سودارس : تاني ح تغشونا بالسلام والمحبة؟!! (أشعار)

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تاني ح تغشونا بالسلام والمحبة؟!! (أشعار)

عمر علي عبد المجيد نشر في الراكوبة يوم 27 - 07 - 2016

تاني حتغشونا برضو بالسلام وبالمحبه
تاني تبدوا بالشريعه وترقصوا تتموها ربه
تاني حتسفو البلد دي في المفضل حبه حبه
الا مسؤلين من الخير
ياتو شافع من كضبكم ما شبع قام وشبه
ياتو زول فاهم و واعي م صبح مليان معبه
ياتو انسان في البلد دي ما مصدق ولا فاهم
انو كل القصه لعبه
ياتو زول ما واقعه ليهو
انو فكرتكم دي نصبه
----------------
لاقيتك
ﻻﻗﻴﺘﻚ ﻓﻲ ﺷﻬﻘﻪ ﺷﻔﻊ
ﺑﻴﻦ ﺧﻮﻑ ﻭﻓﺮﺡ ﻓﻲ ﺍﻟﻤﺮﺟﻴﺤﻪ
ﻻﻗﻴﺘﻚ ﻓﻲ ﺍﺑﻜﻢ ﺑﺮﺳﻢ
ﺑﻲ ﺍﻟﻮﺍﻥ ﻧﻀﺎﻣﻪ ﻓﺼﻴﺤﻪ
ﻻﻗﻴﺘﻚ ﻓﻲ ﻟﻤﻪ ﻧﺴﻮﺍﻥ
ﺑﺘﻮﻧﺴﻮ ﻓﻲ ﺩﻕ ﺍﻟﺮﻳﺤﻪ
ﻭﻻﻗﻴﺘﻚ ﻳﺎ ﺍﻧﺖ ﺟﺮﻳﺤﻪ
ﻻﻗﻴﺘﻚ ﻣﺴﺪﺍﺭ ﻣﻤﺘﺪﻱ
ﻣﻦ ﺣﻠﺘﻨﺎ ﺍﻟﻤﺎ ﺑﻌﺮﻓﺎ ﺯﻭﻝ
ﻻ ﻋﻨﺪ ﺍﻟﻠﻪ ﻭﺟﻮﻩ ﺍﻟﻔﺮﺩﻭﺱ
ﻭﻗﺪﻣﺘﻚ ﻟﻴﻮ ﺍﻧﺘﻲ ﻫﺪﻳﻪ
ﺭﺟﻊ ﺣﺒﻠﻚ ﻓﻲ ﻛﺘﻔﻲ ﻋﺮﻭﺱ
ﻭﺍﻧﺎ ﻡ ﺍﺳﺘﻬﺪﻓﺘﻚ ﻓﻚ ﺍﻟﻀﻴﻖ
ﻭﻻ ﺟﻴﺘﻚ ﺿﺎﺭﺏ ﻋﺮﻗﻲ ﺍﻟﺴﻮﺱ
ﺍﻧﺎ ﻣﺎﺭﻕ ﻟﻠﺮﺑﺎ ﻭﺍﻻﺗﻼﻑ
ﻭﺑﻌﻮﻟﻖ ﻓﻲ ﻫﺬﺍ ﺍﻟﻘﺎﻣﻮﺱ
ﺿﺪ ﺍﻟﻤﻮﻳﻪ ﺍﻟﻤﺎ ﺑﺘﺼﻞ ﺍﻟﺮﻳﻖ
ﻭﺍﻟﺪﻡ ﺍﻟﻨﻔﺤﺼﻮ ﻓﻲ ﺍﻟﻨﺎﻣﻮﺱ
ﻭﻟﻘﻴﺖ ﻣﺠﻨﻮﻥ ﻋﺎﻣﻞ ﻣﺠﻨﻮﻥ
ﻗﺎﻝ ﻣﺎﺭﻕ ﻳﻔﺘﺶ ﻓﻲ ﺍﻟﻨﺎﻗﻮﺱ
ﺩﺍﻳﺮ ﻳﺪﻗﻮ
ﻣﺎ ﺍﻟﺤﺎﻟﻪ ﺧﻄﺮ
ﻣﺴﻜﻴﻦ ﻣﺠﻨﻮﻥ
ﻭﺍﻧﺎ ﻣﺠﻨﻮﻥ
ﺍﻻ ﺍﻟﺠﻦ ﻓﻮﻕ ﺭﺍﻱ
ﻭﺍﻗﻒ ﻓﻲ ﺍﻣﺎﻥ ﺍﻟﻠﻪ ﻭﺑﺮﺍﻱ
ﻻﻗﻮﻧﻲ ﺍﻟﻄﻠﺒﻪ ﺍﻟﻤﻤﺘﺤﻨﻴﻦ
ﺑﺘﻨﺎﻗﺸﻮ ﻓﻲ ﺑﻌﻀﻬﻢ ﻗﺎﻟﻮ
ﺍﻻﺳﺌﻠﻪ ﻓﻲ ﺍﻟﺴﻮﻕ ﺑﺠﻨﻴﻬﻴﻦ
ﻭﺍﻧﺎ ﻣﺎ ﻣﺴﺘﺎﺀ ﻣﻦ ﻛﻮﻧﻮ ﻓﻲ ﺑﻴﻊ
ﻣﻦ ﻛﻮﻧﻮ ﺍﻻﺟﻮﺑﻪ ﺑﻲ ﻣﻴﺘﻴﻦ
ﻭﺍﻧﻮ ﺍﻟﺒﻨﺠﺢ ﻫﻮ ﺍﻟﻌﻨﺪﻭ ﻗﺮﻭﺵ
ﻭﺍﻟﺒﺼﻘﻄﻮ ﻫﻢ ﺍﻟﻤﺤﺘﺎﺟﻴﻦ
ﻭﺍﻟﻌﻨﺪﻧﺎ ﺳﻤﻮﻫﻮ ﺍﻟﺮﻗﺮﺍﻕ
ﻓﻲ ﺑﺎﻝ ﺍﻟﻀﺐ ﻳﺎﻫﻮ ﺍﻟﺼﺎﻟﻮﻥ
