للتوثيق: كيف مر أول عيد أضحي بعد الانفصال?! بكري الصايغ [email protected] 1- ***- للجميع، بادارة موقع جريدة (الراكوبة) الموقر، وللقارئات والقراء الكرام، ولكاتبات وكتاب الموقع..اتقدم لكم باجمل الأمنيات الطيبة بمناسبة عيد الفطر المبارك، راجيآ من الله تعالي ان يجعله عيدآ سعيدآ ملئ بالصحة التامة والعافية وبالافراح..وكل عام وانتم بخير. 2- ***- الغرض من كتابة مقالة اليوم تقوم علي توثيق حال أهلنا بلدنا في أول عيد اضحي بعد الأنفصال..وكيف احتفلوا به?..وهل يختلف عن باقي اعياد الأضحي في السنوات السابقة? .. وبماذا اختلف عيد هذا العام عن غيره من باقي اعياد ماقبل التقسيم?..وبماذا اتسم عيد الأضحي عام 2011?.. وماهي السلبيات والاايجابيات التي كانت ظاهرة في احتفالات الناس هذا العام?!! 3- ***- وللاجابة علي هذه الأسئلة اعلاه قمت باتصالات عديدة مع أخوات واخوة يقيمون بالخرطوم وعدة مدن سودانية، وايضآ باوروبا واميريكا، مهنئآ اولآ اياهم بالعيد المبارك ، وثانيآ وللاستفسار منهم عن كيف كان عيد اضحي عام 2011 عندهم وان كان يختلف عن ماقبل التقسيم. ***- وقد يتسأل احدآ من القراء الكرام لماذا استعجلت كتابة هذا الموضوع ولم انتظر حتي انقضاء ايام العيد ويكون المقالة بعدها اكثر توثيقآ وبصورة مكثفة?.. وارد علي هذا التساؤل واقول :( عيد الاضحي هو في الاصل يوم واحد فقط لاغير..وباقي الايام مجرد عطلة للمجاملات والراحة..)، وثانيآ، لقد استعجلت كتابة الموضوع لان غدآ الأثنين دوام رسمي بالمانيا...( ولاعندنا عيد ولايحزنون)!! 3- ----- ***- وهاكم اخوتي واخواني القراء مااستعطت وجمعه لتوثيق كيف كان حال السودانيين في اول عيد أضحي يمر عليهم بعد الأنفصال?..وهاكم التعليقات التي بدرت من اصحابها. 4- ---- 1- بالله، هو كان في عيد?..والله ماشفناه، 2- عيد كان اكتر من عادي..ومافيه اي جديد، 3- عيد مر..مرارية الحنضل، 4- أنتهي العيد بانتهاء صلاة العيد، علي وزن (وينتهي العزاء بانتهاء مراسم الدفن)!! 5- التلفزيون بتاع كمال (حقنة) احتفل بارجاع الكرمك اكتر من الاحتفال بالعيد، 6- بسبب الفلس والفقر والفاقة ماقدرنا حتي الأطفال نديهم (العيدية)، 7- صحينا الصباح بدري، زرنا المقابر، رحنا الجامع وصلينا صلاة العيد، وخلاص مافي حاجة تاني، 8- احسن حاجة في العيد ستة ايام اجازة، 9- ناس الجيران ادونا من (لحمهم)، وشلنا نفس اللحم واديناه للجيران الورانا، 10- لأول مرة في اعياد الأضحي الجزارين يرجعوا لمنازلهم بلا ضبائح، 11- من التلفزيونات العربية شفنا اعياد السعودية وقطر والبحرين.. اعيادهم مازي عندنا.. والله شفنا كترت خرفان بالألآف..بختهم اكلوا لحوم وشبعوا..نحنا (لينا الله واكل السوق)، 12- لاول مرة السنة دي نلاحظ اختفاء المغتربيين، قالوا (الروووب) من السودان واسواقه واسعار السلع فيه، 13- اكتر حاجة حتفقع مرارتي وترفع الضغط عندي، بعد انتهاء العيد، حنلقي الصحف المسيسة تروح وتكتب عن العيد ومباهجه وكيف انو الناس كانوا فيه مبسوطيين وقضوا اجمل عيد اضحي مر علي البلاد، 14- ثمن خروف الضحية وصل سعره مايعادل سعر تمن تذكرة طيارة -جدةالخرطومجدة-، 15- ياحليل ايام زمان لما كان الخروف، وحق الجزار، وشوال الفحم، ب 20 جنيه، 16- اتفرجت علي المصريين في التلفزيون وهم بياكلوا اللحم (والشيات) عندهم ماتديك الدرب، وقلت في سري الله يجازي الكان السبب، 17- ارتفعت اسعار الفنانيين للحفلات بارقام خيالية، وبس عشان يغنوا اربعة ساعات، 18- انا ماعارف ليه السودانيين بيقولو عيد الأضحي وهم ماقادرين يضحوا?..مايشوفو ليه اسم تاني!!،
