا الحروف في المطر دي ليه؟.
. وعلى طريقة عادل امام – دا انا غلبان.
. بتعطشوها ليه؟.
. الزول بدون ما يشعر بكون بعاين في الساعة – وبدون ما تشعر ايضا زول بقيف قدامك ويقول ليك انت مسافر القاهرة.
. في (شفقة) سفر بتحصل في المطارات.
. تقوم (الشنط) تتلخبط.
. في احساس بدفق من الناس في صالة المغادرة – احساس خارجي.
. مباريات الهلال بقى يحصل لينا نفس الشيء.
. ندفق من (الشفقة) للاضنين.
. ونغرق في الشفقة للحلق.
. في مباريات الهلال بقينا واقفين برة شعورنا – وماسكين (جك) الموية ، ونتبادل فيما بيننا هذا السؤال : (الدقيقة كم؟).
. الدقيقة كم؟.
. الدقيقة (63).
. مالها الدقيقة (63) دي ما عاوزة تمش؟.
. اليوم كلو جاري.
. السنة جارية – اشمعنا وقفت في الدقيقة (63).
. السنة بتجري زي الطلقة ..ووقت الهلال يكون غالب ...الساعة تعصلج ليك – والدقيقة تبقى ليك زي (الشهر ونص).
. تقيف – وتقعد ..وتطلع برة البيت....وفي ناس كمان بطلعوا في السطوح ويرجعوا تاني يسألو – الدقيقة كم؟.
. الدقيقة (63).
. هي اصلو الدقيقة (63) دي ما عاوزة تمشي – تقول رابطنها في حوض برسيم.
. تشرب ليك شاي.
. وتطلب قهوة.
. يعملوا القهوة من اول وجديد – وتسأل الدقيقة كم؟.
. يقولوا ليك الدقيقة (63).
. ندخل ونطلع من شعورنا – ما قادرين نعيش الفرحة – الهلال متقدم – لكن الهلال ممكن تستقبل شباكه في اي لحظة (هدف).
. الهدف في الهلال اسهل من اللا هدف.
. الكورة لو شاتوها في الكشافات تدخل قون.
. زي واحد كدا وعصفورة.
. زول (اشتر) في شوفو – عاوز يدخل ليه عصفورة في القفص.
. دخل ليك العصفورة برة القفص.
. العصفورة ذاتها طلعت شتره.
. العصفورة عاوزة تطير في الفضاء الواسع – دخلت في القفص.
. الحكاية دي نحن بقت علينا في الهلال.
. ناس المريخ طبعا الاحساس دا هم ما معانا فيه – ما بعيشوا احساس بتاع حرق الاعصاب دا – عشان جماعتنا الطيبين ديل بطيروا من (التمهيدي).
. يعني يا مريخاب نحن وقت نتكلم عن (الكورة) انتوا اتكلموا ليكم عن حاجة تانية.
. هسع عليكم الله قابلكم (مريخابي) واحد الايامات دي قاعد يتكلم في الكورة.
. اي مريخابي الايامات دي تقابلو يقول ليك عندنا (حيطة) وقعت...ما عندهم كورة يتكلمو فيها.
. الكورة دي خلوها لينا نحن – نتكلم فيها زي ما عاوزين.
. انتوا والله يا مريخاب لو ما (المطرة) دي – في الواتس آب ما تلقوا ليكم موضوع تتكلمو فيه.
. خلونا نحن برانا نشوف الحاصل علينا شنو؟.
. نشوف الاهداف البتدخل بكل سهولة في الهلال.
. اي كورة بتتلعب امام مرمى الهلال بكون فيها عشرين احتمال.
. عشرين احتمال.
. احتمال واحد ممكن الكورة تطلع – و(19) احتمال ممكن الكورة تجي قون.
. احتمالاتكم كلها اقوان.
. شفتوا احتمالات القون في مرمى الهلال كتيرة كيف؟.
. ممكن نفقد نتيجة المباراة كلها في اخر (10) دقائق.
. عشنا الاحساس دا الف مرة.
. عشناه مع سيوي سبورت ...وطرنا من البطولة الافريقية ونحن كنا على بعد (ثواني) من التأهل الى مرحلة المجموعات.
