سودارس : مرجوعة في مسماها

مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) شاهد بالفيديو.. والدة الفنان الراحل محمود عبد العزيز: الحوت تعرض لظلم فادح من هؤلاء وهذا ما فعلته عندما علمت بتعاطيه "السجائر" وهو طالب في الثانوي والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي بالصورة.. البرنس هيثم مصطفى وزيراً للرياضة في السودان اكتمال عقد الجهاز الفني للكمال قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر "آبل" تستعد لإطلاق أول آيفون قابل للطي شاهد بالفيديو.. نجمة السوشيال ميديا السودانية هبة الجندي تعود للظهور بعد غياب طويل بتقرير إخباري عن الأحداث السودانية وتطورها شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية "يغفر الله للجميع إلا باجيو!".. مأساة اللاعب الذي مات واقفا – فيديو النفط ينخفض 1% بعد تقرير ترامب إنهاء حرب إيران اختبار نسخة مدفوعة جديدة من "إنستغرام" عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* قرار لحكومة السودان بشأن معبر أدري عثمان ميرغني يكتب: فساد.. الفساد.. إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مرجوعة في مسماها

بابكر سلك نشر في النيلين يوم 31 - 10 - 2015

أبغض الحلال عند الله الطلاق
لكن القسمة ممكن تودي الناس ليهو
بي فرصنا في الطلاق دي
النسوان متطنقعات علينا
يعني لو بقت سيك سيك معلق فيك
كان سون لينا شنو؟؟؟
في مصر إذا حصل الطلاق
الشقة من حق الزوجة
بي عفشها وشفعها
الراجل يشيل شنطتو ويمرق
عشان كدة تلقى المرا طابقة الراجل تحت أباطها وماشة بيهو في شوارع القاهرة
بغم ما يقدر يقولها
تلقاهو رافع البنطلون في أباطو والحزام في القلب
مجلط الصوفتين الفضلن ليهو بالكريم
والكرش تحت الحزام مدوره
مليانه مسقعه
كرهان يوم الأسود زاتو
لكن بغم ما بقدر يقولها
نحنا هنا
المرا تشيل شنطتها وتمشي
براها بتشيلها
برغم إنو شرعاً مفروض تقعد فترة عدتها في منزل الزوجية
عسى ربنا يؤلف بين القلوب من جديد
ووقتها اذا حدثت المحنة
وتجددت الحنية
والنفوس اتطابت
القصة ما محتاجه مأذون ولا إشهار
الرجعة بتتم بي كلمة
بي تصرف
بي همسة
بي أي شيء بتم
وبرغم ذلك النسوان عندنا يلفحن شنطن ويفرتقن
المهم
لكن الحق يقال
الزوجه عندنا بقت تصرف مع الزوج سوا سوا
مرات بتصرف أكتر منو
وفي بعض الأحايين المصاريف زاتها تديها ليهو
وده النوع المأجر راجل
الله لا جعلكم من الرجال المأجرين
لأنو الاخلاء بتم لي أسباب كتيرة
منها الحوجة الماسة
وقد يكون عدم السداد في الظروف دي هو السبب الاساسي والشائع
لكن اكتر حاجة غايظاني
الواحد تلقاهو ساكن مع نسابتو
حق الكهربا ما بدفعو
ويقول ليك داير أعرس تاني
معقولة!!!
آها
في رجال بشهروا الطلاق
الواحد يتنفخ قدام الناس
ويقول للمرا طلقانة
ويحكي للناس
قلت ليها وقالت لي
قمت قلت ليها طلقانا
نحنا ما بنفع معانا كلام زي ده
واذا رجعت للقصة بتلقاهو حيوان ساكت
حتى الطلاق ما قصدوا
وإنما قصد الإفصاح به ليتدخل الأجاويد
ويحلوا الموضوع
