البشاعة والوضاعة تعتذران للنهود    وزير الداخلية ومدير عام الشرطة يتفقدان مركزي ترخيص أبو آدم وشرق النيل    (مليشيا البيع العشوائي من الرصيف للأمن القومي)    قواعد اشتباك جديدة : الإمارات تنقل الحرب إلى ميدان الاقتصاد.    وزير الداخلية ومدير عام الشرطة يتفقدان مركزي ترخيص أبو آدم وشرق النيل    توقُّف تكية الفاشر عن استقبال التبرعات نسبةً لانعدام السلع الأساسية في أسواق المدينة    نقل جمارك حاويات سوبا الى منطقة قري شمال بحري    قرعة بطولة دوري أبطال إفريقيا .. المريخ يبدأ المشوار من الكونغو والهلال من جنوب السودان    قرعة أبطال افريقيا..الهلال السوداني في مواجهة سهلة نسبيًا أمام جاموس جنوب السودان.. والمريخ في اختبار صعب أمام وصيف الكونغو    ثنائي ريال مدريد مطلوب في الدوري السعودي    عدد من الوزراء يؤدون القسم أمام رئيس مجلس السيادة    شاهد بالفيديو.. والي نهر النيل: (سنهتم بالسياحة ونجعل الولاية مثل جزر المالديف)    يعني شنو البروف المنصوري في طريقه الى السودان، عبر السعودية، وياخد أيام    مجلس الإتحاد المحلي الدمازين الرصيرص يجتمع ويصدر عددا من القرارات    موسى حسين (السودان): "المشاركة في بطولة "شان" توتال إنيرجيز حُلم طفولتي وسأسعى للتتويج بلقب فردي بقوة"    شاهد بالفيديو.. في تصرف غريب.. فتاة سودانية تقتحم حفل رجالي وتجلد نفسها ب"السوط" بعد أن رفض الحاضرون الإستجابة لطلبها بجلدها أسوة بالرجال    شاهد بالصور والفيديو.. وسط حضور جماهيري مقدر العافية تعود لشيخ الإستادات السودانية.. إستاد الخرطوم يشهد مباراة كرة قدم لأول مرة منذ إنلاع الحرب    شاهد بالفيديو.. ردد: "شكراً مصر".. طفل سوداني يودع القاهرة بالدموع ويثير تعاطف الجمهور المصري: (ما تعيطش يا حبيبي مصر بلدك وتجي في أي وقت)    شاهد بالفيديو.. ردد: "شكراً مصر".. طفل سوداني يودع القاهرة بالدموع ويثير تعاطف الجمهور المصري: (ما تعيطش يا حبيبي مصر بلدك وتجي في أي وقت)    شاهد بالفيديو.. القيادي بالدعم السريع إبراهيم بقال يهرب إلى تشاد ويظهر وهو يتجول في شوارعها والجمهور يسخر: (مرق لا زوجة لا أطفال حليلي أنا المآساتي ما بتتقال)    شاهد بالصور والفيديو.. وسط حضور جماهيري مقدر العافية تعود لشيخ الإستادات السودانية.. إستاد الخرطوم يشهد مباراة كرة قدم لأول مرة منذ إنلاع الحرب    "باشات" يكشف عن دلالات سياسية واستراتيجية لزيارة رئيس الوزراء السوداني لمصر    "الكتائب الثورية" .. إقامة أول مباراة كرة قدم في استاد الخرطوم الدولي منذ اندلاع الحرب    النيابة المصرية تصدر قرارات جديدة بشأن 8 من مشاهير «تيك توك»    تقرير أممي: «داعش» يُدرب «مسلحين» في السودان لنشرهم بأفريقيا    كارثة تحت الرماد    رئيس المخابرات حمل رسالة ساخنة.. أديس أبابا تهدد بورتسودان    رافق عادل إمام في التجربة الدنماركية .. وفاة الفنان سيد صادق عن عمر يناهز 80 عامًا    ضبط عدد 