إلزام أبل وجوجل بتعديلات تعزز عدالة متاجر التطبيقات    "واتساب" تُتيح إجراء المكالمات من المتصفح    لجنة أمن ولاية الجزيرة تقف على ضبط 1880 قندول بنقو    ارتفاع طفيف لأرباح زين السعودية إلى 604 ملايين في 2025    دراسة تؤكد أن للضوضاء تأثيراً كبيراً على الطيور وتكاثرها    هدى الإتربي تكشف كواليس مسلسل "مناعة": تجربة مختلفة بتفاصيل إنسانية    مدينة على القمر خلال 10 سنوات.. هل يتراجع حلم المريخ؟    رئيس الوزراء يتوجه إلى ألمانيا مترأساً وفد السودان المشارك في أعمال الدورة 62 لمؤتمر ميونيخ للأمن    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الحكومة تؤكد عودتها الكاملة إلى الخرطوم.. ولقاء حاشد للإعيسر مع الجالية السودانية بالكويت يعكس التفافاً وطنياً واسعاً    علاجك من أحلامك.. دراسة تتوصل لإمكانية استخدام أحلام الشخص فى العلاج النفسى    7 أطعمة للإفطار لا ترفع مستوى السكر في الدم    الموسياب يبدع ويقسو على الأمل بثلاثية نظيفة    الرابطة والتوفيقية يتعادلان في مباراة الأحداث المثيرة    الهلال ينفرد بصدارة الدوري الرواندي    وزير التعليم العالي السوداني: العودة إلى الدراسة خطوة استراتيجية    ضياء الدين بلال يكتب: قوش وآخرون... جرد حساب!    رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا    عاطف حسن يكتب: بنك الخرطوم.. اعتذارك ماااااا بفيدك .. !!    شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام)    شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله    بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!!    شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا)    ارتفاع وارد الذرة واستقرار أسعار السمسم في بورصة محاصيل القضارف    اللواء الركن (م) أسامة محمد أحمد عبد السلام يكتب: البغلة في إبريق (شيخ اللمين)    الدولار يواصل التراجع أمام الجنيه فى منتصف تعاملات اليوم    درة تكشف عن دورها فى مسلسل "على كلاى".. شخصية مركبة ومعقدة    مسؤول سوداني يغادر إلى تركيا    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    ارتفاع في وارد المحاصيل الزراعية بسوق القضارف    عثمان ميرغني يكتب: كبري الحلفايا...    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الجوهرة لو جابت ليها (طابق رابع) ما عاوزين نشوف لينا مريخابي في البلد
كورة سودانية نشر في كورة سودانية يوم 12 - 12 - 2015


دق الدلجة
محمد عبد الماجد
الجوهرة لو جابت ليها (طابق رابع) ما عاوزين نشوف لينا مريخابي في البلد
تذكروا وقت جمال الوالي عمل ليه (صيانة) في استاد المريخ …تذكروا ناس
المريخ عملوا شنو؟.
كل جمعة يقولوا ليك ماشيين نشوف الاستاد.
ازعاج مبالغ فيه.
قسموا ليك الشغل على مراحل ..عشان يجرجروا لينا في العمل (اعلاميا).
السور قالوا دا سور الدقير.
الطابق ..طابق شاخور.
طيب انتوا جمال الوالي دا عمل شنو؟.
في كل مرحلة من هذه المراحل كانت هناك (زفة) اعلامية.
كل يوم والتاني بعملوا ليهم (مهرجان) شعبي.
مزمل ابوالقاسم بقى (شاعر) عديل كدا…بتغزل في (الطوب).
شغال (معلقات) في الطوب الاحمر.
بابكر سلك كاتب قصة قصيرة بيكتب في (السيخ).
هيثم كابو فنان تشكيلي اتخصص في (الاسمنت).
غزل مبالغ فيه – في (الاستاد).
المريخاب كانوا لمن يفتحوا ليهم (علبة بوماستك) ساكت ..بعملوا ليهم (نفرة).
