البوش والناس علاقة وطيدة في سودان القرن العشرين فهو سيد الساحة بلا منازع الان وبعد ما ناس الحكومة شالوا الكلام وجابوا وختوهوا فوق الكسرة سرت في كثير من الناس قشعريرة الخوف علي الحبيب الاول وان تطاله يد الرقيب لكن وبحمد الله عبرت العاصفة دون ان تصلهم لكن جاتهم من حتة تانية وقالوا ما دايرين اي قدرة في الشارع يعني دخلوها الدكاكين وما تخافوا من الدخاخين وقالوا القرار ده ممكن يوقف سريان موية الفول في رحلتها نحو المصارين السودانية. واحد من حزب البوش وده ما عنده علاقة ببوش صدام ده سوداني عديل وبصادم قال لونسة الناس ديل اخير ليهم يبعدوا من قدرنا عشان قدرنا دي هي قدرنا والبهبش البوش بالموية بنهبشوا بزيت السمسم وقبل ما يتم كلامو كان الجماعة دوروا في البوش الما خمج خليتو ومشيت.