12 سبيكة ذهبية وأربعة كيلو من الذهب المشغول وتوقف متهم يستغل عربة دفار محملة بمنهوبات المواطنين بجسر عطبرة    والي النيل الأبيض يزور نادي الرابطة كوستي ويتبرع لتشييّد مباني النادي    لجنة أمن ولاية الخرطوم تشيد باستجابة قادة التشكيلات العسكرية لإخلائها من المظاهر العسكرية    بالفيديو.. شاهد بالخطوات.. الطريقة الصحيحة لعمل وصنع "الجبنة" السودانية الشهيرة    حادث مرورى بص سفرى وشاحنة يؤدى الى وفاة وإصابة عدد(36) مواطن    بالفيديو.. شاهد بالخطوات.. الطريقة الصحيحة لعمل وصنع "الجبنة" السودانية الشهيرة    الشهر الماضي ثالث أكثر شهور يوليو حرارة على الأرض    يؤدي إلى أزمة نفسية.. إليك ما يجب معرفته عن "ذهان الذكاء الاصطناعي"    إسحق أحمد فضل الله يكتب: (روحوا عن القلوب)    الجمارك تُبيد (77) طنا من السلع المحظورة والمنتهية الصلاحية ببورتسودان    السودان يتصدر العالم في البطالة: 62% من شعبنا بلا عمل!    نجوم الدوري الإنجليزي في "سباق عاطفي" للفوز بقلب نجمة هوليوود    تقارير تكشف خسائر مشغلّي خدمات الاتصالات في السودان    السودان..وزير يرحب بمبادرة لحزب شهير    السودان.."الشبكة المتخصّصة" في قبضة السلطات    غنوا للصحافة… وانصتوا لندائها    أنقذ المئات.. تفاصيل "الوفاة البطولية" لضحية حفل محمد رمضان    الخرطوم تحت رحمة السلاح.. فوضى أمنية تهدد حياة المدنيين    "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي    انتظام النوم أهم من عدد ساعاته.. دراسة تكشف المخاطر    اقتسام السلطة واحتساب الشعب    إلى بُرمة المهدية ودقلو التيجانية وابراهيم الختمية    وفاة 18 مهاجرًا وفقدان 50 بعد غرق قارب شرق ليبيا    احتجاجات لمرضى الكٌلى ببورتسودان    السيسي لترامب: ضع كل جهدك لإنهاء حرب غزة    تقرير يسلّط الضوء على تفاصيل جديدة بشأن حظر واتساب في السودان    السودان.. مجمّع الفقه الإسلامي ينعي"العلامة"    ترامب: "كوكاكولا" وافقت .. منذ اليوم سيصنعون مشروبهم حسب "وصفتي" !    عَودة شريف    لماذا نستغفر 3 مرات بعد التسليم من الصلاة .. احرص عليه باستمرار    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



رفعوا الدعم عن الغاز ودعموا المريخ بالدوري والكاس و8 مليار جنيه
محمد عبد الماجد نشر في النيلين يوم 14 - 02 - 2016

الجوهرة الزرقاء التى يصرف عليها الكاردينال من ماله الخاص ليس هي صرحا خاص للكاردنيال لتتفرج عليه الدولة دون ان تقدم له (قرشا) واحدا
(الدعم) في فترة جمال الوالي كان مسكوت عليه ..غير ان رئيس نادي المريخ الحالي يحسب له شجاعته واعترافه بالدعم الحكومي
في زول اقترح في برنامج (اغنيات من البرامج) ان يكون الدخول للنت زي الدخول لكلية الطب باعلى نسبة
اعلام المريخ بيعتبر ان (الانكار) للدعم فيه نوع من الذكاء ..وقد تعود المريخ على ذلك الدعم في عهد جمال الوالي
عيونها كانن متل (السراب) محل ما تمشي بتشوفن قدامك.