اى (طوبة) بعملوا فيها جوطة ولخمة وقومة.
يجيبوا ليك ناس رضا مصطفى الشيخ في عالم الرياضة …جمعتهم كلها
بعملوها كلام عن الاستاد.
عليكم الله بتذكروا تلفزيون السوداني (القومي) دا – كم مرة طلّع
كاميراته الى (تلفزة خارجية) عشان يشوف العمل في الاستاد.
يجيبوا ليك الشغل في (الاخبار).
في النشرة الرئيسية.
في صحة وعافية.
ناس (الشروق) يخصصوا (ساعة رياضة) للاستاد.
وصباح الشروق.
الشروق مرت من هنا ..عملوها مخصوص للاستاد.
النيل الازرق ..(البحث عن هدف) ..يخصص بالكامل عن استاد المريخ.
ومساء جديد.
واغنيات من البرامج.
كل شغال عن الاستاج.
يجيبوا ليك الكاميرا متابعة مرحلة مرحلة في الاستاد.
حفروا الاساس.
جابوا الموية.
جابوا التراب.
نزلوا الطوب.
رفعوا السيخ.
رموا تيراب النجلية.
النجيلة ظهرت.
خضرت.
شغالين لينا كدا متابعة في استاد المريخ – القصر الجمهوري الجديد ما
تابعوه لينا كدا.
تتابعوا لينا (نجيلة).
هسع عليكم الله – عاوز اسألكم سؤال ..القنوات الكتيرة ومسيخة دي ..في
واحدة فيها عملت ليها خدمة مرة واحدة في برمجتها لجمهور الهلال واتفقدت
(الجوهرة الزرقاء).
اشمعنا.
استاد المريخ دا ما كان عملتوا ليه برمجة ثابتة في برامجكم الرياضية.
لماذا الى الآن لم تتفقد قناة سودانية العمل في قناة الجوهرة الزرقاء؟.
الموضوع وصل الطابق الثالث.
شفتوا الفرق.
وعرفتوا الشغل لمن يكون فرقعة (اعلامية) ساكت.
وخدمة للاخرين ..وتبادل مصالح.
الجوهرة الزرقاء الآن وصلت للطابق الثالث ..والعمل ماسكاهو شركة صينية
مع ذلك ليس هناك متابعة تلفزيونية لهذا الانجاز.
ناس المريخ كان عمل (النقاشة) ساكت بخصصوا ليه برامج الجمعة في كل
القنوات السودانية.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
شوفوا الهلالاب راقيين كيف عليكم الله – جوهرتهم وصلت للطابق الثالث ما
في واحد فيهم جاب ليها سيرة.
المريخ عندما صان استاده ساكت ..ما خلى ليه قرش في الحكومة – اليوم
والتاني مصطفى عثمان اسماعيل بيسجل زيارة لاستاد المريخ ويقف على مجريات
العمل.
ووالي الخرطوم يدعم اليوم والتاني.
الناس ديل شالوا ليهم جنس قروش من الحكومة بسبب هذا المشروع.
الكاردينال مسكين بدفع براهو.
زول بساعدو ما في.
تفقد ساكت من تلفزيون الولاية ما بعملوه للاستاد.
هسع نحن جوهرتنا دي مسؤول واحد مشي عليها مافي.
التكلفة كلها دفعها الكاردينال.
ما في قرش دخل لينا من الزكاة او النفط او المجهود الحربي.
كل الاموال خالصة من رئيس نادي الهلال.
يمكن عشان كدا مشروع الجوهرة الزرقاء بتم في هذا الصمت.
الرد كسل كان عبارة عن (دعاية) – او حملة اعلانية وصلت الى انهم احضروا
الاهلي المصري ليلعب امام المريخ في افتتاح الاستاد.
وجمال الوالي قال ان كاظم الساهر سوف يغني في حفل الافتتاح – عليك امان
الله شريف الفحيل ما شفناه في حفل الافتتاح.
كلو طلع كلام ساكت.
شغل (اعلامي) فقط.
