الهلال السوداني يواصل استعداده لموقعة كيجالي في الدوري الرواندي    شاهد بالفيديو.. مطرب سوداني يرد على سخرية الجمهور بعد أن شبهه بقائد الدعم السريع: (بالنسبة للناس البتقول بشبه حميدتي.. ركزوا مع الفلجة قبل أعمل تقويم)    شاهد بالفيديو.. (ما تمشي.. يشيلوا المدرسين كلهم ويخلوك انت بس) طلاب بمدرسة إبتدائية بالسودان يرفضون مغادرة معلمهم بعد أن قامت الوزارة بنقله ويتمسكون به في مشهد مؤثر    شاهد بالفيديو.. مطرب سوداني يرد على سخرية الجمهور بعد أن شبهه بقائد الدعم السريع: (بالنسبة للناس البتقول بشبه حميدتي.. ركزوا مع الفلجة قبل أعمل تقويم)    السودان يعرب عن قلقه البالغ إزاء التطورات والإجراءات الاحادية التي قام بها المجلس الإنتقالي الجنوبي في محافظتي المهرة وحضرموت في اليمن    "صومالاند حضرموت الساحلية" ليست صدفة!    الخرطوم وأنقرة .. من ذاكرة التاريخ إلى الأمن والتنمية    مدرب المنتخب السوداني : مباراة غينيا ستكون صعبة    لميس الحديدي في منشورها الأول بعد الطلاق من عمرو أديب    شاهد بالفيديو.. مشجعة المنتخب السوداني الحسناء التي اشتهرت بالبكاء في المدرجات تعود لأرض الوطن وتوثق لجمال الطبيعة بسنكات    تحولا لحالة يرثى لها.. شاهد أحدث صور لملاعب القمة السودانية الهلال والمريخ "الجوهرة" و "القلعة الحمراء"    الجيش في السودان يصدر بيانًا حول استهداف"حامية"    رقم تاريخي وآخر سلبي لياسين بونو في مباراة المغرب ومالي    شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية    استخدام وسائل التواصل الاجتماعي وراء تزايد تشتت انتباه المراهقين    بدء أعمال ورشة مساحة الإعلام في ظل الحكومة المدنية    ما بين (سبَاكة) فلوران و(خَرمجَة) ربجيكامب    ضربات سلاح الجو السعودي لتجمعات المليشيات الإماراتية بحضرموت أيقظت عدداً من رموز السياسة والمجتمع في العالم    قرارات لجنة الانضباط برئاسة مهدي البحر في أحداث مباراة الناصر الخرطوم والصفاء الابيض    مشروبات تخفف الإمساك وتسهل حركة الأمعاء    نيجيريا تعلّق على الغارات الجوية    منى أبو زيد يكتب: جرائم الظل في السودان والسلاح الحاسم في المعركة    شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة    «صقر» يقود رجلين إلى المحكمة    بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح    منتخب مصر أول المتأهلين إلى ثمن النهائي بعد الفوز على جنوب أفريقيا    ناشط سوداني يحكي تفاصيل الحوار الذي دار بينه وبين شيخ الأمين بعد أن وصلت الخلافات بينهما إلى "بلاغات جنائية": (والله لم اجد ما اقوله له بعد كلامه سوى العفو والعافية)    كيف واجه القطاع المصرفي في السودان تحديات الحرب خلال 2025    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    كامل إدريس في نيويورك ... عندما يتفوق الشكل ع المحتوى    مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    وزير الداخلية التركي يكشف تفاصيل اختفاء طائرة رئيس أركان الجيش الليبي    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    اكتشاف هجوم احتيالي يخترق حسابك على "واتسآب" دون أن تشعر    قبور مرعبة وخطيرة!    عزمي عبد الرازق يكتب: عودة لنظام (ACD).. محاولة اختراق السودان مستمرة!    البرهان يصل الرياض    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



تهاني عوض: هووووي يا ولد ( المطلقة ) دي كان عرستها ما عافية منك دنيا وآخرة !!