ﻭﺍﻟﻀﺐ ﻫﻮ ﺧﺼﻴﻢ ﺍﻟﺮﺏ
ﺍﻣﻜﻦ !؟
ﺑﺲ ﻡ ﻇﻨﻴﺘﻮ ﻋﻠﻴﻬﻮ ﻋﻴﻮﻥ
ﻭﺿﻴﻮﻓﻮ ﺑﺪﺧﻠﻬﻢ ﺍﻟﺮﻗﺮﺍﻕ
ﻭﻓﻲ ﺍﻣﻪ ﻣﺪﺧﻠﻪ ﻓﻲ ﺟﺎﻟﻮﻥ
----------
عرض
ﻳﺎ ﺑﺎﺩﻱ ﻣﻦ ﺍﺧﺮ ﺍﻟﻜﺘﺎﺏ
ﺍﻳﺎﻙ ﺗﺤﺼﻞ ﺍﻭﻟﻮ
ﻣﺎ ﺍﻟﻘﺼﻪ ﺗﺒﻘﻰ ﺿﻴﺎﻉ ﺯﻣﻦ
ﻭﺍﻳﺎﻙ ﺗﻘﺎﺑﻠﻚ ﻓﻲ ﺍﻟسطور
ﺑﺨﺮﺍﺕ ﻛﻼﻡ ﺍﻻﻣﺘﺤﺎﻥ
ﻧﺎﺱ ﺍﻟﺘﺮﺍﺣﻢ ﻭﺍﻟﺘﻜﺎﻓﻞ ﻭﺍﻟﻮﻃﻦ
ﻭﺍﻳﺎﻙ ﺗﻌﺘﺮ ﻟﻠﺤﺠﺮ
ﻣﻊ ﺍﻧﻮ ﻓﻲ ﺍﻟﻤﺎﺿﻲ ﺍﻟﻘﺮﻳﺐ
ﺍﻟﻜﺎﻥ ﺑﻌﺘﺮ ﻟﻴﻨﺎ ﻫﻮ
ﺍﻻ ﺍﻟﻈﺮﻭﻑ ﺍﺗﻐﻴﺮﺕ
ﻭﺍﻟﻔﺮﺣﻪ ﻋﻨﺪﻱ ﻭﻓﻲ ﺟﻮﺍﻱ
ﻣﻌﺮﻭﺿﻪ ﻓﻲ ﺍﻟﺴﻮﻕ ﺍﻟﺠﺪﻳﺪ
ﻭﺍﻟﺴﻌﺮ ﻣﻐﺮﻱ ﻭﻣﺴﺘﻔﺬ
ﺩﻩ ﻻﻧﻬﺎ ﺍﺳﺘﻌﻤﺎﻝ ﺧﻔﻴﻒ
ﺍﻟﻔﺮﺣﻪ ﺍﺳﺘﻌﻤﺎﻝ ﺧﻔﻴﻒ
ﻣﺎ ﺟﺮﺍﺣﻲ ﻡ ﺧﻠﺖ ﺩﺭﺏ
ﻟﻠﺮﻳﺪ ﻋﺸﺎﻥ ﻳﺤﺠﺰ ﻣﻜﺎﻥ
ﻳﺎ ﺭﻭﻋﻪ ﻓﻲ ﻫﺬﺍ ﺍﻟﺰﻣﺎﻥ
ﻏﺰﻭ ﺍﻟﺸﻌﻴﺮﺍﺕ ﺍﻟﺒﻴﺾ
ﻣﺎ ﻋﺎﺩ ﺑﻴﻌﻨﻲ ﺍﻻﺣﺘﺮﺍﻡ
ﻭﺍﻟﻔﺎﺭﺱ ﺍﻟﺸﺎﻳﻞ ﻣﻌﺎﻭ
ﺣﻘﻨﻪ ﻣﻼﺭﻳﺎ ﻭﺑﻨﺴﻠﻴﻦ
ﻡ ﺑﻐﺘﻲ ﻓﻲ ﺣﺮﺏ ﺍﺳﻲ ﺩﻱ
ﻭﺍﻟﺼﺪﻓﻪ ﻗﺪ ﺗﺨﻠﻖ ﺑﻄﻞ
ﺯﻱ ﻧﺎﺳﻨﺎ ﺩﻳﻞ
ﻭﺍﻟﺠﺎﻱ ﺑﻲ ﻋﺮﻕ ﺍﻟﻘﻠﻢ
ﻓﺘﺶ ﻋﻠﻴﻮ ﺑﻴﻦ ﺍﻟﻜﺘﺐ
ﻣﺎ ﺑﺘﻠﻘﻰ ﻓﻲ ﺍﻟﺴﻮﻕ ﺑﻨﻌﺮﺽ
ﻣﺎ ﺍﻟﻘﺼﻪ ﻣﺎ ﻗﺼﻪ ﻋﺮﺽ
-----
انتخابات
الانتخابات يا سيدنا كييف بالله
جيت اوريكم عتات الرغبه والزيف والغباين
انتو اصلا جيتو من وين
جيتو من خارج حدود الوعي بالفكره النبيله
جيتو كمثال حي و واقع للسياسات الرزيله
جيتو من اجل انحسارنا وانحدارنا وانكسارنا
وجيتو وجعتنا الطويله
وتحت عنوان الفضيله
تقتلو الزول بي ايدينكم وتدفنوهو
وتمشو لي اهلو وتغنو تسو للزين والعديله تحت عنوان الفضيله
باختصار جد كنتو اسوا سمعه لاقت لي عيون عازه وخليله
تحت عنوان الفضيله
جامعه الخرطوم تدنت وهي الجميله ومستحيله
تحت عنوان الفضيله
اغتنيتو وادعيتو وافتريتو
وفوق ده كلو
عدتو بالبلد المسالم لمربع فات وطول
هو التناحر بالقبيله
تحت عنوان الفضيله
