مجموعة (السائحون) رغم جديتها في طرح دعوات اصلاحية الا ان بعض مواضيع الصفحة جنحت للفكاهة والطرفة كمعظم صفحات التواصل على شبكة الأنترنت ففي صورة نشرها أحد أعضاء المجموعة تضم انواع الكيزان (كلمة كوز من الدارجة السودانية تعني اناء أو كوب الشرب) ويصف نذار عطا الصورة بالكيزان خشم بيوت وأنواع الكيزان هي كوز كبير، كوزعادي ، كوز أصلي ،كوز قديم ، كوز جديد ، جردل ، كوز منتهي ، جنا كوز وكوزة. فتسأئل ابو هريرة الدوسي الجردل الجابو هنا شنو. ليرد نذار الجردل ده شكلو عايز يكاوش علي الكيزان ديل كلهم. وأضاف محمد ذوالنون الكوز الكبير دا مليان تكاليف. وقال عبد الرحمن جبريل وفى كوز مقدود بتاع السبيل. ليرد محمد على عبدالرحمن بقت علبة صلصة ياعبد الرحمن الكيزان قالو دا مامستواهم مابقعدوا فى السبيل . وعلق محمد حاج احمد انا غايتو ماعندي علاقة بي كيزان السبيل المقددة دي آخر عهدي بي كيزان الالمنيوم بايد سميكة . طبعا غالبية اسرتنا أنصار عمي كوز الشباب بقرقو عليهو قالو ليهو ياحاج الأمين إنت كوز قالهم لا لا انا جك ليهو إضنين. و الكيزان الجداد بتاعين التجنيد النوعي ديل كيزان بلاستيك. وقال أمير المكي و فى الاهليه كان اصحاب البناطلين المقدودة يقولون : الكيزان جهاز وسخان . واضاف محمد ذوالنون طبعاً يانزار اولاد الجامعات الان مابعرفو مصطلح الكيزان والكوز وواضح القصة بقت من الارشيف لانه من خلال التعليقات الناس العلقت دى كلها عجايز ومافى واحد قال عايز كوزة مع انه فى كم بوست عن الزواج الجماعى واكمال نصف الدين والحور العين المهم الكوزة دى لازم نسمع صوتها عشان نعرف اخواتنا وزكرياتهم مع المصطلح لانه اكتر الناس اتعرضوا للابتلاء بسبب اللبس لانه الكوزة فى العصر السابق مميزة اكتر من الكوز ومابتقدر تزوغ بحلق اللحية. وعلق سيداحمد محمد بشير "يا الله روزا ومرة كوزة" دة كان دعاء زمااااان . ليرد عليه أحمد الامين