بدون ما تشعر بتلقى نفسك شايل كتاب الجغرافيا وبتذاكر في خريطة العالم.
ما يهمكم.
دكتور الاسنان لو بقى فصيح شديد ..بخليك تخلع (ضروسك) كلها.
لازم تكون افصح منو.
انسوا الكلام دا.
في واحد قال لي بعد قون بشه لقيت لي (مريخابي) طالع في عمود الكهربة.
قلت ليه يا زول بتعمل في شنو؟.
المريخابي قال ليه انا لو عارف نفسي بعمل في شيء ..بطلع لي عمود كهربة في البرد دا.
يعني المريخابي بدون ما يشعر لقى نفسو طالع في عمود الكهربة.
مريخابي تاني قالوا ليه اكتر تلات صدمات اتعرضت ليها في حياتك شنو؟.
قال ليهم الصدمة الاولى يوم ضربة مصنع الشفاء.
قالوا ليه والتانية؟.
قال ليهم والصدمة التانية يوم ضربة الدفتردار.
قالوا ليهم والضربة الثالثة؟.
قال ليهم الضربة الثالثة يوم ضربة بشه.
الجماعة قالوا ليه انت وقت بتقول كدا ..صلاح ادريس يقول شنو؟.
ايام ازمة (البصل)..حصلت سرقة في (العمارات).
سرقة كبيرة شديد.
صاحب العمارة التى حدثت فيها السرقة ..مشى فتح بلاغ سرقة ..قال اتسرق (4) مليار جنيه ودهب قيمته تصل الى (2) مليار جنيه و (7) بصلات.
المتحرى خلى ال (4) مليار جنيه.
وترك الدهب ..وقال ليه ال (7) بصلات شكلهن كيف؟.
قبل ايام حصلت سرقة ذكية لاحدى محلات الدهب في ام درمان.
قالوا ليك الزول الذي سرق دهب قيمته تتجاوز (23) مليار جنيه ..قال انا اتخدعت في السرقة ..كنت مفتكر المحل فيه (بصل) لقيت فيه (دهب).
بصلة ما فيها.
ايام ازمة الغاز…حصلت حريقة في احد المنازل…صاحب البيت كان زول (حمش).
زول صعب.
فج ليك النار ..ودخل البيت بي نارو.
اول حاجة طلع (الانبوبة) من المطبخ…ورجع ضرب لي ناس المطافي وقال ليهم ألحقوا (المرا) في المطبخ قبل ما تبقى ليكم (فحم).
طبعا الغاز اغلى من الفحم.
قالوا ليك زول تاني عندو (اربع) انبوبات غاز.
ايام ازمة الغاز كان اي انبوبة واقف بيها في صف الغاز.
بعد الازمة ما اتحلت ..قالوا ليك الراجل يطلع الشغل الصباح يرجع الضهر يلقى ليك الانبوبات الاربع واقفت صف في المطبخ.
يرجعهن ويطلع الصباح.
يرجع الضهر يلاقي الانبوبات واقفت صف.
الراجل اتعقد من الموضوع دا ..مشى ليه لي (فكي) وشكي ليه من (الانبوبات)..قال ليه قدر ما اطلع واجي بلقى الانبوبات واقفت صف.
الفكي قال ليه بسيطة..غيّر (المنظم).
قالوا ليك شاعر (خطير).
كتب ليه قصيدة (خطيرة) شديد.
قصيدة غزلية.
خطيبة الشاعر مسكينة ..فاكرة خطيبها كاتب القصيدة في (عيونها) – وهو كاتبها في (عيون) البتوجاز.
بعد ارتفاع اسعار خدمات النت …واحد اقترح في برنامج (صحة وعافية) الدخول للنت يكون عبر (تأشيرة) من وزارة الداخلية.
وفي زول تاني اقترح في برنامج (اغنيات من البرامج) ان يكون الدخول للنت زي الدخول لكلية الطب باعلى نسبة.
امس الخرطوم كانت فيها ازمة (رغيف).
