وزير الصحة الاتحادي يبحث مع وفد "الصحة العالمية" تطوير نظام التقصي والمعلومات بدارفور    شاهد بالفيديو.. العروس الحسناء "حنين" تستصحب معها والدها "الحوت" لحفل زفافها وتترحم عليه بلافتة وضعتها أمام مدخل قاعة الفرح    صديق المذيع الراحل محمد محمود حسكا يفجر مفاجأة كبيرة: (اقسم بالله العظيم حسكا دموعه نزلت بعدما جهزنا جثمانه ولحظة وصول زوجته سماح لتلقي عليه نظرة الوداع)    "رسوم نقل الجثامين" تشعل سخط السودانيين    والي الخرطوم يخاطب اليوم العالمي للجمارك ويشيد بدورها في حماية الاقتصاد من التخريب والتهريب    القوات المسلحة السودانية: فتح طريق كادقلي    والي الخرطوم يخاطب اليوم العالمي للجمارك ويشيد بدورها في حماية الاقتصاد من التخريب والتهريب    بعد تهديده بالرحيل.. الدوري السعودي يرد على اتهامات رونالدو    جبريل إبراهيم يهنئ بفكّ حصار كادوقلي ويحمّل المجتمع الدولي مسؤولية الصمت على "جرائم المليشيا"    المريخ يتخطى هلال كريمة بثلاثية ويؤمن الصدارة    البرهان يتفقد الهيئة العامة للإذاعة والتليفزيون ويقف على جهود إستئناف البث من داخل استديوهات الهيئة    شاهد بالصور.. زوجة الحرس الشخصي لقائد الدعم السريع تخطف الأضواء بإطلالة جميلة من شواطئ لبنان    شاهد بالصورة والفيديو.. بسبب تدافع أصدقاء العريس.. انهيار المسرح في حفل زواج سوداني بالقاهرة أحياه الفنان محمد بشير وحضره المئات من الشباب    بالصورة.. تعرف على قصة زواج الأسطورة "الحوت" من المطربة حنان بلوبلو (قال لي "يا حنان انتي متزوجة؟" قلت ليه "لا" وفعلاً اتزوجنا خلال عشرة أيام فقط)    تطوير تقنية سريرية لعلاج أورام الدماغ لدى الأطفال    دراسة تربط بين فيتامين B1 وتسارع حركة الأمعاء    "فايرفوكس" يضيف زرًا واحدًا لتعطيل ميزات الذكاء الاصطناعي التوليدي    والي البحر الأحمر يؤكد أهمية قطاع السياحة في دعم الاقتصاد الوطني    وفاة الفنانة التونسية سهام قريرة فى القاهرة بعد حادث سير    "تيك توك" تستعيد مواصلة خدماتها بالولايات المتحدة    مانشستر سيتي يهزم أندية أوروبا ويحسم معركة بقاء عمر مرموش    جوجل تتيح ميزة جديدة لإدارة تسجيلات Google Assistant    دينا الشربينى تواجه صعوبات بعد الاتجاه للتمثيل ضمن أحداث "اتنين غيرنا"    كورة سودانية) تتابع الاحداث الكروية:..مواجهتان في اطار الاسبوع الاول بالدورة الثانية للدوري الرواندي غدا وبعد غد    مولودية إيه... وجمهور إيه؟!    رسالة أخيرة في بريد الرئيس البرهان قبل تمرد الحركات المسلحة الدارفورية    بند سري يدفع رونالدو لفسخ عقده مع النصر    اتحاد الكرة يثمن دور الشرطة ويؤكد شراكة استراتيجية لدعم النشاط الرياضي    ترتيبات لتمليك 2400 أسرة بالجزيرة لوسائل إنتاج زراعي وحيواني وإستزراع سمكي ودواجن    عثمان ميرغني يكتب: وصول "سودانير" إلى مطار الخرطوم..    3 مكونات مضادة للالتهاب لتخفيف آلام المفاصل ونزلات البرد فى الشتاء    تعرف على سعر الأسمنت اليوم الاثنين 2 -2 -2026 فى مصر    الجيش في السودان يقترب من إنهاء الحصار المشدّد    سعر الدولار مقابل الجنيه خلال منتصف التعاملات    برشلونة يعلن تعاقده مع حمزة عبد الكريم خلال ساعات    استقرار سعر الذهب في مصر اليوم السبت 31 يناير 2026    مصر.. القبض على أصحاب تريند "صلي على النبي"    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    البروفيسور ايهاب