. استقبلت شباك الهلال هدف في اخر ثواني المباراة.
. الهلال عاش ذلك الاحساس في هذا الموسم الف مرة.
. في البطولة الافريقية التى يشارك فيها الهلال الان..نعيش في نفس الدور.
. يوشك دور الهلال ان يكون مثل دور (حسن حسني) في الافلام المصرية الاخيرة – ادوار متاشبهة ومكررة رغم جمالها.
. الهلال الان يعيش في نفس الدور.
. امام فيتا كلوب في الخرطوم فقدنا نتيجة المباراة في اخر (10) دقائق بضربة جزاء ما عندها اي علاقة بضربات الجزاء.
. زول ماشى في الشارع – عملوا معاه ضربة جزاء ليتعادل فيتا كلوب مع الهلال ونفقد نقطتين في الخرطوم ، بعد ان كان الهلال متقدما بهدف.
. قبل ذلك كنا قد سافرنا الى القاهرة ولعبنا امام الزمالك المصري تقدم الهلال على الفريق المصري إلّا انه جاء وخسر نتيجة المباراة في اخر عشر دقائق.
. سيناريو مباراة الهلال والزمالك جاء وتكرر في الكنغو امام فيتا كلوب.
. كان الهلال متقدما بهدف على فيتا كلوب الذي ادرك التعادل في الاجزاء الاخيرة من عمر المباراة.
. ثم جاء فيتا كلوب وسجل هدف الفوز على الهلال في الدقيقة (95) من عمر المباراة بضربة جزاء (نسخة من الكاربون من ضربة الجزاء التى وقع فيها الهلال في الخرطوم).
. ليه نحن بنكرر في نفس الاخطاء؟.
. ليه بنرتكب (ضربات جزاء) فيها كل ملامح ضربة الجزاء السابقة.
. ليه ما بنتعلم.
. ولا بنتعظ.
. معقولة نظل نحمل جينات الخسارة في كل مباراة في اخر (10) دقائق من عمر المباراة.
. اخسروا لينا طيب من بداية المباراة – بدل ما تحرقوا لينا قلوبنا بهذه الطريقة في كل مباراة.
. قون الدقائق الاخيرة دي زي الزول الطلع من عملية خطيرة واتجاوز مرحلة الخطورة ..قام مات بعد ما عملوا ليه كرامة العملية.
. ...
. ملحوظة : اقول ليك شيء ان شاءالله الليلة تجي مطرة – عشان نشوف الوالي دا بتصرف كيف؟.
هوامش
. طبعا انا قاصد والي المريخ – ما قاصد والي الخرطوم.
. لكن والي المريخ عندو علاقة بالمطر.
. عندو – كلهم واحد.
. نحن الحاجات دي عارفنها.
. نحن حافظنها.
. الغريبة ناس الارصاد الجوي ديل تقول (معارضة) – كل يوم يقولوا ليك الليلة ح تجي مطرة.
. الناس ديل واقفين على (مطرة).
. مطرة واحدة ممكن تجيب خبرهم.
. قرار الاطاحة ب (كاموبس) قرار غير سليم ..وهو تهرب واضح من مجلس الهلال ومن تحمل المسؤولية.
. معقولة الهلال يصل الى هذا المستوى.
. نبقى بعد كل خسارة نشيل المدرب.
. هذه اول (جلطات) مجلس الكاردينال.
. اذا التفت الكاردينال الى اعلام الهلال والى ضغوطات الجماهير تاني الهلال دا كل شوط بكون ب (مدرب).
. على الكاردينال الانتباه فهو يسير بهذه الخطوة نحو الهاوية.
. سوف يكون لنا حديث عن جلطات المجلس الذي اقال مدرب وهو في مهمة خارج البلاد.
. السوء للهلال يأتي من مثل هذه القرارات.
. وننتظر.
. ونشوف الباقى شنو؟.
. السما شايل.
. شايل شنو؟.
. شايل (مطر) يعني ح يكون شايل ليمون؟.
. ...
. عاجل : الهلال في البطولة الافريقية احتسبت ضده (4) ضربات جزاء – اعملوا ليكم (صومعة) ضرباتكم كترت.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.