لو عاوز ليك سبع رغيفات – إلّا تمشي (فضيل).
وقالوا ليك كمان في زيادات ح تحصل بنسبة 100% في فاتورة الموية.
في ظل كل هذه الاشياء …تعالوا شوفوا الدولة دعمت المريخ بي كم؟.
بي (8) مليار جنيه.
8 مليار جنيه.
يعني انتوا شلتوها من الغاز عشان تعطوها للمريخ.
غايتو نحن عرفنا (غازنا) راح وين؟.
زمان كانوا مقاسمننا في (النفط).
هسع لحقنوا في (الغاز).
يا هو الفضل ليهم.
قاموا رفعوا الدعم عن الغاز ودعموا المريخ.
الناس ديل ممكن (الحطب) يقاسمونا فيه.
رئيس نادي المريخ في اكثر من مناسبة قال ان الحكومة (دعمت) المريخ في فترتهم القصيرة التى اشرفوا فيها على المريخ ب (8) مليار جنيه.
الكلام دا مثبت ..ومعروف وبالمستندات كمان.
اعلام المريخ ناكر دعم الحكومة (حطب).
اعلام المريخ بيعتبر ان (الانكار) للدعم فيه نوع من الذكاء ..وقد تعود المريخ على ذلك الدعم في عهد جمال الوالي.
وكان الانكار جماعي.
الانكار كان متفق عليه.
من اعلام المريخ ومن جمال الوالي.
(الدعم) في فترة جمال الوالي كان مسكوت عليه ..غير ان رئيس نادي المريخ الحالي يحسب له شجاعته واعترافه بالدعم.
اخر تصريحات اسامة ونسى رئيس نادي المريخ كان عبر برنامج الزميل حسن فاروق في اذاعة هلا 96 الخميس الماضي عندما اكد الدعم الحكومى للمريخ.
اسامة ونسي اكد ال (8) مليار جنيه.
في ثلاثة شهور فقط – قدمت الحكومة للمريخ دعم وصل ل (8) مليار جنيه حسب تصريحات رئيس نادي المريخ.
وقال رئيس نادي المريخ انهم في انتظار دعم اخر سوف تقدمه لهم الدولة في هذه الايام.
مع ذلك – مطلوب مننا نحن أن لا نصدق رئيس نادي المريخ الذي استلم ال (8) مليار جنيه. ..علينا ان نصدق اعلام المريخ ان الدولة لم تقدم اي دعم للمريخ.
نكضب الرئيس ونصدق اعلام المريخ.
هذا يجعلنا نستعجب ونستغرب كثيرا – كيف للحكومة ان تدعم مجلس المريخ بكل هذه الاموال في الوقت الذي ترفع فيه يدها عن الهلال وهي لا تقدم اي دعم لرئيس نادي الهلال اشرف الكاردنيال رغم ان الكاردينال في هذا الوقت يصرف من (جيبه) على استاد الهلال ليصبح (الجوهرة الزرقاء).
الجوهرة الزرقاء التى يصرف عليها الكاردينال من ماله الخاص ليس هي صرحا خاص للكاردنيال لتتفرج عليه الدولة دون ان تقدم له (قرشا) واحدا.
سيخة ما دعموا بيها الجوهرة.
ولا (طوبة).
ويمنحوا المريخ (8) مليار جنيه.
الجوهرة الزرقاء ما مكتوبة باسم الكاردينال …لتنظر الدولة لرجل يبني في (صرح) يعتبر ملك للدولة وهو من عناوين السودان الرياضية.
الدولة دعمت المريخ الذي شيدت له استاده قبل سنوات ..وغضت النظر عن (الجوهرة الزرقاء) ليصرف عليها رئيس نادي الهلال من جيبه.
دعم الدولة للمريخ جاء في الوقت الذي رفعت فيه الدولة الدعم عن (الغاز) ورجع فيه الناس الى (الحطب).
ويا ريت لو وقفت على ال (8) مليار جنيه.