السر محمدالياس يكتب: مكافحة القوارض .. النظر خارج الصندوق    شرطة مكافحة المخدرات بتندلتي تضبط شخصاً بحوزته 250 قندول حشيش    إحباط محاولة تهريب ذخيرة في السودان    تلفزيون السودان يستأنف البث المباشر من مقرّه الرئيسي    الشرطة في الخرطوم تداهم منزل أحد قادة الميليشيا    المُبدع الذي جَعلَ الرؤيَة بالأُذن مُمكِنة    الشرطة في الخرطوم تداهم منزل أحد قادة الميليشيا    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    رشوة ب 12 ملياراً..إحباط محاولة كبرى في السودان    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    مستقبل اللغات في عالم متغير.. هل ستبقى العربية؟!    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



نميري وجه الإذاعة بتسجيل مدحتي صلاة الله وقال بتلين قلب العاصي
عمار هاشم نشر في الراكوبة يوم 20 - 05 - 2012

وعد الفنان اسماعيل حسب الدائم جمهوره بأن يُحيِ حفلاً جماهيرياً كبيراً دون مقابل قبل سفره للقاهرة لمتابعة علاجه فيها واكد انه لن يعتزل الفن مبينا انه يفرح اهل السودان باغنياته ويبكيهم بمدائحه ويلهب حماسهم باناشيده الجهادية وشن هجوما على وزارة الثقافة الاتحادية واتحاد المهن الموسيقية وقال انه سافر للعلاج بالقاهرة بماله الخاص ولم يجد دعما ولا حتى سؤال عن احواله وصحته، واتهم وسائل الاعلام بتجاهله واتاحة الفرص للشباب الذين يرددون اغنياته الخاصة وكشف عن اعمال جديدة في الفترة القادمة .وقال في حوار خاص من داخل منزله العامر انه سيظل يدعم الفن والرياضة بالسودان .
*بداية نتعرف عليك أكثر وعن أسرتك الكريمة ؟
- إسماعيل حسب الدائم الماحي من مواليد أم درمان ود نوباوي ،متزوج والحمد لله ولي سته أبناء وبنات (محمد ،نبوية ،صحوة ،حسب الدائم ،وإسلام وحسن )،الابناء في المراحل الدراسية المختلفة ،ونبوية وصحوة متزوجات ولهم أبناء والحمد لله ..
*كيف كان حال إسماعيل ايام الطفولة والنشأة الأولى ؟
- الحقيقة انا نشأت في أسرة دينية وصوفية خالص ،كنت متأثراً منذ الصغر بالمديح والغناء وكنت متشوقاً وأحلم أكون (فنان أو مادح) أو زي الفنانين البغنو،واي حفله في الحي كنت بمشي أحضرها وتاني يوم بجي أجيب العود وأغني وأمدح براي، وحتى الآلات الموسيقية عملتها براي ،الطنبور والعود وطوالي الصفارة بتكون معاي وأنا كنت متلهف وبعشق المديح والفن .
* متين كانت بداية إسماعيل الحقيقية ؟
- المسارح المدرسية طورت موهبتي ومنها أجزتُ صوتي وسجلت أول عمل وتم إجازة صوتي بالإذاعة عام 1970م، وكانت أغنية أديني رضاك قدامي سفر ،كلمات الشاعر الحبيب إسحق الحلنقي ،وألحان الموسيقار الكبير عبد اللطيف خضر ولهم التحية والصحة .
* بعد إختيارك للغناء والمديح ، من عارضك من الأسرةُ؟
- كانت هنالك معارضة من الوالد رحمة الله عليه ،قال ليا يا إسماعيل ممكن تمدح لكن الغناء لا،فعلاً مدحت وغنيت وأخي علي حسب الدائم رحمة الله عليه أقنع الوالد إني أُغنِي ، تحدثت مع الوالد وقلت ليه يا ابوي انا بغني عشان الشباب يستمع للمديح وأخيراً إقتنع .
* الفن يجد الرفض والقبول في مجتمعنا هل تخوفت من هذه التجربة ؟
- طبعاً وعلي اخوي عندو تجربة في الوسط الفني ،والوالد قال ليا طالما اخترت الغناء اختار الصديق الصاح سواء ان كان في مجتمع الفن أو المستمعين أو المعجبين ، لو إخترت الصديق المثالي حياتك بتكون جميلة والحمد لله المجتمع الفيهوأنا كله مجتمع صفوة ...
