معقول ياحسين تنطق بعد 8930 يوم بأسباب المشكلة السودانية ( سياسية إقتصادية إجتماعية ) وكمان تجى إفادة ناقصة كن شجاع وقول مانحن فيه من تدهور سياسى إقتصادى إجتماعى السبب فيه سطو الحركة الإسلامية السودانية على نظام الحكم تحت إسم الإنقاذ فغرقنا وضاع كل شىء يا جماعة حسين خوجلى فى حديثه ببرنامجه ( مع حسين خوجلى ) ليوم الأربعاء 18 ديسمبر 2013م قال كلام جميل - السودان دا لازم يكون لكل السودانيين - لو فى شيوعى فاهم يتقدم الصفوف - لو فى حزب أمه فاهم يتقدم السفوف وهكذا وضرب المثل بالتجربة التركية حيث لم تعزل الحركة الإسلامية التركية بقيادة رجب طيب أوردغان أى تركى لإنتمائه الحزبى وكانت الكفاءة والمقدرة هى المقياس يا جماعة نحن عاوزين نفتح صفحة على الراكوبة تضم جميع من أحيل للصالح العام - أى زول شالوه يرسل إسمه للراكوبة كاملا تخصصه الموقع الذى كان يشغله تاريخ بداية العمل وتاريخ الإحالة للصالح العام حسين خوجلى نطق بنصف الحقيقة فى حلقة يوم 18 ديسمبر 2013م أى بعد أربعة وعشرين سنة وخمسة شهور و18 يوم أى بعد 8930يوم حسين خوجلى قال عشان نعيد كل شىء ونصلح الخراب الحصل دا لازم ........... ولم ينطق بإسم المتسبب لم يذكر الإنقاذ حسين خوجلى بيتأسف على كفاءة جمال الدين عثمان ولم يتأسف على الجيش الكبير من الإعلاميين الذين شردهم الطيب مصطفى ومساعده حسن فضل المولى الشخصية المعجب بها حسين خوجلى ( جمال الدين عثمان ) مش لأنه ممتاز ولكن لأنه إسلامى يا حسين خوجلى يا تتخلص من مرضك وعلاقتك بالإسلاميين وتصبح سودانى مسلم أو لتصمت - شهادتك فى شيخك الترابى وناس جمال الدين عثمان مجروحه ومشروخه لأنك معجب به قبل أن تتعرف على كفاءاته وهو من شهد بنفسه وقال مدير سونى اليابانى أدانا درس فى الأخلاق - يعنى لمان مشى اليابان مشى وهو جاهل ماتشكر لى الكيزان واللى فيهو شكر بيبان براهو واللى فيكم بان وظهر خراب ودمار ومافضل ليكم شىء تدافعوا عنه - أنت ياحسين بتحض المواطنين عشان يكونوا جمعيات فى الفرقان ليتولى عن الدولة كل دورها - أنت مازلت تقدم خدمتك للنظام وعاوز شعبك يبقى زى الشباب السزج ( عديل المدارس ) شباب غرر بهم وتركوا دراستهم ومستقبلهم وتولوا عمل كانت تقوم به ( وزارة الأشغال ) لمان كان عندنا أشغال - وحسين خوجلى عاوزنا ننظف الزبالة عشان المليارات التى جباها الوالى الخضر كرسوم نفايات تكون حلال بلال للكيزان يسدوا بيها نقص بترول الجنوب حتى لا تغيب صدور واوراك الفراخ المشوى المغموس فى عسل النحل الحضرمى من موائد الكيزان خاصة وهم جماعة مسئولية مثنى وثلاث ورباع يحتاجون لأكل خاص يرم عضمهم خليك يا حسين خوجلى فى تسجيل العجب لمريخ الفاشر وابعد عن السياسة السودانى فهى معطوبة كيزانيا وعلاجها لن يتم إلا بخروج كل الكيزان من حياة السودان والسودانيين ومازال نافع وعلى عثمان محتفظين بموقعيهما فى المؤتمر الوطنى أى أن هذه الجماعة المستهلكة ستبقى وستبث سمومها لمزيد من التدمير يا حسين خوجلى أنت مادام بتردد أن الترابى بطل إكتوبر أكيد بتنطق بنصف الحقيقة بعد 8930 يوم حسين خوجلى لم يفتح الله عليه طيله كلامه الذى صار ممجوج وغير مقبول وغير مريح ، لم يفتح الله عليه بتقديم لوم للحركة الإسلامية فى تدميرها فى السودان وعشان يقطع مصارينا ويهرينا يدخل جملة عرضة - الترابى دا بطل إكتوبر ما لقى دائرة مقفولة - الدائرة المقفولة تمنح لأبناء الوطن الحقيقين ناس حاج مضوى محمد أحمد يا حسين مش للأجانب الجابهم لقيت القطن يا حسين كدى خلى لسانك الفصيح دا ينطق الحقيقة ويسجل صوت لوم لنظامكم اما موضوع البت الثيابة مقطعة دى برضو من نتائج الضرر الذى لحق بالتعليم من كيزانكم وانت صامت وجاي تنطق بعد 8930 يوم يا حسين خلى جماعتك دى تغور نحن قادرين نعيدها سيرتها الأولى لكن لو فضل واحد منكم فى الحكومة حيكون زى البصلة العفنة فى جوال البلصل تنقل مرضها لكل البصل كدى سيب الكلام عن الترابى بطل اكتوبر نحن عارفه هو بطل فى شنو مافى داعى للكلام وسيب موضوع البنت الملابسها مقطعة وسيب ود جادين الإمكانياته ضعيفه وسيب الكلام فى أى مشكلة سودانية فمشاكل السودان لا تحصى كدى أنطق بالحق وقول مانحن فيه الأن من تدهور سياسى إقتصادى إجتماعى السبب فيه نظام حكم الإنقاذ - قلها بشجاعة ولكن قبل أن تقلها تعتذر عن علاقتك بالحركة - ولا بد أن تقول يجب أن يشمل التغيير كل الإسلاميين وفى مقدمتهم البشير لأنه المسئول رقم (1) فيما نحن فيه من مشاكل لا تحصى تفوق مايجرى فى أفغانستان والصومال والجنوب وجميع دول العالم - نحن الرقم ( الأخير ) ومن المفترض حسب مقدراتنا الطبيعية والبشرية ، أن نكون الرقم (1) فى العالم متقدمين على أمريكا ودول أوربا - والسبب حكومة الأخوان [email protected]