كلام جرايد.
ومجاملة فضائيات.
فرقعات.
الآن نحن سعداء بالعمل الذي تم في (الجوهرة الزرقاء).
وسعداء اكثر ان هذا العمل يتم بعيدا عن الاضواء والاعلام والمكاسب الرخيصة.
الطابق الثالث اعمدته طلعت ..مع ذلك ليس هناك اهتمام من الدولة او دعم للمشروع.
كأنو استاد الهلال هذا في (الصومال).
استاد الهلال عندما يكتمل ح تبقوا اسياده.
نذكركم ان استاد الهلال ظل هو المحفل الرسمي لتخريج طلاب الكلية الحربية.
وعلى ارضه تم تخريج طلاب كلية الشرطة.
الدولة بتقيم فيها كل نشاطها.
مع هذا فان المشروع متكفل به الكاردينال وحده.
الدولة هي التى شيدت استاد المريخ.
وهي التى دعمت المريخ في كل مراحل التسجيلات والاحتفلات والتنظيمات.
حتى التسجيلات الاخيرة دعمت فيها الدولة فريق المريخ ب (8) مليار جنيه.
وناس عبدالتام بطلعوا يتموه (تصريحات).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
يا جماعة المشروع البعمل فيه الكاردينال الآن مشروع ما ساهل.
يا جماعة الزول في البيت لو عاوز يعمل ليه (حيطة) ساكت نفسو بقوم.
لو عاوز تقوم ليك (عمود) واحد …إلّا تشوف ليك سلفية.
هسع نحن استادنا وصل الطابق الثالث.
وكل هذا العمل بقوم بيه شخص واحد.
ومن جيبو.
ما من الحكومة.
ولا من مصطفى عثمان اسماعيل.
ما من النفط.
ولا الاموال المجنبة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الهلال في كل يوم بيثت عظمته.
اتخيلوا زول في الدنيا دي يشيد ليه استاد ويعمل فيه ثلاث طوابق.
عليكم الله دي في زول حصل عملها لريال مدريد.
في زول عملها لبرشلونة.
في الاهلي المصري.
ما في.
الحاجات دي بتحصل عندنا بس في الهلال.
ومثلما يدفع الكاردينال ويقدم هذا العمل لهلاله ..يساند جمهور الهلال
ويحبه ويدافع عنه بحب كبير.
جمهور الهلال ايضا يحمل نفس الحب.
ونفس القيمة.
ليبقى الاختلاف كبير بين الهلال العظيم والاندية الاخرى.
ما في زول بيعمل لفريقه ..ما يفعله الهلالاب لفريقهم.
نحن تاريخنا فيه الطيب عبدالله ..الذي قدم للهلال كل شيء.
باع اي حاجة للهلال.
وفي الهلال عندنا والي الدين ..الذي رحل من هذه الدنيا بسبب اصابة تعرض
لها في الملاعب الخضراء.
رحل والي الدين ومازال باقيا في قلوب الهلالاب.
الهلال خاصية عنده وحده.
نختلف في الحب.
ونختلف في العطاء.
ونختلف في الجماهير.
لذلك يبقى الهلال عظيما.
ولذلك يختلف الهلال.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بالمناسبة هسع نحن ماسكين لسانا.
ما عاوزين نقول اي شيء.
قاعدين نضاير ..وقلنا ما نقول حاجة.
ظهر الطابق الثالث ..والسكوت غلبنا عديل كدا.
صعبت علينا.
لكن مسكنا نفسنا.
لكن يلحق يظهر فيها (طابق رابع) ..مريخابي ما يحوم تاني في المنطقة.
…………
و
اول مرة اشوف لي قرعة سرية.
الاتحاد الافريقي دا بقى اتحاد فاسد.
انتوا القرعة ما تعملوه علنية.
شنو الغرف المغلقة دي كمان.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
……………
السيدة (ل) – نحن ما بيناتنا (بصلة).
وقرّط على كدا.

انقر هنا لقراءة الخبر من مصدره.