* بعد كل هذا النجاح هل تحققت كل أمنياتك ؟
- دائماً وأبداً الامنية الاولى هي الزواج ويكون ليهو اسرة والحمد لله دي كانت الامنية الاولى واتحققت ..
*لماذا المديح والغناء في نفس الوقت ؟
- لا انا إبتديت اسماعيل حسب الدائم الفنان وليه ؟عشان أغُني والشباب يستمع للمديح وأتذكر في يوم من الايام في ناس كانوا بقولوا جيبو لينا إسماعيل حسب الدائم المداح ،ولما غنيت هدفي كان انو الشباب يستمع للمديح ،وانا في الحفلات بقول للشباب في بعض الشباب طالبين المديح ونجحت في ذلك الحمد لله والكلام ده من السبعينيات ..
* سمعت ان لك بعض المواقف مع الرئيس الاسبق الراحل جعفر نميري ؟
- الرئيس جعفر نميري رحمة الله عليه شجعني أكتر ،اني أسجل عدداً كبيراً من المدائح في الإذاعة ،سمع مدحة صلاه الله ،فقال لمحمد خوجلي صالحين رحمه الله عليهما :سجل ليا قصيدة إسماعيل صلاة الله وأكبر عدد من مدائحه ، وقال ليهو القصيدة دي القلبو عاصي يلين ،ورد صالحين :قال ليهو عندو القصيدة دي بس ياريس وقال ليهو يا محمد خوجلي صالحين :إسماعيل ده سجلو ليهو أكبر عدد من المدائح ،بتذكر انا عريس قمت بتسجيل عدد 10 قصائد والحمد لله موفق في الغناء والمديح ..
*وهل النظرة الصوفية للفن مازالت موجوده حتى الآن ؟
- كما ذكرت لك ،انا من أسرة دينية صوفية ،وهنا الصوفية من جدنا الشيخ الامين شرق النيل ،ووالدنا مقدم للشيخ الامين صوفية ،أخدنا منهم الصوفية ،وانا أتذكر قمت بزيارة لمسيد نحيي فيهو ليله ومعي ابني محمد ، وفي المسيد جاء جمهور كبير جداً حتى خليفه المسيد قال : الليله الناس دي جات من وين ! قاموا قالوا ليهو ده الفنان إسماعيل حسب الدائم وإبنه محمد وتاني يوم واثناء الفطور قلت ليهو يا شيخنا انا عايز أخلي الغناء :قال لي لا غني الغناء السمح وأمدح للشباب ديل وشفت امس المسيد كان مليان كيف ! وزي ماقلت ليك هي وسيلة فقط ..
*ولماذا اتجه الجمهور والمستمع للفنانين الشباب ؟
- لالا أبداً نحن والحمد لله مازلنا نحتفظ بجمُهورنا وانا كإسماعيل حسب الدائم مازلت احتفظ بجمهوري ،لكنني أعيبُ على الإعلام اذا اي فنان بجي يغني وهو مابعرف يغني و انت بتديهو أكبر من حجمو ! ماببقى فنان ؟ والإعلام بخلق من الفسيخ شربات ، أنا بقول ليهم إنتو ماتحرمونا نحن ، نحن غنانا جميل جداً لكن الأضواء على الشباب ، وياريت لو كان غناهم ده غناء الفنانين الكبار !،ونحن بنشاهد في التلفزيون أغانينا ونحن قاعدين نتفرج ، ونحن بخيرنا وهنالك ظلم كبير للفنانين الكبار ، وانا أؤمن بالتواصل ونحن بدينا بنغني بأغاني الفنانين السبقونا لكن بنعتمد بعد ذلك على نفسنا واغنياتنا..
* الشباب ديل ح يطوروا الفن السوداني ؟
-أنا ماشايف في تطور حتى اللحظة دي ،لانو اي واحد بغني غناء ماحقوا ..
*وتعزي الاسباب دي لي شنو ؟
- توجه الإعلام نحوهم ده هو السبب الرئيسي ، وبالمناسبة الفنانين الشباب بختاروا كلام هابط جداً .
