بعد قبضوه من المظاهرة ورفعوه في التاتشر بسألوه انت متظاهر؟ بقول ليهم اي متظاهر بضربوه ضرب شديد بسألوه تاني بقول ليهم اي متظاهر بضربوه ضرب أشد قالوا ليه غني لينا فغني لي روحه غناء بوب مارلي Get up Stand up قالوا ليه دي ما بغنوها كدا قال ليهم انتوا يعني بتعرفوا انجليزي ضربوه ضرب أشد وأشد شالوا القروش من جزلانه لحدي ما افتكروه عايز يموت رموه في الشارع لما جابوه ناس البيت كان بهضرب هضربة واحدة بس وبقول: #تسقط_بس في المستشفي والممرض بحاول يركب الدرب وما لاقي وريد واخد زمن طويل قال ليه يا دكتور انت عايز تسقط النظام ولا تركب درب قاعد قدر دا .. قلت ليه تاني بتطلع تتظاهر قال لي بس خلي كراعي دي تبقي كويسة والله ما اقيف الا تسقط بس دا عبدالله ود مها اختي اليادووووب خاشي جامعة كم انا فخور بك يا بطل والف سلامة ليك والدم لكلاب الامن