أو يتدخل واحد ليهو شنب
ويحلف طلاق مرجوعة في مسماها
أيها الناس
الراجل الداير يطلق
ما بجعجع ساكت
بشيل الورقة وبسلمها للمرا او لي أهلها
ده النوع الرجعتو ان لم تكن مستحيله بتكون صعبه شديد
وزي ده نوع الطلاق البأدب المرا لو كانت خارجه علي الادب والاحترام والقانون والشرع
أها
كردنة بجعجع بالانسحاب ليهو شهر
داير الأجاويد تتدخل
لو عندك طلاق يا كردنة
شيل ورقة الانسحاب وسلمها للاتحاد
عشان تاني لو درت الرجعة إلا بي عقد جديد
وموافقة جديدة
ومهر جديد
ودي الورقة يا كردنة وبطل جعجعة
ولا نقطنا بي سكاتك
ولو وديت الورقة
والمرا اهلها طلعوا زي ناس محمد سيد أحمد ديل
تاني تشمها قدحه
تاني أمريكا ما بترجعها ليك
أقول ليك
اخارجك من الورطة دي
لملم عفشك وامشي الفاشر بدل تمشي الأولى
ومرجوعة في مسماها
أيها الناس
الشفوت نعم الرجال
ومبادرة قروب أحباب لدعم تسجيلات المريخ
مبادرة رائعه
اتت من ناس ما غريب عليهم الدعم
عملوها كتير وفي صمت كبير
وهناك قروبات اعدت العدة لصيانة المدرجات والسياج والنادي والتشجير
جمعوا من المال ما يكفي لذلك البرنامج الرائع
وأعدوا للعضوية مفاجأة
التفاصيل قريب ده بنوريكم ليها
وده الدور الأساسي للقروبات
دعم النادي والعضوية والمشاركة في كل المناحي
لكن لسه الشركات ما قادرة تغطي مشروع الرصيد كويس
يا عزيزي مرتضى بتري شدوا حيلكم معانا شوية
أيها الناس
مجلسنا الجديد يحتاج لوقفتنا الشديدة معه وحوله
ولا أظننا نحتاج لتوصية
ننصرهم ظالمين ومظلومين
ونناصرهم من اجل الإبقاء على رايتنا عالية خفاقة
الكيمان والتكتلات ما حبابها
ممكن نكون مجلس ومعارضة
وهي صورة صحية جدا
ولكن يجب ان يكون المجلس محترماًِ يؤمن بالمعارضة ويحترمها ويحترم فكرها
وممكن ان نكون معارضة بناءة لا هدامة
تحترم المجلس والكيان ولا تعمل للعرقلة وتبخيس الأشياء
فكثير من الناس اعتاد على معارضة الكيان والارتماء في أحضان الاعداء«ودي خيانة عظمى»
وقت ان يكون في المعارضة
زي ديل لا حبابهم والله لا أعادهم
المهم
لا نريد تسرعاً في التسجيلات
ولا تخبطاً
ولا حركات صور ساكت
وقون المغربية أخير من ميه
المهم
المريخ وأهلي شندي والخرطوم ومريخ السلاطين
عليهم حمل راية الوطن في الموسم الإفريقي الجديد
محتاجين إعداد جيد
وثقة بالنفس وطموح عالي
الموضوع ما لعب
ما نبقى زي الناس البشاركو تمنين سنة ويمرقوا كيت
وآخرتها يلبسوهم الطاقية
الكسكتة يا عمك
أيها الناس
لا جودية ولا يحزنون
بالقانون وللقانون
ما نبقى زي البنطون
لا مرسى لا مينا ولا قانون
أيها الناس
إن تنصروا الله ينصركم
أها
نجي لي شمارات والي الخرتوم
كان شفت يا والينا
الدنيا دي بتعاكس فينا
نخت الشاي يبرد علينا
نخت البارد يسخن لينا
ما يبردوا الاتنين لينا
يا يسخنوا الاتنين علينا
دي شنو المعاكسة دي يا والينا؟؟؟
الشافع يدفعنا دم قلبنا دروس ويسقط لينا
نفكوا عكس الهواء تدوهوا بوش وينجح لينا
سلك كهربا
ننساك كيف والكلب بدون شطة بحرد الأكل وفي صحنو بخليهو لينا
وإلى لقاء
سلك

انقر هنا لقراءة الخبر من مصدره.