الشوارع عدمت الخير
والحدايق عدمت الطير
والفهم كفيت ودفير
والمواطن قالبه حيله
نحن قبال م تجونا
لا بنسب لي جار ونلعن
لا في جيران بلعنونا
لا باسم العازه مارقين
للتسول والاغاثات والمعونه
عشان كده قلناها بدري
وتاني ليك بنقولا برضو
انتو ناس ما بتشبهونا
انتو تلبسوا بس براكم
والخلايق ماشه تحفى
انتو بتربو الغباين
والاله علمنا نعفى
انتو علمتو الشوارع دي الخيانه
والبلد علمنا كيف نصبح لي اوفى
الا ساي بعدين تعالو
انتو كمثال حي و واقع
للتخازل والتشاؤم والتواطؤ والتردي
في فهمكم هل يجوز هل دي بتعدي
انتخب زول في مواقفو لا بجيب لي لا بودي
انتخب ناس لاعبه بينا ربع قرن سدي ردي
انتخب ناس جات فقيره معدمه وبائسه وحزينه الليله من خيرنا بتندي
انتخب ناس تبدا فكرتا بالشريعه وتبقى قفلته عدي بي يا شوق عدي
ياخ اخجلو من نفسكم عاينو لي الفي السوق مكاتله
زوله من صبح الله مارقه من التعب عينيها ناصله
م بتقبل تبقى عاطله
انتو بتكشوها برضو بي دعاوي سخيفه باطله
وانتو عارفين الحقيقه
لا في دين لا دعوه شامله
تاني نازلين انتخابات
انتخابات تاني برضو
وتاني بي اسم الله كضبه
تاني حتغشونا برضو بالسلام وبالمحبه
تاني تبدوا بالشريعه وترقصوا تتموها ربه
تاني حتسفو البلد دي في المفضل حبه حبه
الا مسؤلين من الخير
ياتو شافع من كضبكم ما شبع قام وشبه
ياتو زول فاهم و واعي م صبح مليان معبه
ياتو انسان في البلد دي ما مصدق ولا فاهم
انو كل القصه لعبه
ياتو زول ما واقعه ليهو
انو فكرتكم دي نصبه
انتخابات في البلد دي
حقو تخجلو تعملوها