*ورأيك في تجديد الشباب للأغاني القديمة ؟
- مافي تجديد ولاشئ والأغاني القديمة هي ذاتها والبعض منهم بشوهوها ويغيروها .. وانا بقول ليهم ياغنو غنانا ذاتو ولا خلوه
*وإندفاع الفنانين الشباب للكسب المادي ؟
- والله نحن لحدي اليوم بنغني بالمجان والمجاملات أكثر من المادة وانا والله مرات بتم للعريس حق المناسبة وبمشي أغني ليهو ،وإندفاعهم وجريهم نحو المال بعتبرها فورة صابون ليس إلاَّ.
*وهل برحيل عمالقة الغناء السوداني ينتهي الفن ؟
- ابداً والله الفن بخيرو ،والشعراء بخيرهم والملحنين بخيرهم
*إسماعيل الفنان والملحن حدثنا كيف قدرت ان توفق مابينهم الإثنين ؟
- الحقيقة أنا بشكرالأخ الاستاذ الموسيقار المقتدر عبد اللطيف خضر هو الوراني إمكانية صوتي وين وأخذت منو الالحان ،وأما باقي الأغاني كلها من ألحاني :لما أشوفك وخطبتها والبلبل الصداح والدنيا العريضة ..
*وماذا عن المعجبين وهل هنالك تواصل معهم ؟
- علاقتي بالمعجبين متواصلة ودائماً بسألوا عني والحمد لله وفي مره إتصل بي أحد المعجبين وكان بفتش لي تلفوني ،قال ليا نحن إتصلنا في برنامج تلفزيوني بالنيل الأزرق تقدمه المذيعة نادين علاء الدين وطلبنا أغنية لإسماعيل حسب الدائم ، فقامت أشرت بي كتفها (يعني إسماعيل ده منو )، وانا بقول لي ناس النيل الازرق اي زول ماعندو ثقافة فنية مامفروض يبقى مذيع والحاجة دي خلتني أتحسر على الراحلة هيام وليلى المغربي ، والمذيعة يسرية محمد الحسن وفتحية إبراهيم وانابقول لي نادين علاء الدين مسيرة 42 سنة عايزه تنتهي منها في ساعة برنامج .
*يقولون إن أغاني إسماعيل هي التي قدمت أولاد الصادق أحمد وحسين ؟
- أغاني اسماعيل قدمت الكثير من الفنانين :قدمت مجذوب أونسة والراحل الامين عبد الغفار رحمه الله عليه وسيف الجامعة وفرفور غنى ليا ونادر خضر واحمد الصادق وحسين الصادق وكثير من الاغاني ،وهم بدو بيها .
* عندك مانع الجيل الجديد يردد أغنياتك ؟
- التواصل مهم جداً وانا مقتنع بيهو ،لكن الفنانين الشباب مايضيعو الشئ الادبي للشاعر والملحن والفنان ،وأنا بفتكر لو الواحد لما يجي يغني في اي مناسبة او اي برنامج يقول أنا أغني أغنية فلان وإلحان فلان بغنيها فلان ويكون في تواصل ..
*اولاد الصادق إستأذنوك في أغنياتك ؟
- مافي واحد منهم إستأذن مني ولا أنا إشتكيت .
*ماذا تقول عن فرقة الصحوة ؟
- فرقة أدت رسالة جميلة في مديح المصطفى ،الأسسها مع كشك هو إبني محمد إسماعيل حسب الدائم ومعاهو حسب الدائم أبوالقاسم ومحمد علي حسب الدائم ،وأخيراً إنسحبو منها .
*رأيك في إتحاد المهن الموسيقية ؟
- أنا قبل كده إتكلمت عنه وعن الاخ الفنان حمد الريح وانا ماقصدي أسئ إليه ،وكل كلامي وقصدي الواحد عندو مسؤولية يكون قدرها ولا يخليها لي غيرو، يعني الفنان المريض يزوره ويسألوا عنو و العازف الما مقتدر يشوفوه والمحتاج وظروفو صعبة يقيفو معاهو ودي ماعايزه اثنين ولا ثلاثه ،وانا بشكر الدكتور عبدالقادر سالم ما بقصر مع زول واقف في كل كبيره وصغيرة وطوالي بزور الفنانين المرضى ،لما كان رئيس الإتحاد وبعد خرج منه ،وانا لما كنت مريض بالقاهرة ماسأل مني وحتى لما جئت ماسأل مني ولما إتكلمت وعاتبتو زعلان ،وانا بقول ليهو ماتزعل وانا ماقاصد أسئ إليك ،لانو هو راجل فنان ومحترم وتربطني بيهو أخوه وصداقة ،وانا بقول ليهو إنت عندك مسؤولية لازم تكون قدرها ..