تهاني عوض نشر في النيلين يوم 18 - 07 - 2014

في ضل شدرة نيم فى نص الحوش وذلك (الزير) النديان المربوط عليها بحبل دبارة، ثم لقاى الزير الذى فى بعض الاحيان تزاحمك فى الشرب منه (سخلات) البيت ،،، وبالقرب من تلك (الاوضة) الوحيدة التى تتحدى بوقفتها تلك اهرامات بعانخي ، وجبال ( توتيل) ، و طبقات الزبالة عليها كانت قد انهكت حائطها.. ولأن الترميم فقط من (عيد) الى (عيد) حيث يعود (العيد) بزبالة جديدة تختلط فى (الفريق) روائح صناعة الخبيز وخمير الزبالة ودخان (الطلح )و (الهشاب) وبعض الحنين..والغريب فى الأمر ان تلك (الغرفه) بحنيتها تسع (الجميع).. الوالد والوالدة وكوم هيل شفع ,,تتحدى تلك (الغرفة) ايضا فصول السنة التلاته فالفصل الرابع _فصل الربيع_ يصنعه الجو الأسرى بدفء مبالغ فيه ,,الرملة الحمرا على حائطها الداخلى وحدة فى اللون ,, ممزوج بصوت ( ود أبرق) على ( أشجار النيم) الظليلة.. وعنقريب ( جلد) منجور من شجر (السنط) وقد تهلهلت ( أرجله) وما زال يقاوم عاديات ( الزمن).. في ذلك (العنقريب) جلست حاجة ( الروضة) متمحنة في ولدها اللي هسع ما عرس ولا طارئ سيرة ( العِرس) ..وغمغمت بكلمات مبهمة في (سرها) .. ربما ندهت للأولياء.. ربما استنجدت بشيوخ القباب .. ربما توسلت (بالشيخ أبو كساوي) .. وأخرجت من صدرها (آهة) حرى وزفرات مريرات ..وقالت الليلة دي وحاة شيخي (التوم ود بانقا) الموضوع دا بنجضو ..آنشوف اخرتا المفعوص دا شنو !! وبينما كانت حاجة الروضة تسترسل في أفكارها وتناجي شيوخها.. وقفت جنبها بتها (العازة) البكر الماعندها حظ.. التي قعد معاها زوجها اربعة شهور و بعدها سافر إلى (ليبيا) وليهو 13 سنة،،،حاتل هناك .. لا جوابات لا مصاريف،، لاخبر لا أتر .. وقفت فوق راس أمها وقالت ليها : يا ها دي القهوة يُمة.. واتهجمت حاجة (الروضة) وصرخت: بسم الله خلعتيني وقطعتي قلبي .. سمح يا بت حشاي.. تعالي ختيها لي قدامي في التربيزة دي.. اها إن شاء الله تكوني قليتي لي معاها (الجنزيل والكُنبة)؟ انا القهوة البلا زنجبيل بتعمل لي وجع راس.. آآآي يمة قليت مع البن (الحبشي) الجنزبيل والكنبة..انتي ما شامة ريحة الكنبة والجنزبيل؟ لالا ما شامها قالوا ليك أنا (شمامة) ؟ أنا لي اربعة يوم (الزكمة ) كتلت حيلي..وهردت لحمي، وهرست عضامي ، وكرعي ما شايلاتني ، ما شايفة (نخرتي) سايلة شوووو زي موية الإبريق ؟! وفجأة باب الحوش حق الزنكي القديم كركب .. يا النبي نوح ..وانتبهت الأم كانو عضتا عقرب وقالت : بسم الله دا منو الجاينا دا .. كدي ناوليني توبي حق(الزراق) يمكن ضيف.. وناولتها (العازة) توب (الزراق) المشرور في الحبل .. ومن بعيد لاح (العوض) وهو يمشي ويتهوزز زي الزرافة في جلابيتو (الزبدة) البيضاء الجا بيها من السعودية .. و كوركت حاجة الروضة بطول حِسَها .. هو دا انت يا حبيب قساي.. تعال اقعد جنبي بي جاي.. ومالك مغبر كدي؟ كنت في المقابر ولا شنو ؟
آآآي يمة مشينا الدافنة ودي رجعتي .. (العوض) جا قعد جنب أمو في العنقريب..وفجأة
إلتفت حاجة (الروضة ) بعصبية زائدة ناحية بنتها.. هي يا (العازة) ما تقيفي فوق راسنا كدي وتشربي دمنا..عليك الله امشي جيبي لاخوك كوز موية من (التيبار) البارد داك ..وما تنسي تغسلي الكوز بالليفة والصابونة.. !