اختلفتو واتفقتو
وقلتو برضو الشعب صدق
قلنا فوت صدقوها
جيتو راجعين تاني برضو
بي اسم فقه الضروره
وقلتو ردو الطلقوها
حيله كانت بالمصاحف
في الرماح العلقوها
قبل ما يبقى اتفاقكم
شوفو كم روح ازهقوها
كم وصل عدد البيوت
المن كضبكم ودينكم الزيف
سددوها
ياخ والله عيب عليكم
اقروا يس بنجهوكم
شعبكم مات من عشقكم
وسكه لي مويه وضوكم
مافي حاله من الغزل
جات باديه بي انعل ابوكم
انتو نص خاص مستفذ
جد للغه وجد بحسدوكم
انتو ناس جد مافي حاجه لتوصفا
انتو ضوقتونا مره ..
شاحد الله
نشوفه باينه في جناكم
و في حلوكم
لمه تتهذه الشوارع
وللحقوق الناس يجوكم
بكره اصحاب المواجع
في بيوتكم بوصلوكم
حتى عند الله الخلقنا
يوم حسابو القالو بجمع
يوم يقيفو الناس ويبكو
ويدفنونا ويدفنوكم
يوما داك بتقولو لي شنو
يوم ملايكتو يسالوكم
حسبي الله الوكيل هو
يكفي انو هو بس عدوكم
انتخابات تاني كضبه
فيها زدتو المحلبيه
انتو صوره جليه واضحه
للتتر والبربريه
انتخابات جامعه ساكت
انتو جواها بتخشو
بالسلاح والبندقيه
لسه خاتين في فهمكم
انو كل الشعب ممكن
ليكم انقاد عنتريه
احنا لسه ملانا ايدنا
لسه ما فاقدين هويه
بس سوال ..
بس سوال لو عدتو جواك ي حبيبنا
تعرف انو القصه لسه
ولسه جوانا القضيه
والسوال الداير اجابتو
انتو كم يا الجبهجيه
برضو مسؤلين من الخير
دوله الدين التبعكم
مالو اصبح صوتا اشتر
وينو مشروعا الحضاري
وينا عبله وينو عنتر
انتو ناس تاريخكم اسود
حتى دينكم كلو مظهر
ثم هل يا انتو واعين
انو تاريخكم ده كلو
كل تاريخكم مزور
ما علينا ..