ديل دعموا المريخ بالممتاز.
المريخ المتخلف من الهلال ب (9) نقاط ..منحوه بطولة الممتاز.
ورضا مصطفي الشيخ بجيب (التتويج) في التلفزيون.
انت يا رضا التلفزيون القومي دا حقكم.
مرة تعتذر فيه.
ومرة تجيب التتويج.
ومرة تقول والله الموظف المسؤول بالتصوير مشى ينقل المباراة التانية عشان كدا ضربة جزاء الهلال ما اتصورت.
الجمعة كلها رضا مصطفي الشيخ قاعد يعتذر.
جمعة الاعتذار.
يا رضا ليه انت بتدينا احساس ان التلفزيون القومي دا زي محل تصوير المستندات.
معقولة التلفزيون القومي يدار بهذه الهمجية.
الدولة وعبر البرلمان ..والحكومة كلها دعمت المريخ بالممتاز.
والكاس.
و8 مليار جنيه.
دا غير (السيكافات) الما عندها اي قيمة.
والهلال لاحقوني في هدف سجله اهلي شندي والحكم لم يحتسبه.
خلاص القيامة قامت يعني.
الكاردينال الذي بنى الجوهرة الزرقاء بتكلفة تجاوزت ال (70) مليار جنيه ..الحكومة (قرش) ما قدمتو ليه.
في نفس الوقت الذي يتم فيه دعم المريخ ب (8) مليار جنيه.
وبطولة الدوري.
وبطولة الكاس.
انتوا يا جماعة الهلال دا هلال انجلترا.
هلال فرنسا.
هلال الولايات المتحدة الامريكية.
طيب مالكم معانا.
لوري تراب ساكت ما عاوزين تدعموا بيه (الجوهرة الزرقاء).
هلال الوطنية.
وهلال الخريجين.
وهلال العزة والشموخ.
وهلال البلد ..كتير عليه لوري طوب.
عليكم الله لموا طوبكم عليكم.
نحن جوهرتنا ..بقفلها الكاردينال.
بس بعدين اوعكم تجوا تقولوا عندنا (تخريج).
لا بنعرف (تخريج)…ولا بنعرف (تدشين).
…..
ملحوظة : ما عاوزين نقول اكتر من كدا.
هوامش
الليلة المريخ سوف يمنح كم ضربة جزاء؟.
مسكين النيل شندي ..ح يدفع ثمن الهجمة الصحفية على الحكام.
لكن برضو شباك المريخ ح تستقبل اقوان.
الطريق سالك نحو مرمى المريخ.
علي جعفر قدام شبكة المريخ زي الزول البلاقيك في بداية الشارع عشان يدلك على المطعم.
زي الزول البلوح ليك بي سعر كيلو الموز ..قبل ما تصل عربية الموز.
علي جعفر بيعزم على مرمى المريخ.
بنادي عليه.
نسأل الله ان لا يتعرض لاعبو الهلال للاصابات لنفقد بعض العناصر بعد ثبات تشكيلة الهلال.
كل ما اشوف عمار الدمازين ..اقول الامل يستاهلوا ينسحبوا عشانو.
اجمل ما في عمار الدمازين ..انه مدافع عنيف.
عمار الدمازين ..ذكرنا ايام صالح سنار في العنف القانوني.
صدام ابوطالب دخل في كورة مشتركة مع عمار الدمازين ..غيروه طوالي.
ما شاءالله على عمار الدمازين.
وربنا يحفظه ..ويغطي عليه.
بكري المدينة وتراوري ..الاتنين مفروض يطردوهم في مباراة مريخ الفاشر ومريخ ام درمان.
دا كلام سيحة.
وامسكوا لي في قون محمد كوكو.
……….
عاجل : مهند الطاهر هو اللاعب الوحيد الذي تضاعفت جماهيرته في الهلال حتى وهو بعيدا عنه.

انقر هنا لقراءة الخبر من مصدره.