بدأت بالأمس نشر تداعي خواطر عن أم درمان بلا تدخل، قلت: ان أم درمان مكان ينتح أناساً يحبون السودان ويبتعدون عن محاور الاستعلاء. ٭ ظاهرة أم درمان في الأغنية تستحق الوقفة والدراسة من أناس غيري تؤهلهم مكانتهم النقدية ولهذا ادعوهم لتعمير زاوية دراسة ثقافة أم درمانالمدينة البوتقة والتي تريد أن تتحول كل مدن السودان لأماكن تسع الجميع بثقافاتهم وعاداتهم وتقاليدهم حتى يأتي انسان السودان الجديد.. ٭ نقف مع خليل فرح القادم من أقصى الشمال لنرى أنه أم درمان وأم درمان هي خليل فرح: ويح قلبي الما انفك خافق فارق أم درمان باكي شائق يا أم قبائل ما فيك منافق سقى أرضك صوب الغمام في يمين السنبل حيث سابق كنا فوق أعراف السوابق الضريح الفاح طيبه عابق السلام يا المهدي الامام من فتيح للخور للمغالق من علائل ابروف للمزالق قدلة يا مولاي حافي حالق بالطريق الشاقي الترام ٭ خليل فرح في لحظة انقياد وجداني مكثف سكب مشاعره نحو أم درمان وهي عنده كل شيء الحلم والحقيقة، السوق والذكرى، الانتماء وحب الوطن «قدلة يا مولاي حافي حالق بالطريق الشاقي الترام».. ٭ ونسمع خليل فرح يقول: أذكر بقعة أم درمان وانشر في ربوعنا أمان ذكرى يا شبابي زمان دارنا ودار أبونا زمان وفيها رفات جدودنا كمان بطري الاسسوك زمان كانو نحاف جسوم ما سمان كانو يحلحلو الغرمان بساهروا بتفقدوا الصرمان في السودان فتيح معروف ولسه ابعنجه خوره سروف ودنباوي زول معروف باقي وديك شارع ابروف ٭ أم درمان ورموزها كانت عند خليل فرح كل شيء هي الوطن وسكون النفس وسيف العز الذي يرفعه عالياً. ٭ ما أردت أن أتحسر على أيام زمان في أم درمان ولكن أقول عندما يأتي حين من الدهر ويتحدث الناس عن أم درمان عن ابروف وبيت المال والمسالمة وودنباوي وود ارو والقلعة وحي العرب وفريق السوق والهاشماب والفتيحاب وحي البيان.. أين يأتي ذكر الثورة بحاراتها التي فاقت المائة وأمبدة بحاراتها العديدة ومدينة النيل والسرحة وحي الشاطيء والحتانة والواحة والعودة والمهندسين والدوحة كيف يكون الحديث؟ كيف تتناول الأجيال القادمة الحديث عن الأغنية الأم درمانية.. من يكون عندهم سرور وكرومه.. عائشة الفلاتية.. فاطنة الحاج.. أحمد المصطفى.. عثمان حسين.. عثمان الشفيع.. عبد العزيز محمد داؤود.. عبد الكريم الكابلي.. وسيد خليفة.. هل تكون عندهم ظبية مسالمة أو بدور قلعة وساكن موردة يضيع الآخرين.. ٭ تساءلت مع خليل فرح حول رأي صاحب الضريح الفاح طيبه عابق فيما يجري اليوم لأم درمان وفي أم درمان ولكن صوت أحمد المصطفى ملأ علي المكان: أنا أم درمان مضى أمسي بنحسي وغدا فتاتي يحطم قيد حبسي واخرج للملأ في ثوب عرسي وابسم بعدما طال عبسي يا سودان اذا ما النفس هانت اقدم للفداء روحي بنفسي ٭ وتبع صوت أحمد المصطفى صوت زينب الحويرص والفرجوني: أنا أم درمان أنا السودان أنا الدرة البزين بلدي أنا البرعاك سلام وأمان وأنا البفداك يا ولدي هذا مع تحياتي وشكري الصحافة