بس افهموها
انتو بعتوها البلد دي
ما فضل فيها البتكتح
لا في يابس ولا اخضر
كلو مرهون لي بنوكا
والصكوك دم شعب مجبر
انتو شوهتو انتمانا
للمكان البيو بنفخر
ياخي من ما جيتو انتو
ونحن من الفقر افقر
انتو شككتونا حتى
في البقول الله اكبر
والوجع مكتوب مقطر
كلو في التاريخ مسطر
انتخابك ليك مبروك
انت ما سيد السياسه
بيع حلايب بيع شلاتين والقضارف
بيعنا في سوق النخاسه
كره الناس دينا زاتو
وكل علاقتا بالقداسه
دق قيمنا ومجتمعنا واقتصادنا
وبرضو ارقص يوم اسو غنى الحماسه
تاني ارقص يوم اسو غنى الحماسه
وكل ما تحصل مصيبه في البلد دي
ابقى انت السبه فيها
وانت برضو سبب خلاصا
لما تكمل كل مصايبك
ويبقى ما عندك مصيبه تدق نحاسه
صوتا دارفور كردفان كل البلد دي
وبالشرق وافتنى وكتر دواسه
واوعى تفتر ما كملنا
احنا قاعدين في الشوارع
وانت خليك للراسه
واوعى ما تختار بطانتك
الا لما يكونو خبره
في الدسايس والخباسه
لخ عجينك بي مهلتك
الا بعدين يا حبيبنا
ابقى بس قدر العواسه
والنبي ان كان ترحمونا
عزبونا واقهرونا وادبونا
نحن جد ما شعب عاطل
واي شي نسويهو نحن
بدون رضاكم ببقى باطل
انتو ما اهل البلد دي
انتو عزا وعزنا
انتو ما صفه العداله
انتو ما رجال الهنا
انتو لا يمكن تكونو
مره في يوم زينا
انتو اخوان مسلمين جد
ونحن كفار كلنا
ياخ بالامس القريب ده
انت ما انقزتنا
يعني ناسين فضلك احنا ؟
ولا قلنا ظلمتنا ؟!
حوه ما بتجيبو زيك
لو تلد مليون سنه
جيتونا في بدايت الطريق
مارقين تكوركو حرام حرام
مكنتو ناسكم كم سنه
لصقتو دينا على الحيط
كبري البخاري البي هنا
اسال براك كل الشوارع
وشوفو وين راح حسنا
نصك براك هو البنسمع ليك في الشعر
وتراهو دا نوع نصنا
بعدين تعال يا سيد ابوك
ياخ انت هو الزيك منو
والله ما يصيبك شكك
الشعب منك وبيك ولك
وانحنا ليك نهتف عدييل
تحيا القلوب الحبتك
والثوره زاتا الجابتك
والانتخابات اللتك
والله اكبر حقتك
والشعب ما غنمك عدييل
بس انت اشر وقولي تك
ياخ انت هو الزيك منو
ياخ انت ما راجل نبيل
غيرك انت السلطه لي منو
غيرك انت منو الكفيل
احنا لو فتناك انت
العيشه بعدك مستحيل
انتخابات تاني لشنو
ساكت اقعد يا جمييل
انعل ابو القال بسالك
وانعل ابو القال ليك بشيل
ياخ انت هو الزيك منو
ياخ انت ياخي عسل عدييل
هذا البلد لولاك م جرا تحتو نيل
كيفن نجيب غيرك بديل
ياخ انت هو الزيك منو
سفلتنا يا شيخنا اب ظلط
طاعم كلامك وسلسبيل
متعنا ياخ ومطو مط
حاشاك لا كضاب ولا بتغش نفر
وااحد كلامك وقدرو ظط
وانحن من عشقك يمين
متكيفين و وقفنا لط
ياخ انت هو الزيك منو
قالو الحراميه المعاك
ما انت يعني ..
