حلم البذرة الحب الأزلي تنبت تدي الفقرا بيوت بيوت في الزمن الواقف عندك ديمة موشح بيك سكوت سكوت من شدة طعم الفرحة بيوت الفرحة سكون وخفوت خفوت الصوت لو يطلع منك كل معاني الوحشة تفوت وأنا راجيك في نفس الشرفة شايل وعدك وأبني بيوت بيوت العشق الفيها ملامحك أحلى بيوت *** و أفضل أحلم بيك واغني أغني.. وأغني عشانك اكتر واحضن طيفك ساعة يظهر و أبقي أمنى الروح بالصوت قولي بحبك! أيوه بحبك يرسم صوتك وعد اللقيا الممدود زي حبل الصوت تنبت تبقى البذرة غناوي وأحلى حكاوي وأجمل صوت ووعد اللقيا وساعة وصلك تبقى تقرب وتبدى تفوت كل المدن الزايفة وعايشة سكوت *** حلم البذرة القمره تضوي وشمسًا تطلع وموية بتروي وجدول يفوت وحلمي أقابلك و نبدا نعلم كل الناس كيف ترعى البذرة يوم ورا يوم البذرة تضلل كل الكون بالحب وتفضل يزيد إحساسنا حلم البذرة يكون نبراسنا وأحلم بيك وأجمل صورة تكون عينيك ويفضل حلم العاشق «بيت» بيت من طين أو حتى رسالة وقلب حنين حلم البذرة تقابل الصوت قولي بحبك تنبت تبقى البذرة بيوت ..