*وماذا عن حظرك من السفر للقاهرة ؟
- تم حظري من القاهرة قرابة 9سنوات في قصيدة قلتها في حسني مبارك ،والكلام ده كان في لواء القعقاع في الدفاع الشعبي ،أخيراً سافرت مصر وكنت فرحانا جدا والحمد لله أني شفتها تاني ،وإصابتي كانت تضخم في عضلات القلب وشئ في الأعصاب في اليد وبعض الضيق في الشرايين بجانب السكري ،والحمد لله إتعالجت وجيت ونهاية الشهر ده راجع تاني ..
*وهل تمت مساعدتك من وزارة الثقافة والدولة في علاجك ؟
- لا وزارة لا وزير ومافي زول ساعدني حتى قروشي وحقتي براها عشان احولها لي عملة صعبة ما قدرت واتأسفت شديد للبحصل ليا ،وحتى وزير الثقافة السمؤال خلف الله لما جيت من القاهرة وعلى الاقل ولما زار كل المبدعين والفنانين كان يزورني ولا يسأل مني إنشاء الله بي تلفون ،انا أتذكر رسل ليا رسالة على أساس أجي أحضر ،أناشيد وطنية كانت برعاية منظمة أروقة ،حتى لقيت عندي نشيد بحلف بي حياتي يابلادي بغنو فيهو وبي لحن تاني وده استفزاني وزعلني شديد !، ولما لا قيت الوزير السمؤال خلف الله ماقال ليا كفارة ولا إعتذر ليا ،سلم عليا سلام ميت ومر مرور الكرام ، ورسالتي ليهو وبقول ليك يا السمؤال أصلو ده مامكانك ! ،يمكن أن تكون وزير لأي وزارة أخرى إلاّ الثقافة ،وانت مابتمثل لينا الثقافة أصلاً وبقول ليهو انت عندك خيار وفقوس، ولم يتم إختياري في كل المناسبات التي تقيمها الوزارة ( لا الجنينة عاصمة الثقافة لم يتم اختياري ولا ليالي الخرطوم وليالي امدرمان وتم اختيار الاولاد البغنو غناي وانا قاعد متفرج) ..
*وماذا عن علاقتك بالكورة والرياضة ؟
- أنا مريخاااااابي زي بطيخ الرباطاب الاحمر!! وأعشق المريخ ولا أجامل في المريخ ،انا مريخابي إسلامي ،صوفي ولا اجامل فيهم إطلاقاً ، وبشجع كل الفرق التي تلعب خارجياً، وعلاقتي بالمريخ كبيره وانا أتمنى من مجلس إدارة المريخ وجماهيره الإلتفاف أكتر حول الفريق وبقول ليهم خير من يرأس المريخ جمال الوالي ..
*هل ستعتزل الفن ؟
- أنا مابعتزل الفن ولا مفكر اعتزل ، وماكل زول فنان عشان أعتزل الفن وما اي زول بغني ،ولن أعتزل الفن ،انا فنان شامل ،وفنان مغني ،إذا غنيت أطربت ،واذا مدحت أبكيت أحباب رسول الله صلى الله عليه وسلم ،وإذا قدمت الأناشيد الحماسية ألهبت الحماس في نفوس المجاهدين ..
*جديدك من أعمالك الفنية ؟
-عندي جديد لي اخونا عبد العال السيد ومختار دفع الله والشاعر حامد دواش والشاعر عبد الرحمن الناير كنانة ولهم التحية ويوسف جابر ، وعندي كتير ليوسف جابر وكل اغاني الشعراء دي من الحاني انا وسوف ترى النور قريباً .
*كلمة أخيرة ؟
- في الختام أشكرك جزيل الشكر عمار وأسرة جريدة الصحافة ،وشكراً للزيارة والونسة الجميلة في منزلنا المتواضع ،انشاء الله ربنا يوفقكم ،وأشكر كل من سأل عني في رحلة علاجي وإتصل بي وأشكر عبركم وشكر خاص لسعادة الفريق أحمد إمام التهامي معتمد أم درمان الذي دائماً ما يسأل عن حالنا وحال الفنانين والمبدعين وشكراً جزيلاً لكم ..
الصحافة

انقر هنا لقراءة الخبر من مصدره.