اكلو وشبعو بالهنا
مال البلد ما حقكم
هو في ياتو يوم كان حقنا
ما نحن اولاد كلب ساي
بالنسبه لولاده الهنا
خمو القروش ودوها
ماليزيا
السويد
وان اعترضنا دقنا
م نحن شعب قليل ادب
جد ليك حق ما تحبنا
ما انت ياخ الغنو ليك
اوريك اطبك
انت ياخ ما طبنا
وانحن كان ما ساي وهم
كيفن بنغضب ربنا
ما انت زي ما قلت ليك
قبال ده باسم الله جيت انغزتنا
تسعه وتمانين الف خازوق محترم
ركبتنا .
وبقينا ياخ مهزبين
والحمد لله الذي بحكمتك ادبتنا
ياخ انت هو الزيك منو
ياخ انتو ما ناس المهابه
نحن ناس ساكت مساكين
يعني بين قوسين غلابه
قبل ما تطلونا انتو
الفهم كان بالترابه
لا علاج لا صحه لا دين لا وطن
ساي كنا قابه
بس بعد ما جيتو انتو
الحمد لله اتحدنا
وعاد جنوبنا شموخ مهابه
الله اكبر
صنتو دارفور في امان الله زاهيه
صنتو للاوطان شبابا
اما عن صحتنا ده
بالنسبه ليكم
انتو ليكم حق تغنو الغنيه ديك
وطني يا وطن الصلابه
اما عن تعليمنا اصلا
انتو ما فقره كتابه
انتو بترولنا ودهبنا
وانتو في السماء ده السحابه
انتو كان م الدنيا خاينه
كنتو تاخ جايين صحابه
انتخابات تاني لشنو
يعني ليه ساويها زاتو
مافي مشكله
في امان الله نحن
الوطن ماتو جباتو
اوعى تسمع للمعارضه وافتراها
ناس حفاتو وناس عراتو
ديل بيقصدو دينا نحن
ودين ما بنبيع صلاتو
للنصيحه وللامانه
عيبو لي حكمك ده مالو
في امان الله حلااتو
واي زول ساي شاكي منك
شاحد الله تقع لهاتو
انت ياخ زيك في انسان
ولا بعدك نحن بنعيش
مافي مشكله لو كملنا
بكره اشتري ليك مواطنين
تحكمهم طبيز ودقيش
القروش ما راقده عندك
والمواطنه في الزمن ده
اما بالسكن اما بالعيش
نحن اسفين يا سعادتك
لو قعدنا وما كملنا
نحن تعبناك معليش
كل ما نقول ليك دايرين
تمشو تقتلو فينا بالديش
للامانه وقبل ما تدقونا بالنار
كنا لما نقولا دايرين
انتو كتو تقولو مافيش
لما تسعل من سوالنا
بعد ذلك
ببقى هاك الرك ده يا عيش
تبقى ضيقه ولا مافي
ما العماره
عشه كان معروشه بي خيش
نحن اسفين يا سعادتك
نحن تعبناك معليش
انت ياخ زيك في انسان
ولا بعدك لينا قيمه
انتو ما اهل التسامح
وانتو ما اهل العزيمه
انتو ما النيه السليمه
وانتو ما الاسر الكريمه
انتو بينكم والملايكه تحت تحت
عشره قديمه
اه يا حبيبنا
اوعى تزعل مننا
دي تكون غبينه حاقدين
صدقني جد
ما تشتغل بالمارغين المرجفين الزينا
هاك بيع واشتري فينا ساي
م ضعاف انحن
لو ما مصدق جسنا
بااااع جسنا
مبروك الانتخابات
يا زعيم الامه يا مدلعنا
يا مشبعنا يا متعنا
يا احيييي انا
بنباركو ليك الفوز ضمان
بس للاسف لا انت لا الناس المعاك
اصبحتو حاجه تخصنا
بس هاك مني واسمعا
الكلمه البتتطلع كل يوم ضد القيود
ما دمت انت وشلتك
يومي بتخنو فنارنا عوود
صدقني والله العظيم
شوف عينك اكتوبر بعود
بينا الشوارع يا زعيم
والشعب مهرنا للخلود

انقر هنا لقراءة الخبر من مصدره.