وتحركت العازة نحو (التيبار) المربوط في شدرة (النيم).. وهي تجرجر خطواتها وترخي اضانها لحديث امها مع أخيها (العوض).. . وتشعر في قرارة نفسها إنو امها عايزة (العوض) عشان تناقمو في موضوع العرس.. وأكيد مرة العوض حتجي تسكن معاهم في البيت دا وتبقى الكل في الكل لانو العوض هو البيصرف على البيت بعد وفاة أبوها وسفر زوجها الما معروف خبرو شنو ...وهي ذاتها ما عارفه نفسها كان معرسة كان مطلقة ولا ارملة !!!
وتنحنحت حاجة (الروضة) و عاينت للعوض في عيونو وقالت ليهو بدون مقدمات : إنت يا (العوض) يا ولدي ما بتدورني أفرح بي جديدك واشيل وليدك؟!
- ليييه يا يمة بتقولي كدا ؟!
- نان شنو انت مما جيت من السعودية دي ما ليك 17 يوم .. كل يوم من الدغش تمرق تفر على البكيات .. وما خليت ليك (بكاء) ما مشيت ليهو ..نان موضوع عرسك بطنشو كدا لمتين ؟ لما أموووت يعني ولا شنو ؟!
- الله يديك العافية يمة ، ويطول لينا في عمرك .. أانا قلت أول بالتبادي نخلص من (الواجب) وانتهي من ناس الفواتح والبكيات ديل .. وبعدين نشوف الموضوع دا .. ولسه اجازتي باقي فيها شهرين ونص !!
- عاد يا ولدي العرس ما بدور ليها تجهيزات.. بدور ليهو مراتب،، وبدور ليهو ملايات ، وبدور ليهو عفش وفرش و دق (ريحة) وخمرة ، ودلكة ، وتجهيز شرموط .. هسع الشهرين ديل ديل بكفن ..ما يجرن زي الهواء .. أها بتدور بت منو ؟ اي بت تختارها أنا معاك ..بس انت قوووول يا ود حشاي!!
وتلفت (العوض) وقال ليها وهو يتلعثم ويحك في اضانو .. وعينو في الواطة بدور بت حاج اللمين..!!
- وووب عليّ ..حاج اللمين منو؟
- حاج اللمين ود الهراش!!
-كر علي قبلك ووحدك دا مش بياع الفحم سيد اللوري المكسر الوقع في الترعة؟ اجي يا ود امي ..وهو حاج اللمين دا عندو بنيات للعرس ؟ ما ياها واحدة عذبة ومسنوحة عرسوها وطلقوها ..ما يها المسيخة الغبشاء الضعيفة زي القصبة.. الفقر النقر قبال ما تتم ليها حول رجعوها بيت ابوها!!!!! بري ..بري وحدها وقبلا!!
- آآآي بدور (أمونة) يمة !! وما داير لي اي واحدة غيرا ! يا هي يا بلاش!!
واتصلحت حاجة (الروضة) في قعدتها وقبلت عليهو وعيونها زي الشرار من الزعل والغبينة وقالت ليهو : انت يا ولد مطرطش؟ ولا ماك صاحي ؟ ولا شارب ليك شي؟!! دي مطلقة ومسنوحة ولميضة ومتفلهمة وكاتلا البوبار... ما ياها دي الشغالة في (الشفخانة) تتضاحك اليوم كلو مع العيانين ؟؟ مالك ما شايف بنات خالك الزي (الصيد)؟ ولا غبيان من بنات عمك (الحُرات) ؟ يعني يا ولدي تصوم وتصوم وتفطر ليك على بصلة ..!! انا اتحزمت واتلزمت وداينتا الله أكان تبقى (أمونة) المطلقة دي اخر البنوت ما بعرسا ليك .. اجي يا اخواني .. هو يعني من قلة البنات ولا من عدم النسوان في الحلة !!! وحاة سيدي (الحسن ابو جلابية) كان جبت لي سيرتها تاني لاك ولدي ولا بعرفك وترجع لي لبن شطري!!! وما عافية منك دنيا وآخرة كان عرستها !!!
وذهل (العوض) من ردة فعل أمه الغاضب.. واسودت الدنيا في عينيه، وللحظة انهارت كل أحلامه التي ظل في بلد الغربة ينسج فيها أيام وليالي وشهور.. والتي كانت فيها تداعب ذاكرته صورة (أمونة) بت حاج اللمين .. فتاة حبه القديم منذ أيام الطفولة.. وكلما تذكر (ابتسامتها) العذبة ، وملاقتو ليها عند شدر (الترعة) توج في قلبو.. وتبق زي لهيب حطب السنط !!!

انقر هنا لقراءة الخبر من مصدره.